Whatsapp New Features: వాట్సాప్‌ కొత్త ఫీచర్‌.. పొరపాటున డిలీట్‌ అయిన మెసేజ్‌ తిరిగి పొందే అవకాశం..!

Whatsapp New Features: వాట్సాప్ తన కస్టమర్ల సౌలభ్యం కోసం ఎప్పటికప్పుడు కొత్త మార్పులు చేస్తూనే ఉంది. వాట్సాప్ ప్రతి నెలా కొన్ని కొత్త ఫీచర్లను ప్రవేశపెడుతోంది. డిలీట్ చేసిన మెసేజ్ కు సంబంధించి ఈసారి మెటా కంపెనీ కొత్త ఫీచర్ తీసుకొచ్చింది. ఇప్పుడు త్వరలో వాట్సాప్‌లో డిలీట్ చేసిన మెసేజ్‌లను మళ్లీ రికవరీ చేసుకోవచ్చు. డిలీట్ బటన్‌తో అన్‌డూ బటన్‌ను కంపెనీ తీసుకురావచ్చు. WABetainfo నివేదిక ప్రకారం.. కంపెనీ ఈ ఫీచర్‌ని త్వరలో తీసుకురానున్నట్లు తెలుస్తోంది. Meta దాని ఇన్‌స్టంట్ మెసేజ్ యాప్‌లోని అన్‌డూ ఫీచర్‌పై పని చేస్తోంది. ఇది తొలగించిన సందేశాలను తిరిగి పొందడంలో సహాయపడుతుంది. ప్రస్తుతం ఈ ఫీచర్ ప్రారంభ దశలోనే ఉందని సంస్థ చెబుతోంది. ప్రస్తుతం కంపెనీ దీనిని పరీక్షిస్తోంది. ప్రస్తుతం ఆండ్రాయిడ్ బీటా వినియోగదారుల కోసం అందుబాటులోకి రానున్నట్లు తెలుస్తోంది.

ఈ ఫీచర్ WhatsApp 2.22.13.5కి జోడించబడింది. బీటా వెర్షన్‌లో మాత్రమే రన్ అవుతుంది. ఈ యాప్ ద్వారా మీరు అన్డు బటన్‌ను ఉపయోగించవచ్చు. ఈ బటన్ స్క్రీన్ దిగువన కనిపిస్తుంది. సందేహాన్ని తొలగించడం ద్వారా వినియోగదారు పునరుద్ధరించాలనుకుంటున్న సందేశాన్ని వెనక్కి తీసుకురావచ్చు. వాట్సాప్ ఈ ఫీచర్‌ని వినియోగదారులందరూ ఎప్పటి వరకు పొందుతారు అని WABetainfo నివేదిక గానీ, కంపెనీ గానీ ప్రస్తుతం చెప్పలేదు. ఇంతకు ముందు కూడా కంపెనీ ఇలాంటి అనేక ఫీచర్లను పరీక్షించడం చాలా సార్లు జరిగింది. కానీ సాంకేతిక కారణాల వల్ల అది అమలు కాలేదు. ప్రస్తుతం ఈ ఫీచర్‌ అభివృద్ధి దశంలో ఉన్నట్లు తెలుస్తోంది.

మరో కొత్త ఫీచర్‌..

అన్‌డో ఫీచర్‌తో పాటు మరో కొత్త ఫీచర్‌ను తీసుకువచ్చేందుకు వాట్సాప్‌ ప్రయత్నిస్తోంది. వాట్సాప్‌లో ఫైల్ షేరింగ్ పరిమితిని 100 MB నుండి 2 GBకి పెంచేసింది.

మరిన్ని టెక్నాలజీ వార్తల కోసం ఇక్కడ క్లిక్ చేయండి