Social Media: వివాహిత ప్రాణం తీసిన ‘ఇన్ స్టా’ పరిచయం.. మార్ఫింగ్ ఫొటోలను భర్తకు పంపడంతో..!

సోషల్ మీడియాలో పరిచయమైన ఓ వ్యక్తి తన మార్ఫింగ్ ఫోటోలను భర్తకు పోస్ట్ చేయడంతో 32 ఏళ్ల మహిళ ఆత్మహత్య చేసుకుంది. మీర్ పేట పోలీసులు తెలిపిన వివరాల ప్రకారం.. భర్త శంకర్ జీతో గొడవపడి బాధితురాలు జె.సాహితి బాలాపూర్ లోని బడంగ్ పేటలోని తన ఇంట్లో ఆత్మహత్య చేసుకుంది. సాహితి కొన్ని వారాల క్రితం ఇన్ స్టాలో  ఎన్.నరేష్ అనే వ్యక్తితో స్నేహం చేసిందని, ఇద్దరూ తరచూ ఫోన్లో మాట్లాడుకునేవారని, ఫొటోలు ఇచ్చిపుచ్చుకునేవారని పోలీసులు తెలిపారు.

సాహితి ఆడియోను రికార్డ్ చేసిన నరేష్ ఆమె ఫోటోలను కూడా సేకరించాడు. ఈ ఫోటోలను మార్ఫింగ్ చేసి ఇన్ స్టాగ్రామ్ లోని ఫేక్ అకౌంట్ లో పోస్ట్ చేసి సాహితి మార్ఫింగ్ చేసిన ఫొటోలు, వీడియోలను ఆమె భర్త శంకర్ జీకి పంపి ఆమె వ్యక్తిత్వాన్ని ప్రశ్నిస్తున్నట్లు పోలీసులు తెలిపారు. దీంతో వారం రోజులుగా దంపతుల మధ్య గొడవలు జరుగుతున్నాయి. దీని ఫలితమే ఆమె ఆత్మహత్యకు కారణమని పోలీసులు తెలిపారు. నరేష్ పై ఆత్మహత్యకు ప్రేరేపించినట్లు కేసు నమోదు చేసిన పోలీసులు శనివారం అతడిని అదుపులోకి తీసుకున్నారు.

టీనేజర్లు, యువకులపై ఇటీవల జరిపిన ఒక సర్వే ప్రకారం ఇన్ స్టా వాడకంతో అనారోగ్య సమస్యలు వచ్చే అవకాశం ఉంది. అయితే చాలామంది లెక్కకు మించి వాడటంతో సోషల్ మీడియాకు అడిక్ట్ అవుతున్నారు. రీల్స్ పేరుతో గంటల సమయాన్ని వేస్ట్ చేస్తున్నారు. అయితే, ఇన్స్టాగ్రామ్ ప్లాట్ఫామ్ను ఉపయోగించడం వల్ల కొన్ని నష్టాలు ఉన్నాయి. అవేంటో తెలుసుకోవాలి.

ఇన్ స్టా వాడుతున్నారా.. ఇవి తెలుసుకోండి

సోషల్ మీడియా వ్యసనం

ఫొటోలను మార్ఫింగ్ చేయడం

వాస్తవ పరిస్తితులకు విరుద్ధంగా ఉండటం

సైబర్ బుల్లీయింగ్ బారిన పడటం

మానసిక ఆరోగ్యంపై ప్రభావం

నకిలీ ఖాతాల బారిన పడటం

మానసిక సమస్యల బారిన పడటం