Cyberabad Police: కాలితో నెంబర్‌ ప్లేట్‌ను దాచిన మహిళ.. పవన్‌ డైలాగ్‌తో అవగాహన కల్పించిన పోలీసులు..

Cyberabad Police Tweet: సోషల్‌ మీడియా విస్తృతి పెరిగినప్పటి నుంచి ఏ విషయాన్నైనా సామాజిక మాధ్యమాల్లోనే చెబుతున్నారు. ఇండస్ట్రీ వర్గాలైతే సినిమా విడుదల తేదీని, కొత్త సినిమా పోస్టర్లను సోషల్ మీడియా ద్వారానే ప్రేక్షకులతో పంచుకుంటున్నారు. ఇక రాజకీయ నాయకులు కూడా తమ ప్రచారాన్ని సోషల్‌ మీడియాలోనే చేస్తున్నారు. ఈ క్రమంలోనే పోలీసులు కూడా సోషల్‌ మీడియాను బాగా వాడుకుంటున్నారు. ప్రజల్లో ట్రాఫిక్‌ రూల్స్‌పై అవగాహన కల్పించే క్రమంలో సామాజిక మాధ్యమాలను ఉపయోగించుకుంటున్నారు. ఈ క్రమంలోనే తాజాగా సైబరాబాద్‌ పోలీసులు పోస్ట్‌ చేసిన ఓ ఫొటో నెట్టింట్లో వైరల్‌గా మారింది. వివరాల్లోకి వెళితే.. ఓ బైక్‌పై ముగ్గురు ప్రయాణిస్తున్నారు. దీంతో ఎక్కడ ట్రాఫిక్‌ పోలీసులు తీసే ఫొటోకు దొరుకుతామెమోనని వెనకాల కూర్చున్న మహిళ తన కాలితో నెంబర్‌ ప్లేట్‌ను కనిపించకుండా కవర్‌ చేసే ప్రయత్నం చేసింది. అయితే నగర పోలీసులు మాములు వారు కాదు కదా.. ఆ మహిళ నెంబర్‌ను కవర్‌ చేస్తున్న ఫొటోను ట్విట్టర్‌ వేదికగా పోస్ట్‌ చేశారు. అయితే కేవలం ఆ ఫొటోనే కాకుండా.. పవన్‌ కళ్యాణ్‌ డైలాగ్‌ చెబుతున్నట్లున్న మీమ్‌ని కూడా జత చేశారు. ‘అత్తారింటికి దారేది’ సినిమాలోని క్లైమాక్స్‌లో వచ్చే సన్నివేశాన్ని ప్రస్తావిస్తూ.. ‘నువ్వేమో రూ.1300 కాపాడదాం అని కాలు పెట్టావ్… కానీ నువ్వు చేసిన ఈ పనికి ఇంకో రూ.1500 ఎక్కువ పడ్డాయి’ అంటూ కామెంట్ పెట్టారు. ప్రస్తుతం ఈ ట్వీట్ వైరల్ అవుతోంది. ఈ ట్వీట్‌తో పాటు రాసుకొచ్చిన.. ‘చలనాలు పడకుండా ఉండాలంటే ట్రాఫిక్‌ నియమాలు పాటించడం ఒక్కటే ఉత్తమ మార్గం, విన్యాసాలు చేసి తప్పించుకోవడం కాదు’ క్యాప్షన్‌ హైలెట్‌గా నిలిచింది.

చలానాలు పడకుండా ఉండాలంటే ట్రాఫిక్ నియమాలు పాటించడం ఒకటే ఉత్తమ మార్గం, విన్యాసాలు చేసి తప్పించుకోవడం కాదు. #RoadSafety #RoadSafetyMonth #RoadSafetyCyberabad pic.twitter.com/IuZJcNQEEn

— CYBERABAD TRAFFIC POLICE సైబరాబాద్ ట్రాఫిక్ పోలీస్ (@CYBTRAFFIC) February 2, 2021

Also Read: స్పోర్ట్స్ మీట్ ముగింపు వేడుకలకు హాజరైన మెగాపవర్‌స్టార్.. పోలీసుల కథలంటే ఇష్టమన్న రాంచరణ్