Viral Video: ఘనంగా పెళ్లి ఊరేగింపు.. నడిరోడ్డుమీద కత్తులతో మహిళలు విన్యాసాలు..

Wedding Video Viral

Viral Video: ప్రస్తుతం పెళ్లిళ్ల సీజన్(Wedding Season) కొనసాగుతోంది. దాదాపు మూడేళ్లుగా ఇలాంటి వేడుకలకు దూరమైన ప్రజలు ఈ ఏడాది కరోనా(Corona) తగ్గుముఖం పట్టడంతో నెమ్మదిగా సామాన్య పరిస్థితులు నెలకొంటున్నాయి. దీంతో ప్రజలు ఎంతో ఉత్సాహంగా వేడుకలు జరుపుకుంటున్నారు. ఈ క్రమంలో హైదరాబాద్‌ పాతబస్తీలో ఓ పెళ్లి ఊరేగింపు ఘనంగా నిర్వహించారు. అయితే తాము అందరికంటే భిన్నంగా అనుకున్నారేమో.. ఈ పెళ్ళివారు… బారాత్ కు వెళ్తూ..  తల్వార్లతో విన్యాసాలు చేశారు. పురుషులే కాదు.. మహిళలు సైతం కత్తులు చేతపట్టి నడిరోడ్డుపై విన్యాసాలు చేశారు. ఈ తల్వార్‌ విన్యాసాల వీడియో నెట్టింట చక్కర్లు కొడుతోంది. మరో పక్క ఇలాంటి విన్యాసాలు చలా ప్రమాదకరమని, నగరంలో ఇలాంటి విన్యాసాలకు అనుమతి లేదంటున్నారు పోలీసులు. ఇలాంటి వారిపై చర్యలు తీసుకోవాలని కొందరు డిమాండ్‌ చేస్తున్నారు.