దేవదూతలు ఇలాగే ఉంటారు.. పైనుంచి రాళ్లు పడుతున్నా..7 నెలల పసికందు ప్రాణాల కోసం పరిగెత్తారు!
దేశవ్యాప్తంగా పలు రాష్ట్రాల్లో భారీ వర్షాలు కురుస్తున్నాయి. పలు ప్రాంతాల నుంచి కొండచరియలు విరిగిపడుతున్న భయానక వీడియోలు కూడా వెలుగులోకి వచ్చాయి. అటువంటి ఒక వీడియో సోషల్ మీడియాలో వేగంగా వైరల్ అవుతోంది. ఈ వీడియోలో కొండచరియల మధ్యలో కొంతమంది చిక్కుకుపోగా, ఆ తర్వాత సహాయక చర్యలు ప్రారంభమవుతాయి. సహాయక బృందం ధైర్యంగా ఆ వ్యక్తులందరినీ, 7 నెలల చిన్నారిని సురక్షితంగా రక్షిస్తుంది. ఈ సాహోసోపేతమైన వీడియోని నిఖిల్ సైని అనే సోషల్ మీడియా ఖాతా X వేధికగా షేర్ చేశారు. ఈ వీడియోను ఇప్పటివరకు లక్ష మందికి పైగా వీక్షించారు. అసలేం జరిగిందో పూర్తి వివరాల్లోకి వెళితే...
Updated on: Jul 25, 2026 | 7:44 PM
హిమాచల్ ప్రదేశ్లో రుతుపవనాల సమయంలో సంభవించే కొండచరియలు విరిగిపడే ఘటనలు తరచూ ప్రజల ప్రాణాలను ప్రమాదంలో పడేస్తుంటాయి. తాజాగా చంబా జిల్లాలో భారీగా కొండచరియలు విరిగిపడటంతో ప్రధాన రహదారి నిలిచిపోయిన చోట ఒక అద్భుతమైన, సాహసోపేతమైన రెస్క్యూ ఆపరేషన్ వెలుగు చూసింది. ఇందుకు సంబంధించిన వీడియో సోషల్ మీడియాలో విపరీతంగా వైరల్ అవుతోంది. అసలేం జరిగింది?
హిమాచల్ ప్రదేశ్, చంబా ప్రాంతంలో కురుస్తున్న భారీ వర్షాల కారణంగా కొండచరియలు విరిగిపడి రోడ్డుపై భారీగా రాళ్లు, మట్టి పడిపోయాయి. దీంతో ఇరువైపులా రవాణా వ్యవస్థ పూర్తిగా స్తంభించిపోయింది. ప్రమాదవశాత్తు అదే సమయంలో ఒక తీవ్రమైన అనారోగ్యంతో బాధపడుతూ, ఆక్సిజన్ సపోర్ట్పై ఉన్న పసికందును ఆసుపత్రికి తరలిస్తున్న అంబులెన్స్ ఆ ట్రాఫిక్లో చిక్కుకుపోయింది. చిన్నారికి ఆక్సిజన్ నిల్వలు తగ్గిపోతుండటం, రోడ్డు మార్గం పూర్తిగా బంద్ కావడంతో ప్రతి క్షణం అత్యంత కీలకంగా మారింది.
సమాచారం అందుకున్న వెంటనే నేషనల్ హైవేస్ అథారిటీ ఆఫ్ ఇండియా (NHAI) అత్యవసర రెస్క్యూ టీమ్ను, పొక్లెయిన్/JCB యంత్రాలను రంగంలోకి దించింది. పక్కనే కొండల నుండి మరిన్ని రాళ్లు పడే ప్రమాదం ఉన్నప్పటికీ, అధికారులు, కార్మికులు తమ ప్రాణాలను పణంగా పెట్టి రోడ్డును క్లియర్ చేయడం ప్రారంభించారు. క్షణాల వ్యవధిలోనే మట్టి, రాళ్లను పక్కకు తొలగించి అంబులెన్స్ వెళ్లడానికి సరిపడా మార్గాన్ని సుగమం చేశారు.
వైరల్ అవుతున్న వీడియో ప్రారంభంలో, సహాయక బృందంలోని ఒక సభ్యుడు ఒక చిన్న పిల్లాడిని చేతుల్లో పట్టుకుని ధైర్యంగా పరుగెత్తి, ఆ పిల్లాడిని సురక్షితంగా సహాయక వ్యాన్లోకి చేర్చుతాడు. ఇంతలో, పడుతున్న రాళ్ల మధ్య మరో ఇద్దరు వ్యక్తులు పరుగెత్తడం కనిపిస్తుంది. సరిగ్గా అదే సమయంలో, పర్వత శిఖరం పైనుంచి ఒక పెద్ద బండరాయి అత్యంత వేగంగా కిందకు పడుతుంది.
వీడియో ఇక్కడ చూడండి..
He deserves all the fame and applause ❤️ An ambulance staff member in Chamba carried a 7-month-old baby through a dangerous stretch of falling stones, putting his own life at risk so the little one could make it to safety. pic.twitter.com/8VIRZhZAMt
— Nikhil saini (@iNikhilsaini) July 23, 2026
NHAI సిబ్బంది అంబులెన్స్ను సురక్షితంగా కొండచరియల ప్రాంతం దాటించి, ఆసుపత్రికి సకాలంలో చేరేలా చేశారు. ఈ సాహసోపేతమైన రెస్క్యూ ఆపరేషన్కు సంబంధించిన దృశ్యాలు సోషల్ మీడియాలో వైరల్ అయ్యాయి. పసికందు ప్రాణాలను కాపాడేందుకు NHAI సిబ్బంది చూపిన సమయస్ఫూర్తి, ధైర్యసాహసాలపై కేంద్ర మంత్రులు, నెటిజన్లు, స్థానికులు ప్రశంసల వర్షం కురిపించారు. నిజమైన హీరోలు అంటూ కొనియాడారు. విపత్తు సమయాల్లో మౌలిక వసతుల నిర్వాహక బృందాలు చూపించే ఇటువంటి అంకితభావం, ప్రాణాలను కాపాడటంలో కీలక పాత్ర పోషిస్తుందని ఈ ఘటన మరోసారి నిరూపించింది.
