Viral Video: దీపావళి పటాకులను నగలుగా ధరించిన యువకుడు.. చేతిలో వెలిగే దీపంతో డ్యాన్స్..
వైరల్ అవుతున్న వీడియోలో ఒక యువకుడు అమ్మాయిలా మేకప్ వేసుకున్నాడు. తెల్లగా మెరిసే లెహంగా-చోలీని ధరించి కనిపించాడు. అంతేకాదు నగలను అలంకరించేందుకు ఏకంగా దీపావళి బాణాసంచాను ఉపయోగించాడు. పటాకుల దండను వేసుకున్నాడు. బాంబులు, చిచ్చు బుడ్లు వంటి వాటిని హారం, చెవి పోగులు వంటి వాటిని నగలుగా అలంకరించుకున్నాడు. చేతిలో దీపంతో సందడి చేశాడు.
Updated on: Nov 01, 2024 | 12:26 PM
సోషల్ మీడియాలో వింత దుస్తులు అనగానే ఉర్ఫీ జావేద్ గుర్తుకొస్తుంది. ఉర్ఫీ డిఫరెంట్ దుస్తులతో సోషల్ మీడియాలో ఫేమస్ అయింది. కెమెరాలో కనిపించడానికి ఏ టైప్ దుస్తులను అయినా ధరించడానికి వెనుకాడదు. ఉర్ఫీ ఎవరూ ఊహించని వాటితో తయారు అయిన దుస్తులను కూడా తయారు చేస్తుంది. వాటిని ఏ మాత్రం నదురుబెదురూ లేకుండా ధరిస్తుంది. అయితే ఉర్ఫీ జావేద్ అసాధారణమైన ఫ్యాషన్ సెన్స్‌కి పోటీగా మార్కెట్‌లోకి కొత్త గా వ్యక్తీ వచ్చినట్లు తెలుస్తోంది. ఓ కుర్రాడికి సంబంధించిన వీడియో వైరల్‌గా మారింది. ఈ వీడియోలోని ఓ యువకుడు ఉర్ఫీ కంటే ఒక అడుగు ముందుకేశాడని పబ్లిక్ అంటున్నారు. ఇందులో ఈ యువకుడు దీపావళి రోజున పేల్చిన బాణాసంచాకు సంబంధించిన వాటిని నగలుగా తయారు చేసుకుని వాటిని ఆభరణాలుగా ధరించాడు. ఇందుకు సంబంధించి ఓ వీడియో సోషల్ మీడియాలో వైరల్ అవుతోంది.
వైరల్ అవుతున్న వీడియోలో ఓ యువకుడు తెల్లటి మెరిసే లెహంగా-చోలీని ధరించాడు. పటాకుల దండ, పాటకులతో చేసిన చెవిపోగులు, బాంబుల హారం వంటి నగలను తయారు చేసి ధరించాడు. అంతేకాదు ఆ యువకుడు తన చేతిలో వెలుగుతున్న దీపాన్ని కూడా పట్టుకున్నాడు. అదే సమయంలో ‘సజ్నా మేరా ఆజ్ పగ్లాయా హై’ పాట బ్యాక్‌గ్రౌండ్‌లో ప్లే అవుతోంది. ఇది పరిస్థితికి సరిగ్గా సరిపోతుంది.
కొంత మంది సోషల్ మీడియా యూజర్లు ఈ విషయాన్నీ చాలా తేలిగ్గా తీసుకున్నారు. అయితే ఇలాంటి డ్రెస్ వేసుకోవడం, ధరించడం వల్ల ప్రమాదాలే కాకుండా.. ఈ మాత్రం కొంచెం అజాగ్రత్తగా ఉన్నా తీవ్ర ప్రమాదానికి గురయ్యే అవకాశం ఉందని హెచ్చరిస్తున్నారు. ఎందుకంటే, పటాకుల దగ్గరకు మండుతున్న దీపాన్ని తీసుకుని వెళ్ళడం అనేది ప్రమాదకరమైన నిర్ణయం.
ఇక్కడ వీడియో చూడండి
View this post on Instagram
వీడియోలో కనిపిస్తున్న యువకుడిని కంటెంట్ సృష్టికర్త రవిసాగర్‌గా గుర్తించారు. ఏడు రోజుల క్రితం @ravisagar88లో అప్‌లోడ్ చేయబడిన ఈ వీడియోను ఇప్పటివరకు 35 వేల మందికి పైగా లైక్ చేసారు. అంతేకాదు రకరకాలా ఫన్నీ కామెంట్స్ తో కామెంట్ చేస్తున్నారు. ఒకరు దీపం సోదరుడి దగ్గర నుంచి తీసుకోక పొతే ఈ అలంకరణ ప్రాణానికి హనికరం అని అంటే.. సుట్లీ బాంబు ఎప్పుడు పేలుతుందా అని ఎదురు చూస్తున్నాను అని మరొకరు చెప్పారు అంతేకాదు వెలుగుతున్న దీపం చెవిపోగుల తాకనిస్తే అప్పుడు తెలుస్తుంది.. అసలా సంగతి అని కామెంట్ చేశారు.
మరిన్ని ట్రేండింగ్ వీడియో వార్తల కోసం ఇక్కడ క్లిక్ చేయండి
