Hyderabad Metro: హైదరాబాద్ మెట్రో రైలు వేళల్లో మార్పులు.. కొత్త టైమింగ్స్ ఇవే..

Metro Rail Timings: కరోనా కేసులు పెరుగుతున్నందున తెలంగాణ రాష్ట్ర ప్రభుత్వం ప్రకటించిన లాక్ డౌన్ సమయంలో 4 గంటల సడలింపు ఇచ్చింది. దీంతో హైదరాబాద్ మెట్రో రైలు సర్వీసుల సమయాన్ని మార్చారు.

Hyderabad Metro Timings

Updated on: May 30, 2021 | 10:06 PM

కరోనా కేసులు పెరుగుతున్నందున తెలంగాణ రాష్ట్ర ప్రభుత్వం ప్రకటించిన లాక్ డౌన్ సమయంలో 4 గంటల సడలింపు ఇచ్చింది. దీంతో హైదరాబాద్ మెట్రో రైలు సర్వీసుల సమయాన్ని మార్చారు. ఈ మేరకు రీషెడ్యూల్ సమయాన్ని హైదరాబాద్ మెట్రో రైల్ సంస్థ ప్రకటించింది. లాక్ డౌన్ సమయంలో ఉదయం 7 గంటల నుంచి మధ్యాహ్నం12.45 వరకూ అన్ని రకాల కార్యకలాపాలకు సడలింపు ఇచ్చింది. ఈ మధ్య కాలంలో హైదరాబాద్ మెట్రో రైలు సర్వీసులు నడవనున్నాయి. ఈ మేరకు లాక్ డౌన్ కాలంలో మొదటి రైలు టెర్మినల్ స్టేషన్ల నుంచి ఉదయం 7 గంటలకు బయలుదేరనుంది. చివరి రైలు ఉదయం 11:45 నిమిషాలకు మొదలు కానుంది. ఈ రైలు ఉదయం 12:45 గంటల కల్లా సంబంధిత చివరి టెర్మినేషన్ స్టేషన్‌కు చేరుకుంటుంది.

ప్రతి ఒక్కరి భద్రత కోసం, ప్రయాణికులు సామాజిక దూరం, ఫేస్ మాస్క్‌లు ధరించడం, క్రమంగా హ్యాండ్ శానిటైజేషన్, థర్మల్ స్క్రీనింగ్ వంటి కోవిడ్-19 భద్రతా మార్గదర్శకాలను కచ్చితంగా పాటించాలని మెట్రో రైలు సంస్థ సూచించింది. ప్రయాణికులు తమ ప్రయాణాన్ని సురక్షితంగా ఉంచే ప్రయత్నాలలో భద్రతా సిబ్బంది, హైదరాబాద్ మెట్రో రైలు సిబ్బందితో సహకరించాలని అభ్యర్థించారు.