Viral: వామ్మో..! ఈ బుజ్జి తల్లి పిల్లి పిల్ల అనుకుని ఇంటికి ఏం తెచ్చిందో తెలిస్తే షాకే..

Viral: వామ్మో..! ఈ బుజ్జి తల్లి పిల్లి పిల్ల అనుకుని ఇంటికి ఏం తెచ్చిందో తెలిస్తే షాకే..
పిల్లి అనుకుని ఆ చిన్నారి.. ఏం తీసుకొచ్చిందో తెలుసా..?

చిన్నారులు.. పిల్లి పిల్లలు.. కుక్క పిల్లలు కనిపిస్తే.. వాటితో ఆడుకోవడం.. వాటిని ఇంటికి తీసుకురావడం మనం చూస్తూనే ఉంటాం. తాజాగా మహారాష్ట్రలోని నాశిక్​లో ఓ చిన్నారి కూడా అలాంటి పనే చేసింది. అయితే ఇక్కడ ట్విస్ట్ ఏంటంటే..?

Ram Naramaneni

|

May 13, 2022 | 3:51 PM

ఆ బుజ్జి తల్లి ఆడుకోవడానికి బయటకు వెళ్లింది. కాసేటి తర్వాత ఇంటికి తిరిగి వచ్చింది. అయితే ఒంటరిగా రాలేదు. తనతో పాటు ఓ కూనను కూడా తీసుకొచ్చింది.  ఆ కూనను చూసి ఇంట్లోని వాళ్లంతా కంగుతిన్నారు. ఎందుకంటే ఆ చిన్నారి.. పిల్లి పిల్ల అనుకుని చిరుత పులి పిల్లను తీసుకొచ్చింది. అయితే ఆ చిరుత పిల్ల రోజుల వయస్సుది అవ్వడంతో.. ఎవ్వరినీ ఏం చేయలేదు. పులి కూన మాత్రమే ఉంది.. పులి ఆ ప్రాంతంలో లేకపోవడంతో కుటుంబ సభ్యులు ఊపిరి పీల్చుకున్నారు. ఈ ఘటన మహారాష్ట్ర(maharashtra) మాలేగావ్​(Malegaon)లోని మోర్జార్​ శివరా ప్రాంతంలో జరిగింది. అయితే ఆ కుటుంబ సభ్యులు కాస్త సాహసమే చేశారు. కూన కోసం తల్లి వస్తుందేమో అని.. వారం రోజుల పాటు చిరుత పిల్లను తమ వద్దే ఉంచుకున్నారు.  కానీ చిరుత మాత్రం ఆ ప్రాంతంలో సంచరించిన ఆనవాళ్లు కనిపించలేదు. దీంతో ఫారెస్ట్ డిపార్టె‌మెంట్ వారికి సమాచారం ఇచ్చారు. అటవీ శాఖ సిబ్బంది అక్కడికి వచ్చి ఆ చిరుత కూనను స్వాధీనం చేసుకున్నారు. అయితే ఈ వారం రోజులు ఆ చిరుత పిల్లను ఆ చిన్నారి కుటుంబ సభ్యులు ఎంతో జాగ్రత్తగా సాకారు.  దానికి రోజూ పాలు పట్టారు. దాదాపు రోజుకు లీటరన్నర మిల్క్ పట్టారట. అయితే  కూన కోసం ఆ ప్రాంతానికి చిరుత ఎప్పుడు వస్తుందో అని.. కుటుంబ సభ్యులు కంగారు పడతుంటే.. ఆ చిట్టి తల్లి.. మాత్రం ఆ చిరుత పిల్లతో సరదాగా ఆడుకుంది. ఈ ఘటన స్థానికంగా చర్చనీయాంశమైంది. ఇంతకీ ఆ చిన్నారి పేరు చెప్పలేదు కదూ.. చిముకల్య. అయితే చిరుత పిల్లను ఏవైనా పక్షులు తీసుకువచ్చి ఆ ప్రాంతంలో పడేసి ఉండవచ్చని అటవీ శాఖ అధికారులు భావిస్తున్నారు.

ఇవి కూడా చదవండి

Kid

Follow us on

Related Stories

Most Read Stories

Click on your DTH Provider to Add TV9 Telugu