Viral Video: తొమ్మిదో అంతస్తు నుంచి కిందపడ్డ మహిళ.. ఒళ్లు గగుర్పొడిచే వీడియో వైరల్!

(ఈ ఆర్టికల్‌లోని విజువల్స్ కొంచెం ఇబ్బందికరంగా ఉంటాయి. సున్నితమైన మనసు కలిగిన వారు వీడియోకు దూరంగా ఉండటం మంచిది)

మాములుగా ఎత్తయిన బిల్డింగ్‌ల పైనుంచి కిందకు చూస్తే చాలు.. కళ్లు బైర్లు కమ్ముతాయి. అలాంటిది వాటి మీద నుంచి కిందపడితే ఇంకేమైనా ఉందా.! మార్గం మధ్యలోనే ప్రాణాలు పోతాయి. ఇదంతా ఎందుకు చెబుతున్నానంటే.! ఓ మహిళ ప్రమాదవశాత్తు తొమ్మిది అంతస్తు నుంచి కిందపడి బతికి బట్టకట్టింది. తీవ్ర గాయాలతో బయటపడిన ఆమె ప్రస్తుతం సీరియస్ కండిషన్‌లో ఆసుపత్రిలో చికిత్స పొందుతోంది. ఘజియాబాద్‌లో చోటు చేసుకున్న ఈ సంఘటనకు సంబంధించిన షాకింగ్ వీడియో ఇటీవల సోషల్ మీడియాలో వైరల్‌గా మారింది. ఆ వివరాలు..

ఘజియాబాద్‌లోని ఓ అపార్ట్‌మెంట్‌లోని తొమ్మిదో అంతస్తులో నివాసముంటున్న దంపతుల మధ్య గొడవ జరిగింది. ఇద్దరి మధ్య అది కాస్తా పెద్దది కావడంతో.. ఆమె రైలింగ్ మీద నుంచి కిందకు దూకేసింది. దీనితో ఒక్కసారిగా షాక్‌కు గురైన ఆమె భర్త.. సదరు మహిళ చేతిని గట్టిగా పట్టుకుని పైకి లాగేందుకు ప్రయత్నించాడు. దాదాపు మూడు నిమిషాల పాటు అతడు తీవ్రంగా శ్రమించాడు. అయినా ప్రయోజనం లేకపోయింది. అతడి చెయ్యి పట్టు తప్పింది. అంతే ఆమె ఒక్కసారిగా అమాంతం తొమ్మిదో అంతస్తు నుంచి కిందకు పడిపోయింది. అయితే ఈలోపే స్థానికులు ఇదంతా గమనించి.. ఆమెకు గాయాలు కాకుండా ఉండేందుకు కింద పరుపులు అమర్చారు. అయినప్పటికీ ఆమెకు గాయాలయ్యాయి.

కాగా, దీనితో ఆమె భర్త స్థానికుల సహాయంతో సదరు మహిళను హుటాహుటిన ఆసుపత్రికి తరలించారు. ప్రస్తుతం ఆమె పరిస్థితి విషమంగా ఉందని వైద్యులు పేర్కొన్నారు. ఈ ఘటనపై ఎలాంటి ఫిర్యాదు అందకపోయినా.. పోలీసులు తమ విచారణను ప్రారంభించారు. వివిధ కోణాల్లో ఈ కేసును దర్యాప్తు చేస్తున్నారు.

Also Read:

పాపం మొసలి.! కొండచిలువ తలను కొరికింది.. ప్రాణాల మీదకు తెచ్చుకుంది.. వైరల్ వీడియో!

ఈ ఫోటోలో మంచు చిరుత దాగుంది.. అదెక్కడ ఉందో గుర్తించండి.! మెదడుకు పదును పెట్టండి!

ग़ाज़ियाबाद में पति से झगड़े के बाद एक महिला ने 9वीं मंज़िल से छलांग लगाई,पति ने 3 मिनट तक हाथ पकड़कर रखा और शोर मचा दिया,शोर सुनकर नीचे लोगों ने गद्दे बिछा दिए,पकड़ कमजोर पड़ते ही महिला नीचे गिरी और गंभीर से घायल हो गई pic.twitter.com/6WPYzEMI3A

— Mukesh singh sengar मुकेश सिंह सेंगर (@mukeshmukeshs) July 15, 2021