Video: కుప్పకూలిన కార్గో విమానం.. ఎన్ని వేల లీటర్ల ఇంధనం ఉందంటే.? షాకింగ్ విజువల్స్

అమెరికాలో ఘోర విమాన ప్రమాదం సంభవించింది. కెంటకీలోని లూయిస్‌విల్లే ఎయిర్‌పోర్టులో UPS కార్గో విమానం టేకాఫ్ అయిన కాసేపటికే కుప్పకూలిపోయింది. దీంతో ఫ్లైట్ పేలిపోయి.. ఒక్కసారిగా పెద్ద ఎత్తున మంటలు చెలరేగాయి. ఆ ప్రాంతమంతా దట్టంగా పొగలు కమ్ముకున్నాయి. ఈ ఘటనలో పలు భవనాలు దగ్దమయ్యాయి. ఆ విమానంలోని ముగ్గురు సిబ్బంది మృతి చెందగా.. మరో 11 మందికి గాయాలయ్యాయి. ఇక స్పాట్‌లో ఎగిసిపడుతున్న మంటలను అదుపు చేసేందుకు ఫైర్ సిబ్బంది తీవ్రంగా ప్రయత్నిస్తోంది. ఈ ఘటనపై అధికారులు దర్యాప్తు చేపట్టగా.. ఆ కార్గో విమానం 42వేల గ్యాలన్లు జెట్ ఇంధనాన్ని మోసుకెళ్తోన్న తెలుస్తోంది. అటు ఈ విమానంలో పెద్ద ఎత్తున ఇంధనం ఉండటం.. అలాగే బిల్డింగ్‌లపై కూలడంతో మరణాల సంఖ్య పెరిగే అవకాశం ఉందని స్థానిక అధికారులు అంటున్నారు.