Dog Missing: హైద‌రాబాద్‌లో R15 బైక్‌పై వచ్చి కుక్క‌ కిడ్నాప్.. ఆచూకీ తెలిపినవారికి 10 వేల రివార్డ్

ప్రత్యేక జాతికి చెందిన ఓ శునకం చోరీకి గురైన ఘటన హైదరాబాద్‌లో తాజాగా చోటు చేసుకుంది. జాతి కుక్క కిడ్నాప్‌ స్థానికంగా తీవ్ర సంచలనం రేపుతోంది. పారడైస్ సింధి కాలనీ రోడ్ పై ఉన్న జాతి కుక్కను బైక్‌పై వచ్చిన ఓ దుండగుడు ఎత్తుకెళ్లినట్లు తెలిసింది. మే నెల 17 న బ్లూ కలర్ R15 బైక్‌పై వచ్చిన వ్యక్తి కుక్కను ఎత్తుకెళ్లినట్లు రాంగోపాల్ పెట్ పోలీసులకు ఫిర్యాదు చేసింది సాక్షి కనుగో అనే యువతి. వివిధ జాతి కుక్కలను పెంచుతూ అమ్మకాలు జరుపుతుంది సాక్షి. కిడ్నాప్‌కు గురైన కుక్క ‘షిహ్ త్జు’ జాతి కి చెందిన రియో అని పోలీసులకు ఇచ్చిన కంప్లైట్‌లో తెలిపింది. మార్కెట్‌లో రియో విలువ సుమారు 45 వేలు డిమాండ్ ఉంటుందని వెల్ల‌డించింది. యువతి ఫిర్యాదు మేరకు పారడైస్ పరిధిలో ఉన్న సీసీటీవీ ఫుటేజ్‌లను సేకరించిన పోలీసులు గాలింపు చేపట్టారు. 25 రోజులు కావొస్తున్న రియో ఆచూకీ లభించలేదని తెలిసింది. కుక్క ఆచూకీ తెలిపినవారికి 10 వేల రివార్డ్ ప్రకటించారు సదరు యువతి సాక్షి.

Also Read:  భ‌ర్తతో గొడ‌వ‌పెట్టుకుని ఇంటి నుంచి వెళ్లిపోయిన భార్య‌.. ఆమె పెట్టె చెక్ చేసి అత‌డు కంగుతిన్నాడు

 యువతి ఆత్మహత్య.. రేపిస్టుని పట్టించిన వీర్యకణాలు