Viral Video: దోశ విక్రేత అసాధారణ నైపుణ్యం.. ఫ్లయింగ్ దోశ ప్రముఖ్య వ్యాపార వేత్తను ఆకట్టుకున్న ప్రత్యేక శైలి.. వీడియో వైరల్
Viral Video: ప్రతిభ ఏ ఒక్కరి సొంతం కాదు.. తమ క్రియేటివిటీతో పదిమందిని ఆకట్టుకుంటూ.. తమకంటూ ఓ గుర్తింపు సొంతం చేసుకునే సామాన్య వ్యక్తులు సైతం అనేక మంది ఉన్నారు. సోషల్ మీడియా..
Viral Video: ప్రతిభ ఏ ఒక్కరి సొంతం కాదు.. తమ క్రియేటివిటీతో పదిమందిని ఆకట్టుకుంటూ.. తమకంటూ ఓ గుర్తింపు సొంతం చేసుకునే సామాన్య వ్యక్తులు సైతం అనేక మంది ఉన్నారు. సోషల్ మీడియా(Social Media) ప్రతి ఒక్కరికి అందుబాటులోకి వచ్చిన అనంతరం సోషల్ మీడియాలో డిఫరెంట్ వీడియోలు హల్ చల్ చేస్తూనే ఉన్నాయి. తాజాగా ఓ ఫుడ్ విక్రేత వీడియో సోషల్ మీడియాలో ఓ రెంజ్ లో చక్కర్లు కొడుతోంది. ఈ వీడియోలోని దోశ విక్రేత.. తన కస్టమర్స్ కు క్రిస్పీ దోసెను అందిస్తున్న విధానం అద్భుతంగా ఉంది. చాలా మంది దీన్ని ఫ్లయింగ్ దోశ అని కూడా అంటున్నారు. ఎందుకంటే దోశను తయారు చేసిన తర్వాత.. ఆ మనిషి దానిని మడతపెట్టి నేరుగా గాలిలోకి విసిరేస్తాడు. దాన్ని పట్టుకోవడానికి.. మళ్ళీ ఆదోశను కస్టమర్స్ కు సర్వ్ చెయడానికి అక్కడ ఒక సహాయకుడు ఉన్నాడు. ఈ ప్రత్యేకమైన దోశ విక్రయదారుడి(Dosa making) శైలికి దేశంలోని ప్రముఖ పారిశ్రామికవేత్త హర్ష్ గోయెంకా(Harsh Goenka) కూడా ఆశ్చర్యపోయారు. వీడియోను పంచుకుంటూ.. మీరు ఈ వ్యక్తిని అభినందిచాలనుకుంటే.. మీరు కూడా మీరు చేస్తోన్న పనిని ప్రేమించండి అంటూ వీడియో కి ఓ కామెంట్ ను జత చేశాడు.
వైరల్ అవుతున్న క్లిప్‌లో, దోసెను తయారు చేసిన తర్వాత, వ్యక్తి దానిని ఎడమ వైపున గాలిలో విసురుతున్నాడు. అయితే చూసేవారు ఈ దోశ నేలమీద పడిపోతుందేమో .. అయ్యో అనుకుంటారు. అయితే అలా దుకాణదారుడు దోశను గాలిలోకి విసిరిన వెంటనే బండి పక్కనే నిల్చున్న వ్యక్తి దానిని ప్లేట్‌లో పట్టుకోవడం వీడియోలో చూడవచ్చు. ఈ సమయంలో, దోశలు తయారు చేస్తున్న వ్యక్తి.. నిరంతరం దోశను తయారు చేస్తూనే .. అలా ఎటువైపు చూడకుండా.. తల ఎత్తకుండా.. గాలిలోకి దోశను విసిరివేస్తున్నాడు. అదే సమయంలో గాలిలో ఉన్న దోశను పట్టుకోవడానికి ఎల్లప్పుడూ సిద్ధంగా ఓ వ్యక్తి ఉన్నాడు.
‘ఫ్లయింగ్ దోస’ వీడియో:
You have to love what you do, to give your best… pic.twitter.com/HRU8Df9TZg
— Harsh Goenka (@hvgoenka) April 24, 2022
ఈ వీడియోను ఆర్పీజీ గ్రూప్ చైర్మన్ హర్ష్ గోయెంకా తన ట్విట్టర్ ఖాతాలో షేర్ చేశారు. అప్‌లోడ్ చేసిన 24 గంటల్లోనే 43 వేలకు పైగా వీక్షించగా, 2 వేల మంది లైక్ చేశారు. 200 మందికి పైగా రీట్వీట్ చేశారు. ఈ సంఖ్య నిరంతరం పెరుగుతోంది.
వ్యాపారవేత్త హర్ష్ గోయెంకా ప్రతిరోజూ తన సోషల్ మీడియా ఖాతాలో ఆసక్తికరమైన, సృజనాత్మక పోస్ట్‌లను షేర్ చేస్తూనే ఉంటారనే విషయం తెలిసిందే. అతని అభిమానులు ఆ వీడియోలను చాలా ఇష్టపడతారు. అందుకే అతను ఏదైనా పోస్ట్‌ను షేర్ చేసిన వెంటనే అది వైరల్‌గా మారుతుంది.
మరిన్ని వైరల్ వీడియోల కోసం ఇక్క క్లిక్ చేయండి…
Also Read: Telangana: పేదవారికి మరింత చెరువుగా వైద్యం.. రేపు మూడు ఆస్పత్రులకు భూమిపూజ చేయనున్న సీఎం కేసీఆర్
