Breaking News
  • విశాఖ: సింహాద్రి అప్పన్నస్వామికి స్వర్ణ తులసీ దళాలు సమర్పణ. రూ.25 లక్షలు విలువైన 50 స్వర్ణ తులసీ దళాలు సమర్పించిన బోకం శ్రీనివాసరావు దంపతులు. గతంలోనూ పలు కానుకలు సమర్పించిన శ్రీనివాసరావు.
  • అమరావతి: ఓఎన్‌జీసీ, గెయిల్‌ అధికారులతో మంత్రి పెద్దిరెడ్డి భేటీ. మత్స్యకారులకు చేయూతనివ్వాలని కోరిన పెద్దిరెడ్డి రామచంద్రారెడ్డి. కార్పొరేట్‌ రెస్పాన్స్‌బిలిటీ కింద 2శాతం చెల్లించాలని కోరిన మంత్రి. గతంలో రూ.150 కోట్లు ఇస్తామని ఓఎన్‌జీసీ, గెయిల్‌ అంగీకారం. బకాయిలు రూ.82.12 కోట్లు వెంటనే చెల్లించాలని కోరిన పెద్దిరెడ్డి. ఆయిల్ నిక్షేపాల వెలికితీత సమయంలో మత్స్య సంపదకు నష్టం కలుగకుండా జాగ్రత్తలు తీసుకోవాలని సూచన.
  • తిరుపతి: మీడియాతో మాజీ సీఎం కిరణ్‌ కుమార్‌రెడ్డి చిట్‌చాట్‌. పీసీసీ చీఫ్‌ పదవి మీడియా ఊహగానాలేనన్న కిరణ్‌కుమార్‌రెడ్డి. పీసీసీ చీఫ్‌ పదవిపై అంతగా ఆసక్తి లేదన్న మాజీ సీఎం. తాజా రాజకీయాల తీరుపై తీవ్ర అసంతృప్తి. తాను తిరుపతిలో తెలుగు మహాసభలను ఘనంగా నిర్వహించానన్న కిరణ్‌. చిత్తూరు జిల్లాలో తాను ప్రారంభించిన తాగు, సాగు నీరు ప్రాజెక్టు కొనసాగించకపోవడం పట్ల ఆవేదన. తిరుపతిలో అంతర్జాతీయ స్టేడియం నిర్మించకపోవడంపై అసంతృప్తి.
  • సైదాబాద్‌ పీఎస్‌లో అక్బరుద్దీన్‌పై కేసునమోదు. అక్బరుద్దీన్‌పై క్రిమినల్‌ కేసు నమోదు చేయాలని సైదాబాద్‌ పోలీసులను ఆదేశించిన నాంపల్లి కోర్టు. భారత దేశ సార్వభౌమత్వాన్ని సవాల్‌ చేసిన అక్బరుద్దీన్‌. న్యాయవాది కరుణసాగర్‌ ఫిర్యాదుతో కేసునమోదు.
  • గుంటూరు: దుర్గి మండలం ధర్మవరంలో జనసేన నేతల పర్యటన. బోనబోయిన శ్రీనివాస్‌యాదవ్‌ ఆధ్వర్యంలో కార్యకర్తలకు పరామర్శ. గ్రామంలో తిరునాళ్ల సందర్భంగా పోలీసులు, గ్రామస్తుల మధ్య ఘర్షణ. గురజాల డీఎస్పీ శ్రీహరిని కలిసిన జనసేన నేతలు. గొడవతో సంబంధం లేని వారిని కేసుల నుంచి తొలగించాలని విజ్ఞప్తి. గురజాల సబ్‌జైలులో ఉన్న ధర్మవరం జనసైనికులకు పరామర్శ.
  • తూ.గో: రాజమండ్రి దగ్గర పురాతన హెవలాక్‌ బ్రిడ్జిని పరిశీలించిన ఎంపీ మార్గాని భరత్‌, టూరిజం ఎండీ ప్రవీణ్‌కుమార్‌. హెవలాక్‌ బ్రిడ్జిని పర్యాటక కేంద్రంగా తీర్చుదిద్దనున్న ప్రభుత్వం. వాకింగ్‌, సైక్లింగ్‌ ట్రాక్‌, ఫుడ్‌బజార్‌, ఫ్యాషన్‌ బజార్లకు ఏర్పాటు. 40 అడుగుల మేర ట్రాక్‌ ఏర్పాటు చేయాలని కోరిన ఎంపీ. త్వరలో పనులు ప్రారంభిస్తామన్న ఎండీ ప్రవీణ్‌కుమార్‌.

అరబిందో ఫార్మాకు కొత్త తలనొప్పులు.. లోపాలను గుర్తించిన యూఎస్ ఎఫ్‌డీఏ

US FDA observations on telangana plant fresh headache for aurobindo pharma, అరబిందో ఫార్మాకు కొత్త తలనొప్పులు.. లోపాలను గుర్తించిన యూఎస్ ఎఫ్‌డీఏ

ప్రముఖ ఔషదరంగ సంస్ధ అరబిందో ఫార్మా హైదరాబాద్ ‌బ్రాంచీకి కొత్త తలనొప్పులు వచ్చిపడ్డాయి. ఈ యూనిట్‌ను తనిఖీ చేసిన అమెరికా ఫుడ్ అండ్ డ్రగ్ అడ్మినిస్ట్రేషన్ (యూఎస్ ఎఫ్‌డీఐ) ఏడు లోపాలను గుర్తించి భారీ షాక్ ఇచ్చింది. దీంతో పాటు హిమాచల్ ప్రదేశ్‌లోని గ్లెన్‌మార్క్ ఫార్మాకు కూడా వార్నింగ్ ఇచ్చింది. అమెరికాకు ఎగుమతి చేసే జనరిక్ కంపెనీల్లో అయిదో పెద్ద కంపెనీ అరబిందో ఫార్మా. దీని మెయిన్ ప్రధాన కార్యాలయం హైదరాబాద్‌లో ఉంది. దీనికి అమెరికా నుంచి 25 నుంచి 30 శాతం ఆదాయం వస్తుంది. అయితే యూఎస్ఎఫ్‌డీఏ షాక్ నేపథ్యంలో సోమవారం అరబిందో కంపెనీ షేర్లు ఐదేళ్ల కనిష్టానికి నష్టపోయాయి. దీనికి ప్రధాన కారణం గత నెలలో యూఎస్ఎఫ్‌డీఏ తనిఖీ చేసి ఏడు లోపాలను గుర్తించడమేనని బాంబే స్టాక్ ఎక్చేంజ్‌కు అరబిందో ఫార్మా తెలియజేసింది.

గత నెల సెప్టెంబర్‌ 19 వ తేదీ నుంచి 27 మధ్య యూఎస్ ఎఫ్‌డీఏ అధికారులు అరబిందో ఫార్మాలో తనిఖీలు నిర్వహించారు. దీనిలో ఏడు లోపాలను గుర్తించారు. వీటిలో ప్రధానంగా కంపెనీ తయారు చేసే ఔషధ ఉత్పత్తులకు సంబంధించినవే ఉన్నాయని తెలుస్తుంది. అయితే తమ కంపెనీపై వచ్చిన లోపాలను గుర్తించి వాటిని త్వరలోనే పరిష్కరిస్తామని కంపెనీ అధికారులు తెలిపారు. సరిదిద్దిన తర్వాత మరోసారి యూఎస్ఎఫ్‌డీఏకు నివేదిక కూడా పంపిస్తామని అరబిందో ఫార్మా అధికారులు వెల్లడించారు.

సోమవారం జరిగిన ట్రేడింగ్‌లో అరబిందో ఫార్మా షేర్లు కంపెనీ షేర్లు 20శాతం నష్టపోయి రూ.458.50 వద్ద క్లోజ్ అయ్యాయి. దీంతో ఐదేళ్ల కనిష్టానికి చేరుకున్నట్టయ్యింది. ఈ పరిస్థితితో అరబిందో కంపెనీకి కొత్త చిక్కులు వచ్చినట్టయింది. ఎందుకంటే ప్రధానంగా అమెరికాకు ఎగుమతి చేసే ఉత్పత్తుల ద్వారా అరబిందో ఫార్మాకు 25 నుంచి 30 శాతం ఆదాయం లభిస్తుంది. ఒక్కసారి స్టాక్ మార్కెట్లో నష్టాలు రావడంతో కంపెనీ నష్ట నివారణ చర్యలు ప్రారంభించింది.