Viral Video: చల్ల చల్లగా బీరు తాగాలని వైన్ షాప్కొచ్చాడు.. ఎదురుగా కనిపించింది చూడగా
అసలే వర్షాకాలం.. పైగా వెచ్చదనం.. దీనితో చల్ల చల్లగా బీర్ తాగాలని వైన్ షాప్ కొచ్చారు కొందరు. ఇక బీరు తీసి ఇద్దామని చూసిన షాప్ నిర్వాహకుడికి దెబ్బకు షాక్ తగిలింది. ఎదురుగా కనిపించిన సీన్ చూడగా.. సుస్సుపోసుకున్నాడు. ఇంతకీ అదేంటంటే
Updated on: May 26, 2025 | 5:58 PM
పాములు.. ఈ మధ్యకాలంలో ఇంటర్నెట్లో బాగా నడిచే టాపిక్. ఫ్రిడ్జ్లు, కూలర్లు, సీలింగ్ ఫ్యాన్లు.. ఇలా ఎక్కడ దొరికితే అక్కడ దర్శనమిస్తూ జనాలను భయపెడుతున్నాయ్. ఇక అందుకు సంబంధించిన వైరల్ వీడియోలు ప్రస్తుతం సోషల్ మీడియాలో వైరల్గా మరాయి. ఇక అలాంటి కోవకు చెందిన ఓ వీడియో ఇప్పుడు మీకోసం..
వాతావరణం చల్లగా ఉంది కదా అని.. కొందరు బీరు తాగుదామని ఓ వైన్ షాప్కు వచ్చారు. అప్పుడే వారికి ఎదురుగా కనిపించింది చూడగా.. దెబ్బకు షాక్ అయ్యారు. ఓ పాము వైన్ షాప్లోకి ఎలా వచ్చిందో ఏమో గానీ.. ఒక్కసారిగా మందుబాబులను భయపెట్టేసింది. షాప్లోకి దూరడమే కాదు.. మందుబాటిళ్ల పక్కనే ఉన్న సీసీ కెమెరాను చుట్టేసుకుంది. కర్రతో దాన్ని బయటకు తరిమికొట్టేందుకు ప్రయత్నించారు. ఆ చర్య పాముకు చిర్రెత్తుకొచ్చినట్టు ఉంది. నన్నే బయటకు తోసేస్తావా అంటూ.. మందుబాటిళ్లపైకి ఎక్కి.. వాటిని కిందకు తోసేసింది. ఆ తర్వాత ఏం జరిగిందో వీడియోలో లేకపోగా.. ఈ చిన్న వీడియో ప్రస్తుతం నెట్టింట తెగ చక్కర్లు కొడుతోంది. దీనిపై నెటిజన్లు వరుసపెట్టి కామెంట్స్తో హోరెత్తిస్తున్నారు. మందుబాబుల వీక్నెస్ పాము భలే పట్టేసిందిగా అంటూ రకరకాల ఎమోజీలతో రచ్చ చేస్తున్నారు. లేట్ ఎందుకు ఆ వీడియోపై మీరూ ఓ లుక్కేయండి.
View this post on Instagram
