Viral Video: మరీ ఇంత కరువులో ఉన్నారేంటి.? బైక్‌పై ‘బాప్‌రే’ అనిపించే స్టంట్..

ఒడిశా రాజధాని భువనేశ్వర్‌లో ఒక సంచలన ఘటన వెలుగుచూసింది. ఇక్కడ ఓ ప్రేమ జంట మధ్య రోడ్డుపై బైక్‌ మీద రొమాన్స్ చేస్తూ.. ప్రమాదకరమైన స్టంట్ చేయడం చూసి అందరూ ఆశ్చర్యపోయారు. ఈ సంఘటన భువనేశ్వర్‌లోని హై–ప్రొఫైల్ ఇన్ఫోసిటీ ప్రాంతంలో చోటు చేసుకుంది. బైక్‌పై కూర్చున్న ఈ జంట ఫోటోలు ఇప్పుడు సోషల్ మీడియాలో వేగంగా వైరల్ అవుతున్నాయి.

ఫోటోలలో స్పష్టంగా కనిపిస్తున్నదేమిటంటే — అబ్బాయి బైక్ నడుపుతుండగా, అమ్మాయి బైక్ ట్యాంక్‌పై చాలా ప్రమాదకరమైన రీతిలో కూర్చుని రొమాన్స్ చేస్తున్నారు. వీరిద్దరూ హెల్మెట్ ధరించకపోగా, ఎలాంటి ట్రాఫిక్ నియమాలు పాటించలేదు. ఆశ్చర్యకరమైన విషయం ఏమిటంటే, ఈ జంట అలా రోడ్డుపై వెళ్తూ పోలీస్ స్టేషన్ ముందు నుంచే వెళ్లింది కానీ వారిని ఎవ్వరూ ఆపలేదు. భువనేశ్వర్ నగరంలో ట్రాఫిక్ పర్యవేక్షణ కోసం వందలాది CCTV కెమెరాలు ఏర్పాటు చేశారు. అయినప్పటికీ ఈ ఘటన ఎవరికి కనబడకపోవడం ఇప్పుడు పెద్ద ప్రశ్నగా మారింది. రాజధానిలో ట్రాఫిక్‌పై అంత నిఘా ఉంటే, పోలీసులు ఈ తీవ్ర ఉల్లంఘనను ఎలా దృష్టిలోకి తీసుకోలేదని ప్రజలు ప్రశ్నిస్తున్నారు.

ఈ సంఘటన తర్వాత భువనేశ్వర్ ట్రాఫిక్ భద్రతా వ్యవస్థపై తీవ్ర విమర్శలు వస్తున్నాయి. సోషల్ మీడియాలో కూడా ప్రజలు తీవ్ర ఆగ్రహం వ్యక్తం చేస్తున్నారు. ఎందుకంటే ఇది కేవలం ఒక స్టంట్ మాత్రమే కాదు, రోడ్డుపై ప్రయాణిస్తున్న ఇతరుల ప్రాణాలతో కూడా ఆటలాడినట్టే అని అభిప్రాయపడుతున్నారు. ఇప్పటివరకు ఈ ఘటనపై పోలీసుల నుంచి ఎటువంటి అధికారిక ప్రకటన రాలేదు. అయితే ఇలాంటి సంఘటనలకు కఠిన చర్యలు తీసుకోవాలని, రహదారిని స్టంట్ ప్రదర్శన వేదికగా కాకుండా భద్రత కోసం ఉపయోగించుకోవాలని ప్రజలు కోరుతున్నారు.

ఇది చదవండి: ఆ ఇంటి తలుపు గడియ తీసి ఉంది.. లోపలికి వెళ్లి చూస్తే.. ఓ అమ్మాయి అదేపనిగా

మరిన్ని ట్రెండింగ్ వార్తల కోసం ఇక్కడ క్లిక్ చేయండి..