ఆహా ఏమి అదృష్టం.. దానిమ్మ పండ్ల పెట్టెలో కరెన్సీ నోట్లు..! వైరల్ అవుతున్న వీడియో
సోషల్ మీడియా ప్రపంచంలో రోజూ ఎన్నో రకాల వీడియోలు వైరల్ అవుతుంటాయి. కానీ, కొన్ని వీడియోలు మాత్రం చూసేవారిని తీవ్ర ఆశ్చర్యానికి గురిచేస్తాయి. తాజాగా అలాంటి వీడియో ఒకటి నెట్టింట వైరల్ అవుతోంది. సాధారణంగా మార్కెట్లో దానిమ్మ లేదా ఇతర పండ్లను ప్యాక్ చేసేటప్పుడు రవాణాలో పండ్లు పాడవకుండా ఉండటానికి వాటి మధ్యలో వేస్ట్ పేపర్లు ఉంచుతుంటారు. కానీ, ఒక పండ్ల బాక్స్లో వేస్ట్ పేపర్లకు బదులు ఏకంగా కరెన్సీ నోట్ల ముక్కలు ప్రత్యక్షమయ్యాయి.
Updated on: Sep 22, 2026 | 2:05 PM
సోషల్ మీడియాలో ఒక విచిత్రమైన వీడియో వైరల్ అవుతోంది. దానిమ్మ పండ్ల పెట్టెలో చెత్త కాగితాలకు బదులుగా అసలైన కరెన్సీ నోట్ల ముక్కలు దర్శనమివ్వడం కలకలం రేపింది. పండ్ల ప్యాకింగ్ కోసం సాధారణంగా ఉపయోగించే కాగితపు కత్తిరింపుల్లో భారతీయ కరెన్సీ నోట్ల ముక్కలు కనిపించడంతో అక్కడున్న వారు ఆశ్చర్యపోయారు. వేల సంఖ్యలో ఉన్న నోట్ల ముక్కలు పండ్ల బాక్స్లోకి ఎలా వచ్చాయనేది ఆసక్తికరంగా మారింది. దీనిపై సోషల్ మీడియాలో తీవ్ర చర్చ జరుగుతోంది.
సోషల్ మీడియాలో షేర్ అయిన ఈ వీడియో ప్రకారం.. ఒక దానిమ్మ పండ్ల పెట్టెను తెరిచి చూసినప్పుడు అందులో వేస్ట్ కాగితాల ముక్కల స్థానంలో భారతీయ కరెన్సీ నోట్ల ముక్కల కుప్ప కనిపించింది. అక్కడ ఉన్న వ్యక్తి ఆ కాగితాలను తీసి చూపించగా, అవి అసలైన నోట్ల ముక్కలని స్పష్టమైంది. పండ్ల రవాణా కోసం ఉపయోగించిన ఈ ప్యాకింగ్ మెటీరియల్లో ఇన్ని నోట్ల ముక్కలు ఉండటం చూసి అక్కడున్న వ్యాపారులు, కార్మికులు షాక్కు గురయ్యారు.
ఈ వీడియో వైరల్ కాగానే నెటిజన్ల నుండి రకరకాల కామెంట్లు వస్తున్నాయి. కొందరు నెటిజన్లు సరదాగా స్పందిస్తూ.. దానిమ్మ పండ్లు కొనడానికి వెళ్తే నోట్ల నిధి దొరికింది అని కామెంట్ చేయగా, మరికొందరు మాత్రం ఇది తీవ్రమైన నిర్లక్ష్యమని అభిప్రాయపడుతున్నారు. రిజర్వ్ బ్యాంక్ లేదా ముద్రణాలయాల నుండి రద్దయిన/చిరిగిపోయిన నోట్లను నాశనం చేసే ప్రక్రియలో వచ్చిన ముక్కలు ఇక్కడికి ఎలా వచ్చాయా అని చాలామంది ప్రశ్నిస్తున్నారు. చెత్త కాగితం అనుకుని నోట్లను ప్యాకింగ్లో వాడటం వెనుక పెద్ద పొరపాటే జరిగి ఉంటుందని కొందరు భావిస్తున్నారు.
వీడియో ఇక్కడ చూడండి..
अनार की पेटी में रद्दी कागज़ की जगह निकले असली नोटों के टुकड़े
अब इसे किस्मत का खेल कहें या भारी लापरवाही आपकी क्या राय https://t.co/oB9PnatqZd
— Mithlesh Yadav (@Mithlesh15n) September 21, 2026
అయితే, ఈ వీడియో ఎక్కడ తీశారు? ఏ ప్రాంతానికి సంబంధించింది? అనే దానిపై ఇంకా పూర్తిస్థాయి స్పష్టత రాలేదు. కొందరు దీనిని కేవలం అదృష్టమని అంటుంటే, మరికొందరు నోట్ల నిర్వహణలో జరిగిన పెద్ద పొరపాటని వాదిస్తున్నారు. ఏది ఏమైనా, దానిమ్మ పండ్ల బాక్స్లో వేస్ట్ పేపర్ స్థానంలో కరెన్సీ నోట్ల ముక్కలు లభించడం నెటిజన్లను విపరీతంగా ఆకట్టుకుంటోంది. ఈ వీడియో ప్రస్తుతం సోషల్ మీడియా ప్లాట్ఫారమ్లలో విపరీతంగా ట్రెండ్ అవుతోంది.
