Viral Video: సినిమా స్టంట్ అనుకునేరు రియల్ సీన్.. వీడియో చూస్తే మైండ్ బ్లాంకే!
ఇద్దరు వ్యక్తులు ఓ షాపింగ్ మాల్‌లో మాట్లాడుకుంటున్నట్లు మీరు చూడవచ్చు. అయితే అనూహ్యంగా ఓ వైట్ కలర్ కారు షాపింగ్ మాల్‌లోకి దూసుకొచ్చి..
సోషల్ మీడియాలో అనేక వీడియోలు తరచూ వైరల్ అవుతుంటాయి. అందులో కొన్ని నవ్వు తెప్పిస్తే.. మరికొన్ని ఆశ్చర్యాన్ని కలిగిస్తాయి. తాజాగా ఆ కోవకు చెందిన ఓ వీడియో నెట్టింట చక్కర్లు కొడుతోంది. ఓ కారు ఏకంగా షాపింగ్ మాల్‌లో దూసుకొచ్చిన ఘటన అమెరికాలోని టెంపే నగరంలో చోటు చేసుకుంది. అందుకు సంబంధించిన సీసీటీవీ విజువల్స్ ప్రస్తుతం సామాజిక మాధ్యమాల్లో వైరల్ అవుతున్నాయి.
వైరల్ అవుతున్న విజువల్స్ ప్రకారం.. ఇద్దరు వ్యక్తులు ఓ షాపింగ్ మాల్‌లో మాట్లాడుకుంటున్నట్లు మీరు చూడవచ్చు. అయితే అనూహ్యంగా ఓ వైట్ కలర్ కారు షాపింగ్ మాల్‌లోకి దూసుకొచ్చి.. ఆ ఇద్దరినీ బలంగా ఢీకొడుతుంది. అంతేకాదు.. ఆ షాపింగ్ మాల్‌లోని కొన్ని ర్యాక్స్‌ను కూడా ఆ కారు ధ్వంసం చేస్తుంది. గాయపడిన వ్యక్తులను అక్కడున్న మిగిలిన వారు హుటాహుటిన ఆసుపత్రికి తరలించారు. డ్రైవర్ నిర్లక్ష్యం కారణంగానే ఈ ప్రమాదం జరిగిందని పోలీసులు తెలిపారు. డ్రైవర్ పొరపాటున బ్రేక్‌పై కాలు వేయబోయి.. ఎక్సలరేటర్‌ మీద వేశాడని.. అందుకే కారు షాపింగ్ మాల్‌ ముఖ ద్వారం నుంచి దూసుకెళ్లిందన్నారు. దీనిపై కేసు నమోదు చేసిన పోలీసులు డ్రైవర్‌ను అదుపులోకి తీసుకుని విచారిస్తున్నారు.
కాగా, యాక్సిడెంట్‌కు సంబంధించిన విజువల్స్ సోషల్ మీడియాలో వైరల్ కాగా.. నెటిజన్లు వరుసపెట్టి కామెంట్స్‌తో హోరెత్తిస్తున్నారు. లేట్ ఎందుకు మీరూ వీడియోపై లుక్కేయండి..