Dinosaur Eggs on Mars: అంగారక గ్రహంపై జీవులు ఉండేవా..! ఎర్ర గ్రహంపై వింత రాతి నిర్మాణం.. డైనోసార్ గుడ్లు..
శాస్త్రవేత్తలకు అంగారక గ్రహం గురించి తెలుసుకోవాలని నిరంతరం ప్రయత్నిస్తూనే ఉంటారు. ముఖ్యంగా ఈ గ్రహంపై జీవం సాధ్యమేనా అని పరిశోధన చేస్తుంది. ఇప్పటికే ఈ గ్రహంపై ద్రవ రూపంలో నీరు ఉన్నట్లు ఆధారాలు దొరికాయి. దీంతో మానవ జీవం కోసం అన్వేషణ మరింత ముమ్మరం చేసింది. ఈ నేపధ్యంలో తాజాగా నాసాకు చెందిన క్యూరియాసిటీ రోవర్ అంగారక గ్రహంపై 'డైనోసార్ గుడ్డు'లా కనిపించే రాతి నిర్మాణాన్ని కనుగొంది. ఇది ఒక పెద్ద విజయంగా పరిగణించబడుతుంది.
Updated on: Aug 22, 2025 | 4:11 PM
అంగారక గ్రహం ఎల్లప్పుడూ తన రహస్యాలతో శాస్త్రవేత్తలను ఆశ్చర్యపరుస్తుంది. ఈసారి కూడా అదే జరిగింది. నాసా క్యూరియాసిటీ రోవర్ అంగారక గ్రహంపై డైనోసార్ గుడ్ల జాడలను కనుగొంది. నిజానికి.. ఈ గుడ్ల గుర్తులు ఆ గ్రహం రాళ్లపై ఉన్నాయి. రాళ్ళు డైనోసార్ గుడ్లలా కనిపిస్తున్నాయి. నాసాకు చెందిన క్యూరియాసిటీ రోవర్ ఈ ఆవిష్కరణ శాస్త్రవేత్తల ఉత్సుకతను పెంచింది.
ఈ ఆవిష్కరణ మౌంట్ షార్ప్ వాలులలోని గెడ్డెస్ వల్లిస్ రిడ్జ్ ‘ది బాక్స్వర్క్స్’ అనే ప్రాంతంలో జరిగింది. ఈ మార్టిన్ శిలలు సిరల లాంటి పగుళ్లు, గట్లు కలిగి ఉంన్నాయి. ఇవి ఈ గ్రహానికి సంబంధించిన గతాన్ని గుర్తు చేస్తున్నాయి. నదులు, సరస్సులు ఒకప్పుడు ఈ గ్రహంలో ప్రవహించాయి. అక్కడ పొరల నిర్మాణం, పెరిగిన ఆకారాలు ఇక్కడ ఒకప్పుడు తేమ ఉండేదని.. అది క్రమంగా ఎండిపోయిందని సూచిస్తున్నాయి.
శాస్త్రవేత్తలు దీనిని ఎలా పరిశోధిస్తున్నారు?
నిజానికి క్యూరియాసిటీ రోవర్ దాని హైటెక్ పరికరాలతో అంగారక గ్రహ ఉపరితలాన్ని క్షుణ్ణంగా పరిశీలిస్తోంది. మాస్ట్క్యామ్ ఆ ప్రాంతం చిత్రాలను తీస్తోంది. ఇంతలో కెమ్క్యామ్ రాళ్ల రసాయన కూర్పును విశ్లేషిస్తోంది. దీనితో పాటు ఉపరితలం సూక్ష్మ నిర్మాణాన్ని సంగ్రహించడానికి MAHLI, APXS వంటి పరికరాలను ఉపయోగిస్తున్నారు.
ప్రత్యేకత ఏమిటంటే శాస్త్రవేత్తలు ఈ పెట్టె ఆకారపు శిలలను భూమిపై హైడ్రోథర్మల్ ప్రక్రియలతో పోలుస్తున్నారు. ఇక్కడ వేడి నీరు,యు ఖనిజాల కార్యకలాపాల కారణంగా ప్రత్యేకమైన నిర్మాణాలు ఏర్పడ్డాయి. ఇది అంగారక గ్రహానికి సంబంధించిన పురాతన చరిత్రను వెల్లడిస్తుంది.
ఈ మిషన్ తదుపరి దశ ఏమిటి?
నాసా క్యూరియాసిటీ రోవర్ ప్రస్తుతానికి ఇక్కడ ఆగి సిరలు, పగుళ్లను విశ్లేషిస్తుంది. ఆ తర్వాత అది కుకనన్కు వెళుతుంది. అక్కడ మరిన్ని పొరలుగా ఉన్న రాళ్లను పరిశీలించే అవకాశం ఉంది. క్యూరియాసిటీ వేసే ప్రతి అడుగు పురాతన అంగారక గ్రహం ఎలా ఉద్భవించిందో శాస్త్రవేత్తల చిత్రాన్ని మరింత పటిష్టం చేస్తుంది. రోవర్ పరిశోధనలు గతంలో జీవం ఉండే అవకాశం గురించి కొత్త ప్రశ్నలను లేవనెత్తుతాయి. ఈ రాళ్లను ఆకృతి చేసిన ద్రవాలు ఎప్పుడైనా సూక్ష్మజీవులను పోషించాయా? అనే ప్రశ్నకు అన్సార్ ని శాస్త్రవేత్తలు తెలుసుకునే ప్రయత్నం చేస్తున్నారు. ప్రస్తుతానికి దీనికి సమాధానం శిలలోనే ఉంది.
మరిన్ని వైరల్ వార్తల కోసం ఇక్కడ క్లిక్ చేయండి..
