Viral Video: మెట్రోలో హాయిగా కునుకు తీస్తున్న వ్యక్తిపై ఎక్కిన ఎలుక.. ఆ తరువాత సీన్ నవ్వులే నవ్వులు..

బస్సులో గానీ, కారులో గానీ, ట్రైన్‌లో గానీ ప్రయాణిస్తున్నప్పుడు చాలా మంది నిద్రపోతుంటారు. బాగా అలసిపోవడం వల్ల నిద్ర వస్తుంటుంది. మెట్రో ట్రైన్‌లో సీట్ దొరకడే కష్టం.

Rat vs Man

Shiva Prajapati |
Updated on: Feb 06, 2023 | 6:27 AM

బస్సులో గానీ, కారులో గానీ, ట్రైన్‌లో గానీ ప్రయాణిస్తున్నప్పుడు చాలా మంది నిద్రపోతుంటారు. బాగా అలసిపోవడం వల్ల నిద్ర వస్తుంటుంది. మెట్రో ట్రైన్‌లో సీట్ దొరకడే కష్టం. అలాంటి ఏకంగా బోగి అంతా ఖాళీ ఉంటే.. ఇక పండుగే. ఓ వ్యక్తికి కూడా అలాంటి పండుగే వచ్చింది. తాను మెట్రో ఎక్కే సమయానికి సీట్లన్నీ ఖాళీ ఉన్నాయి. ఇంకేముందిగా.. అతను హాయిగా సీట్లో కూర్చున్నాడు. పనిలోపనిగా ఓ కునుకు కూడా తీశాడు. అయితే, పాపం ఆ నిద్రను ఓ చిట్టెలుక పాడు చేసింది. బాబోయ్ అని కంగారుపడేలా చేసింది. ఇందుకు సంబంధించిన వీడియో ఇప్పుడు సోషల్ మీడియాలో నవ్వులు పూయిస్తోంది.

ఈ వైరల్ వీడియోలో ఓ ప్రయాణికుడు మెట్రోల్ హాయిగా నిద్రపోతున్నాడు. ఇంతలో ఎక్కడి నుంచి వచ్చిందో గానీ నేరుగా ఆ ప్రయాణికుడి వద్దకే వచ్చేసింది. అతని భుజంపైకి ఎక్కేసింది. అది అలా శరీరంపై ఎక్కుతుంటే.. అతనిలో కదలికలు మొదలయ్యాయి. అంతలోనే లేచి తన శరీరంపై ఏదో ఉందని వెతికాడు. ఇంకేముంది.. భారీ ఎలుక దర్శనిమిచ్చింది. దాంతో హడలిపోయాడు. అలర్ట్ అయిన ఎలుక.. అతనిపై నుంచి దిగి వెళ్లిపోయింది. ఇదంతా ఆ పక్కనే ఉన్న మరో వ్యక్తి తన ఫోన్‌లో వీడియో చిత్రీకరించాడు. వీడియోను సోషల్ మీడియాలో షేర్ చేయగా.. అదికాస్తా వైరల్‌గా మారింది.

ఇవి కూడా చదవండి