Viral Video: బోర్డుపై ఉన్న రోడ్డు బొమ్మను చూసి భ్రమపడ్డ డ్రైవర్.. నేరుగా ట్రక్కును తీసుకెళ్లి..

రోడ్డు అనుకొని ఓ ట్రక్కు డ్రైవర్ హోర్డింగ్‌ను ఢీకొట్టిన సంఘటన ఢిల్లీ- డెహ్రాడూన్ హైపై జరిగింది. ఈ ప్రమాదంలో వాహనం ముందు భాగం నుజ్జు నుజ్జు కాగా డ్రైవర్ మాత్రం ప్రాణాలతో బయటపడ్డాడు. ఇందుకు సంబంధించిన వీడియో ప్రస్తుతం నెట్టింట వైరల్‌గా మారింది. వివరాల్లోకి వెళ్తే.. ఢిల్లీ–డెహ్రాడూన్ ఎక్స్‌ప్రెస్‌వే పక్కన ఓ భారీ హోర్డింగ్‌ను ఏర్పాటు చేశారు. అయితే దానిపై అచ్చం హైవే నిర్మాణం తరహాలో సహజమైన పెయింటింగ్‌ను వేశారు.

అయితే రాత్రి సమయంలో అటుగా వచ్చి ఓ భారీ ట్రక్కు డ్రైవర్.. ఈ హోర్డింగ్‌పై వేసిన ఆర్ట్ పెయింటింగ్‌ను నిజమైన రోడ్డు అనుకుని నేరుగా దానిపైకి దూసుకెళ్లాడు. ఈ ప్రమాదంలో ట్రక్కు ముందుభాగం పూర్తిగా ధ్వంసం కాగా.. డ్రైవర్ మాత్రం స్వల్పగాయాలతో బయటపడ్డాడు. ప్రమాదాన్ని గమనించిన స్థానికులు గాయపడిన డ్రైవర్‌ను సమీపంలోని హాస్పిటల్‌కు తరలించారు.

అయితే ఈ ప్రమాదం తర్వాత డెహ్రాడూన్‌లోని ఈ ఆశారోడి–మొహబ్బేవాళా మధ్య ఉన్న 2 కిలోమీటర్ల రోడ్డు ఇప్పుడు వైరల్‌గా మారింది. ఎందుకంటే గత ఆరు నెలల్లో ఇక్కడ 12కి పైగా భారీ ప్రమాదాలు జరిగాయి. ఇందుకు సంబంధించిన వీడియో ప్రస్తుతం నెట్టింట వైరల్‌గా మారింది. ఈ వీడియో చూసిన నెటిజన్లు తమదైన రీతిలో కామెంట్స్ చేస్తున్నారు.

వీడియో చూడండి..

सरकार अपने प्रचार के लिए सड़कों पर होर्डिंग लगवाती है, भुगतना पब्लिक को पड़ता है।

दिल्ली-देहरादून एक्सप्रेसवे पर लगी होर्डिंग में सड़क की ऐसी तस्वीर बनाई, ट्रक ड्राइवर असली रास्ता समझ बैठा। उसने ट्रक होर्डिंग में घुसा दिया

#dehradoon #roadaccident https://t.co/t3iaIrHodP

— Shivaji Mishra (@askshivaji27) October 19, 2026

మరిన్ని ట్రెండింగ్ వార్తల కోసం ఇక్కడ క్లిక్ చేయండి.