Viral Video: అతిథిగా వచ్చింది. పద్ధతిగా డోర్ ఓపెన్ చేసింది.. చివరకు ఊహించని ట్విస్ట్ ఇచ్చిన ఎలుగుబంటి..
గత కొద్ది రోజులుగా అడవిలో ఉండాల్సిన జంతువులు జన సమూహంలోకి వచ్చేస్తున్నాయి. ఇదివరకు జింకలు, నెమళ్లు, కోతులు గ్రామాల్లోకి వచ్చి హల్చల్ చేసేవి..
Updated on: Apr 28, 2022 | 1:29 PM
గత కొద్ది రోజులుగా అడవిలో ఉండాల్సిన జంతువులు జన సమూహంలోకి వచ్చేస్తున్నాయి. ఇదివరకు జింకలు, నెమళ్లు, కోతులు గ్రామాల్లోకి వచ్చి హల్చల్ చేసేవి.. కానీ ప్రస్తుతం పులులు, సింహాలు, ఏనుగులు ఇలా ఒక్కటేమిటీ అడవిలో ఉండాల్సిన జంతువులు గ్రామాలు, పట్టాణాల్లోకి ప్రవేశిస్తున్నాయి. అడవులు తగ్గిపోవడం..ఆకలితో దారితప్పి ఊర్లలో ఇళ్లలోకి చొరబడుతున్నాయి. ఇటీవల ఇలా జంతువులకు సంబంధించిన వీడియోలు సోషల్ మీడియాలో తెగ వైరల్ అవుతున్నాయి. పులులు, సింహాలు, ఎలుగు బంట్లు వంటి జంతువులు ఇళ్లలోకి ప్రవేశించి నానా హంగామా చేస్తున్న ఘటనలకు సంబంధించిన వీడియో నెట్టింట్లో చక్కర్లు కొడుతున్నాయి. అందులో కొన్నిసార్లు జంతువులు చేసే పనులు నవ్వులు పూయించిన మరికొన్నిసార్లు భయాందోళనలు కలిగిస్తాయి. తాజాగా ఓ ఎలుగు బంటి అథిగా వచ్చి ఏకంగా ఇంటి డోర్ ఓపెన్ చేసింది. ఇందుకు సంబంధించిన వీడియో ఇప్పుడు సోషల్ మీడియాలో చక్కర్లు కొడుతుంది..
న్యూయార్క్ స్టేట్ డిపార్ట్‌మెంట్ ఆఫ్ ఎన్విరాన్‌మెంటల్ కన్జర్వేషన్ ఫేస్‌బుక్‌లో షేర్ చేసిన ఓ సీసీ టీవీ ఫుటేజ్లో ఓ ఎలుగు బంటి ఎంతో నెమ్మదిగా ఇంటి బాల్కానీలోకి ప్రవేశించింది. అక్కడి నుంచి మెల్లగా నడుస్తూ.. ఇంటి మెయిన్ డోర్ వద్దకు చేరింది. ఆ తర్వాత స్టెప్స్ ఎక్కి.. దిక్కులు చూస్తూనే ఇంటి తలుపును ఓపెన్ చేసింది.. తలుపు పూర్తిగా తీసి.. ఇంట్లోకి చూసింది.. ఆ తర్వాత తిరిగి వెళ్లిపోయింది. ఈఘటన మొత్తం అక్కడే ఉన్న సీసీ కెమెరాలో రికార్డ్ అయ్యింది. ఈ వీడియో నెటిజన్స్ పలు రకాలుగా స్పందిస్తున్నారు. ఉష్ణోగ్రతలు పెరుగుతుండడంతో ఎలుగుబంట్లు ఇలా ఇళ్లలోకి ప్రవేశిస్తున్నాయని.. అధికారులు ఓపెన్ ట్రాష్ కంటైనర్లు వంటి ఆహార వనరులను అడవులలో సమకూర్చాలని కోరుతున్నారు.
మరిన్ని ట్రెండింగ్ వార్తల కోసం ఇక్కడ క్లిక్ చేయండి.
KGF 2 Yash: కేజీఎఫ్ 3 గురించి ఆసక్తికర విషయాలు చెప్పిన రాఖీభాయ్.. సెకండ్ పార్ట్కు మించి ఉంటుందని..
