తండ్రి తమ్ముడినే ప్రేమించి పెళ్లి చేసుకున్న అమ్మాయి..! తిట్టిపోస్తున్న నెటిజన్లు..
ఇది తప్పుడు బంధం అని వారికి నచ్చజెప్పే ప్రయత్నం చేశారు. కానీ, వారిద్దరూ తమ ప్రేమను వదులుకోవడానికి ఇష్టపడలేదు. దాంతో ఎట్టకేలకు వారి కుటుంబం అంగీకరించింది. ఈ వింత పెళ్లికి సంబంధించిన వీడియోలు, ఫోటోలు సోషల్ మీడియాలో వైరల్గా మారడంతో వీరి బంధంపై తీవ్ర విమర్శలు వెల్లువెత్తుతున్నాయి.
Updated on: Jul 29, 2023 | 4:40 PM
ప్రేమకు, కులం, మతం, వయస్సు, అందం, బంధం అనే అంశాలకు ఎలాంటి అడ్డంకులు కావానేది ఎంత నిజమో ఉత్తరప్రదేశ్లో జరిగిన ఈ వింత పెళ్లి నిరూపిస్తోంది. ఉత్తరప్రదేశ్లోని జౌన్పూర్ జిల్లా తాజుద్దీన్పూర్ గ్రామంలో ఓ వ్యక్తి తన కూతురి వరసైన యువతిని పెళ్లి చేసుకున్నాడు. ఇది వింటే మీరు షాక్ అవుతున్నారు కాదా..? కానీ, నిజమే..ఒక వ్యక్తి తన సోదరుడి కుమార్తెను వివాహం చేసుకున్నాడు. ఈ వివాహాన్ని కుటుంబ సభ్యులు, గ్రామస్తులు తీవ్రంగా వ్యతిరేకించగా, ఎట్టకేలకు ఇరువురు బంధువుల సమక్షంలో ఆలయంలో వివాహం చేసుకున్నారు.
ఉత్తరప్రదేశ్కు చెందిన సుభమ్ అనే వ్యక్తి తన అన్న కూతురు రియాను స్థానిక హనుమాన్ దేవాలయంలో వివాహం చేసుకున్నాడు. తామిద్దరం గత మూడేళ్లుగా గాఢంగా ప్రేమించుకుంటున్నామని, విడిపోలేమని, అందుకే పెళ్లి చేసుకోవాలని నిర్ణయించుకున్నామని సుభమ్, రియా తల్లిదండ్రులకు చెప్పారు. ఇది విన్న కుటుంబ సభ్యులు మొదట షాక్కు గురయ్యారు. కుటుంబసభ్యులు మొదట వ్యతిరేకించారు. ఇది తప్పుడు బంధం అని వారికి నచ్చజెప్పే ప్రయత్నం చేశారు. కానీ, వారిద్దరూ తమ ప్రేమను వదులుకోవడానికి ఇష్టపడలేదు. దాంతో ఎట్టకేలకు వారి కుటుంబం అంగీకరించింది. ఈ వింత పెళ్లికి సంబంధించిన వీడియోలు, ఫోటోలు సోషల్ మీడియాలో వైరల్గా మారడంతో వీరి బంధంపై తీవ్ర విమర్శలు వెల్లువెత్తుతున్నాయి.
అయితే దీనిపై గ్రామస్తులు అభ్యంతరం వ్యక్తం చేస్తూ ఇది మతానికి, హిందూ ఆచారాలకు విరుద్ధమని, అన్నయ్య కూతురు తన సొంత కూతురిలాంటిదని ఖండిస్తున్నారు. అంతేకాదు ఈ పెళ్లిని స్థానికులు ‘పాపం’గా అభివర్ణించారు. ఏది ఏమైనా ఇద్దరూ తమ ఇష్టానుసారం పెళ్లి చేసుకున్నారు.
మరిన్ని వైరల్ వార్తల కోసం ఇక్కడ క్లిక్ చేయండి..
