Hyderabad: హైదరాబాద్ టూ విజయవాడ 5 గంటలు కాదు ఇక గంట ప్రయాణం.! రయ్.. రయ్మంటూ..
హైదరాబాద్ నుంచి విజయవాడ, కృష్ణా, గుంటూరు జిల్లాలకు వెళ్లే ప్రయాణీకులకు గుడ్ న్యూస్.. ప్రయాణాన్ని త్వరగా పూర్తీ చేసేందుకు మరిన్ని విమాన సర్వీసులను అందుబాటులోకి వచ్చాయి. ఆ వివరాలు ఇలా ఉన్నాయి. ఓ సారి స్టోరీపై లుక్కేయండి మరి. ఇది తెలుసుకోండి.
విజయవాడ నుంచి హైదరాబాద్ మధ్య ప్రయాణికుల సంఖ్యలో గణనీయమైన వృద్ధిని దృష్టిలో ఉంచుకుని, విమానయాన సంస్థలు కొత్త ఫ్లైట్ సర్వీసులను ప్రారంభించనున్నాయి. వేసవి సెలవులు.. వ్యాపార అవసరాల కారణంగా ఈ మార్గంలో డిమాండ్ ఎక్కువగా ఉండటంతో ఈ నిర్ణయం తీసుకున్నారు. కొత్త విమానాలు ఏప్రిల్ 10 నుంచి ఏప్రిల్ 17 నుండి అందుబాటులోకి రానున్నాయి. ఇప్పటి వరకు ఉన్న ఫ్లైట్లు సరిపోకపోవడంతో ఈ కొత్త సర్వీసులు ప్రయాణికులకు మరింత సౌకర్యాన్ని అందించనున్నాయి. ముఖ్యంగా ఉదయం, సాయంత్రం సమయాల్లో ప్రయాణించే ఉద్యోగులు, వ్యాపారవేత్తలకు ఈ ఫ్లైట్లు అనుకూలంగా ఉండనున్నాయి.
గన్నవరం విమానాశ్రయం నుంచి ప్రయాణికుల సంఖ్య గత కొంతకాలంగా స్థిరంగా పెరుగుతున్నందున, విమానయాన సంస్థలు తమ సేవలను విస్తరించాయి. నూతన సర్వీసుల కోసం టికెట్ బుకింగ్లు ఇప్పటికే ప్రారంభించారు. విమానయాన సంస్థల అధికారిక వెబ్సైట్లు లేదా ట్రావెల్ పోర్టల్స్ ద్వారా ముందుగా టికెట్లు రిజర్వ్ చేసుకోవచ్చు. సెలవుల సీజన్లో చివరి నిమిషంలో టికెట్ ధరలు పెరగవచ్చునని పరిశీలిస్తే, ముందస్తు బుకింగ్ చేయడం ప్రయాణికులకు మంచిది. విజయవాడ విమానాశ్రయ అభివృద్ధిలో రన్వే విస్తరణ, కొత్త టెర్మినల్ పనులు వేగంగా సాగుతున్నాయి.
దీని ద్వారా రాష్ట్ర రాజధాని ప్రాంతానికి మరిన్ని నగరాలను కనెక్ట్ చేయడం లక్ష్యంగా పెట్టబడింది. భవిష్యత్తులో దుబాయ్, సింగపూర్ వంటి అంతర్జాతీయ రూట్లకు కూడా కొత్త ఫ్లైట్లు ప్రారంభించే అవకాశం ఉంది. ఈ కొత్త విమానాల రాకతో కృష్ణా, ఎన్టీఆర్, గుంటూరు జిల్లాల ప్రజలకు హైదరాబాద్ ప్రయాణం మరింత సులభం అవుతుంది. కేవలం ఒక గంటలో నగరానికి చేరుకోవచ్చు. దీంతో సమయం కాపాడుకుంటారు. రైళ్లు, బస్సుల్లో రద్దీ ఎక్కువగా ఉండే సందర్భాల్లో ఈ ఫ్లైట్లు ప్రయాణికులకు పెద్ద ఉపశమనం లభిస్తుంది.
ఇది చదవండి: ఇలా చేస్తే దోసెలు పెనానికి జన్మలో కూడా అతుక్కోవు.. ఎలాగో మీరూ చూడండి
మరిన్ని తెలంగాణ వార్తల కోసం ఇక్కడ క్లిక్ చేయండి