Pawan Kalyan: పవన్‌ కల్యాణ్‌తో సినిమా ఖరారు చేసిన సముద్రఖని.. సాయి ధరమ్‌తేజ్‌ నటించే అవకాశాలు..!

Pawan Kalyan: సముద్ర ఖని దర్శకత్వంలో పవన్‌ కల్యాణ్‌ ఓ సినిమా చేయనున్నట్లు గతంలో వార్తలు వచ్చిన సంగతి తెలిసిందే. అయితే ఈ విషయంపై సముద్రఖని

Director Samudrakhani

uppula Raju |

Updated on: May 13, 2022 | 6:30 AM

Pawan Kalyan: సముద్ర ఖని దర్శకత్వంలో పవన్‌ కల్యాణ్‌ ఓ సినిమా చేయనున్నట్లు గతంలో వార్తలు వచ్చిన సంగతి తెలిసిందే. అయితే ఈ విషయంపై సముద్రఖని స్పష్టతనిచ్చారు. ఓ ఛానెల్‌ కిచ్చిన ఇంటర్వూలో వివరాలని వెల్లడించారు. తమిళంలో సక్సెస్‌ అయిన ‘వినోదాయ సీతాం’ని పవన్‌ కల్యాణ్‌తో రిమేక్‌ చేయనున్నట్లు తెలిపారు. తాను కూడా పవన్‌ కల్యాణ్‌ అభిమానినని, తనలాంటి వారందరినీ దృష్టిలో ఉంచుకొని సినిమాను తెరకెక్కించనున్నట్టు పేర్కొన్నారు. ప్రస్తుతం సినిమాకి సంబంధిత పనులు జరుగుతున్నాయని త్వరలోనే అధికారికంగా వెల్లడిస్తామని చెప్పారు.

పవన్ కల్యాణ్ కూడా ఇటీవల రీమేక్ సినిమాలకు ప్రాధాన్యతనిస్తూ వస్తున్నారు. కథ బాగుంటే చాలు తెలుగు రీమేక్ చేయడానికి వెనుకాడరు. ఆల్రెడీ ఆయన చేసిన ‘వకీల్ సాబ్’ , ‘భీమ్లా నాయక్’ రెండు సినిమాలు రీమేక్ సినిమాలే. సముద్రఖని తెలుగు హీరోలతో గతంలో ‘శంభో శివ శంభో’, ‘జెండా పై కపిరాజు’ తదితర చిత్రాలు తెరకెక్కించారు. అలాగే సాయి ధరమ్‌తేజ్‌ కూడా ఈ సినిమాలో నటించే అవకాశాలున్నట్లు ప్రచారం జరుగుతోంది. దీనిపై ఇంకా స్పష్టతరావాల్సి ఉంది.

మరిన్ని సినిమా వార్తలకోసం ఇక్కడ క్లిక్ చేయండి