Watch Video: నడిరోడ్డుపై పిల్లాడి అద్భుత విన్యాసాలు.. తర్వాత తరం గోల్డ్ విన్నర్స్ అంటూ ఆనంద్ మహీంద్రా ట్వీట్..

Anand Mahindra

భారతదేశానికి చెందిన ప్రముఖ వ్యాపారవేత్త ఆనంద్ మహీంద్రాకు క్రీడలంటే చాలా ఆసక్తి. ట్విట్టర్‌లో క్రీడలకు సంబంధించిన పోస్ట్‌లను పోస్ట్ చేస్తూనే ఉంటారు. మంగళవారం అలాంటి ఓ వీడియోను షేర్ చేశాడు. ఇటీవల ముగిసిన కామన్వెల్త్ గేమ్స్‌లో పతకాలు సాధించిన క్రీడాకారులను ఆయన ఈ పోస్ట్‌లో అభినందించారు. దీనితో పాటు ఒక పిల్లాడి వీడియోను పంచుకున్నారు. ఆనంద్ మహీంద్రా షేర్ చేసిన వీడియోలో ఒక చిన్న పిల్లవాడు రోడ్డు మధ్యలో పల్టీలు కొడుతూ కనిపించాడు. ఈ వీడియోను ట్వీట్ చేస్తూ, “CWG 2022లో బంగారు వర్షం తర్వాత తదుపరి తరం ప్రతిభను సిద్ధం చేస్తున్నారు. దీన్ని ఎవరూ గుర్తించడం లేదు. మనం ఈ ప్రతిభను వేగంగా ట్రాక్ చేయాలి” అంటూ రాసుకొచ్చారు.

సోషల్ మీడియాలో వీడియో హల్చల్..

మహీంద్రా తన ట్వీట్‌లో ఈ వీడియోను త్రినెల్వేలి గ్రామానికి సమీపంలో ఉన్న ఒక స్నేహితుడు తనకు పంపాడని రాసుకొచ్చారు. మహీంద్రా చేసిన ఈ వీడియో చాలా మందికి చేరువైంది. 4,500 మందికి పైగా రీట్వీట్ చేయగా, 36 వేల మందికి పైగా లైక్ చేశారు. దీన్ని వీక్షించిన వారి సంఖ్య 552వేలు దాటింది.

నీరజ్ చోప్రా ట్వీట్‌పై సంతోషం..

గాయం కారణంగా నీరజ్ చోప్రా కామన్వెల్త్ గేమ్స్ ఆడలేదు. అతని గైర్హాజరీలో పాకిస్థాన్‌కు చెందిన అర్షద్ నదీమ్ అద్భుత ప్రదర్శన చేసి 90 మీటర్ల మార్కును దాటి బంగారు పతకాన్ని సాధించాడు. ఈ విజయంపై నీరజ్ అర్షద్‌ను అభినందించారు. ఈ విషయంపై మహీంద్రా సంతోషం వ్యక్తం చేస్తూ ప్రపంచం ఇలాగే ఉండాలని రాసుకొచ్చారు.