Viral Video: మందుబాబులకు తలతిరిగిపోయే సమాధానమిచ్చిన ఆవు..! వీడియో చూస్తే నవ్వకుండా ఉండలేరు..

Funny Video: మందుబాబులు ఉన్నట్టుండి ఎక్కడికైనా వెళితే ముందుగా ఆ ప్రాంతంలో మద్యం కోసం వెతుకుతారు. అక్కడ కనిపించిన వారందరిని ఇక్కడ మద్యం షాపు ఎక్కడ

Funny Video

uppula Raju |

Updated on: Sep 13, 2021 | 3:32 PM

Funny Video: మందుబాబులు ఉన్నట్టుండి ఎక్కడికైనా వెళితే ముందుగా ఆ ప్రాంతంలో మద్యం కోసం వెతుకుతారు. అక్కడ కనిపించిన వారందరిని ఇక్కడ మద్యం షాపు ఎక్కడ అంటూ ప్రశ్నిస్తారు. చివరకు ఏదో ఒక విధంగా వారి గమ్యాన్ని చేరుకుంటారు. అయితే తాజాగా మందుబాబులకు సంబంధించిన ఫన్నీ వీడియో ఒకటి సోషల్ మీడియాలో వైరల్‌ అవుతోంది. ఈ వీడియో చూస్తే మీరు కూడా నవ్వకుండా ఉండలేరు.

ఈ వీడియోలో కొంతమంది వ్యక్తులు కారులో గుంతల రోడ్డు గుండా ప్రయాణించడం మనం చూడవచ్చు. వీడియోలో జరుగుతున్న సంభాషణ ద్వారా కారులో ఉన్న వ్యక్తులు మద్యం షాపు కోసం వెతుకుతున్నట్లు తెలుస్తోంది. ఎవరినైనా అడుగుదామంటే రోడ్డు గుండా ఒక్క మనిషి కూడా కనిపించడు. సరిగ్గా అదే సమయంలో ఓ ఆవుల మందా వారికి ఎదురుపడుతుంది. అందులో ఒక ఆవు వీరి కారు పక్క నుంచి వెళుతుంటుంది. దీంతో డ్రైవింగ్ చేస్తున్న వ్యక్తి కారు ఆపి మద్యం షాపునకు దారెటు అని ఆవును అడుతుతాడు. వెంటనే ఆవు ఇటువైపే అన్నట్లు తల ఊపుతుంది. దీంతో మందుబాబులు ఒక్కసారిగా షాక్ అవుతారు. ఈ వీడియో ప్రస్తుతం సోషల్ మీడియాలో నవ్వులు పూయిస్తోంది.

వీడియో చూసిన నెటిజన్లు రకరకాల కామెంట్లు చేస్తున్నారు. కొందరు ఆవు తరచుగా మద్యంషాపునకు వెళుతుందో ఏమో అన్నట్లు చమత్కరించారు. మరికొంతమంది మందుబాబులకు చివరకు ఆవే దిక్కయిందని రాశారు. ఇంకొందరు ఆవు భలే సమాధానం చెప్పిందని మెచ్చుకుంటున్నారు. ఏది ఏమైనప్పటికీ నెటిజన్లు ఈ వీడియోను తెగ లైక్‌ చేస్తుండటం విశేషం.