అద్భుత ఆలయం.. ఈ గుడికి కాపలా కాస్తున్న మొసళ్లు.. పండ్లు, స్వీట్లు తింటూ భక్తులతో స్నేహం!
మొసలి ఎంతో శక్తివంతమైన, క్రూరమైన జీవి. నీటిలో ఉన్నప్పుడు దాని బలం ఎలా ఉంటుందో మాటల్లో చెప్పలేం.. ఒక్కసారి వేటను టార్గెట్ చేసిందంటే.. ఇక దాన్నుంచి తప్పించుకోవడం దాదాపు అసాధ్యం. భారీ ఏనుగు లాంటి పెద్ద పెద్ద జంతువులు కూడా మొసలి జోలికి వెళ్లేందుకు భయపడుతుంటాయి. ఇక మనుషులైతే, మొసలి ఉన్న ఏరియాకు వెళ్లాలంటే కూడా వణికిపోవాల్సిందే..! మొసలి వేటకు సంబంధించిన వీడియోలు సోషల్ మీడియాలో అనేకం వైరల్ అవుతుంటాయి. కానీ, మీరు ఎప్పుడైన ప్రజలతో ప్రజలందుకుంటూ, స్వీట్లు తింటున్న ఫ్రెండ్లీ మొసళ్లను చూశారా..? ఎక్కడో చూద్దాం రండి..
Updated on: Feb 16, 2026 | 8:51 AM
ఇటీవల సోషల్ మీడియాలో ఫ్రెండ్లీ మొసళ్లకు సంబంధించిన ఫోటోలు, వీడియోలు ఎక్కువగా వైరల్ అవుతున్నాయి. ఇందులో ఒక నీటి సరస్సు కనిపిస్తుంది. ఈ ప్రదేశం గురించి అత్యంత ప్రత్యేకమైన విషయం ఏమిటంటే ఇక్కడ 200 కంటే ఎక్కువ మొసళ్ళు నివసిస్తాయట. ఆశ్చర్యకరంగా, ఈ మొసళ్ళు చాలా ప్రశాంతమైన స్వభావం కలిగి ఉంటాయి. ఇక్కడికి వచ్చే భక్తులు తమ చేతులతోనే వాటికి ఆహారం కూడా ఇస్తారు. ప్రజలు వాటికి స్వీట్లు, మాంసం, గుడ్లు, అన్నం వంటివి తినిపిస్తారు. ఇక్కడ ఉంటున్న కొన్ని మొసళ్ళు చాలా పురాతనమైనవి. చాలా సంవత్సరాలుగా ఇక్కడ నివసిస్తున్నాయని స్థానికులు చెబుతారు. ఇంతకీ ఈ సరస్సు ఎక్కడో చెప్పనే లేదు కదా.. ఇది పాకిస్తాన్లోని కరాచీలో ఉన్న మాంగోపిర్ మందిరం.
మంగోపిర్ మందిరం ( పాకిస్తాన్ ప్రసిద్ధ ప్రదేశాలు ) 13వ శతాబ్దపు సూఫీ సన్యాసి పీర్ మాంగోతో కాలం నాటిదిగా చెబుతున్నారు. ఈ మందిరం కరాచీలో ఉంది. గదప్ పట్టణ ప్రాంతం నగరంలోని పురాతన ప్రాంతాలలో ఒకటిగా పరిగణించబడే పీర్ మాంగోను సాకి సుల్తాన్ అని కూడా పిలుస్తారు. అతను గొప్ప సూఫీ సన్యాసి బాబా ఫరీద్ గంజ్ షకర్ శిష్యుడు అని చెబుతారు. స్థానిక కథనం ప్రకారం, పీర్ మాంగో ఒకప్పుడు బందిపోటు దొంగ. కానీ, తరువాత ఆధ్యాత్మిక ప్రభావం కారణంగా, అతని జీవితం మారిపోయింది. అతను సూఫీ మార్గాన్ని అనుసరించాడు. ఈ మందిరం వద్ద మొసళ్ల గురించి చాలా ఆసక్తికరమైన కథలు కూడా ఉన్నాయి.
ఒక ప్రసిద్ధ నమ్మకం ప్రకారం.. ఈ మొసళ్ళు బాబా ఫరీద్తో సన్నిహితంగా ఉండేవని చెబుతారు. అవి ఒక అద్భుత ఫలితమని ప్రజలు నమ్ముతారు. అవి మందిరాన్ని రక్షిస్తాయని అంటారు. ఈ కారణంగా, భక్తులు వాటిని గౌరవంగా చూస్తారు. గౌరవంగా చూస్తారు. నేడు, ఈ ప్రదేశం మతపరమైన భక్తికి మాత్రమే కాకుండా ఒక ప్రత్యేకమైన పర్యాటక కేంద్రంగా కూడా ప్రసిద్ధి చెందింది. ప్రజలు దూర ప్రాంతాల నుండి ఇక్కడికి వచ్చి మొసళ్ళను దగ్గరగా చూసి ఆశ్చర్యపోతారు. సోషల్ మీడియాలో వైరల్ అవుతున్న ఫోటోలు, వీడియోలు ఈ ప్రదేశం ప్రజాదరణను మరింత పెంచాయి. ఈ వీడియోను dannyboy23plus అనే ఖాతా ద్వారా Instagramలో షేర్ చేయబడింది. దీనిని ఇప్పటికే మిలియన్ల మంది వీక్షించారు. కానీ, ఈ వార్త ఎంతవరకు నిజం అనేది మాత్రం తెలిసిరాలేదు.
మరిన్ని ట్రెండింగ్ న్యూస్ కోసం క్లిక్ చేయండి..
