కరోనాకు కట్టడి.. మంచి ఫలితాలు ఇస్తోన్న ఆ మూడు వ్యాక్సిన్లు
రోజురోజుకు పెరుగుతున్న కరోనా కేసులకు అడ్డుకట్ట వేయాలంటే వ్యాక్సిన్ తప్పనిసరి. అందుకే పలు దేశాలకు చెందిన ఫార్మా కంపెనీలు కరోనాకు వ్యాక్సిన్ని కనుగొనే పనిలో నిమగ్నమయ్యాయి.
రోజురోజుకు పెరుగుతున్న కరోనా కేసులకు అడ్డుకట్ట వేయాలంటే వ్యాక్సిన్ తప్పనిసరి. అందుకే పలు దేశాలకు చెందిన ఫార్మా కంపెనీలు కరోనాకు వ్యాక్సిన్ని కనుగొనే పనిలో నిమగ్నమయ్యాయి. ఈ క్రమంలో కొన్ని కంపెనీలు జంతువులపై ట్రయల్స్ని విజయవంతంగా పూర్తి చేసుకొని మనుషులపై ప్రయోగిస్తున్నాయి. అయితే ఈ రేసులో ముందు వరుసలో మూడు వ్యాక్సిన్ ఉన్నాయట. ఈ విషయాన్ని బ్రిటీష్ మెడికల్ జర్నల్ ప్రచురించింది.
అందులో ఆక్స్ఫర్డ్ యూనివర్సిటీ, బ్రిటీష్-స్వీడీస్ డ్రగ్ మేకర్ సంయుక్తంగా తయారు చేసిన ఆస్ట్రాజెనెకా, చైనీస్ కంపెనీ కాన్సినో బయోలాజిక్స్, ఫైజర్- బయోఎన్టెక్ రూపొందిస్తున్న వ్యాక్సిన్ల క్లినికల్ పరీక్షలు విజయవంతమవుతున్నాయని తెలిపింది. ఈ వ్యాక్సిన్లు ప్రయోగాలలో రోగ నిరోధక శక్తిని పెంచుతున్నట్లు డేటా పేర్కొంది. ముఖ్యంగా ఆస్ట్రాజెనెకా ఇమ్యూనిటీని పెంచుతున్నట్లు తేలింది. అయితే వీటితో కాస్త సైడ్ ఎఫెక్ట్స్ కూడా ఉన్నట్లు తెలుస్తోంది. దీంతో ఈ వ్యాక్సిన్ వినియోగంలో ఇతర సమస్యలు పెద్దగా తలెత్తక పోయే అవకాశాలు ఉన్నట్లు తెలుస్తోంది.