Short Circuit: షార్ట్ సర్క్యూట్ ఎందుకు వస్తుంది.? దాన్ని నివారించడం ఎలా..? పూర్తి వివరాలు ఇదిగో..

ఈ మధ్యకాలంలో ప్రతీ ఇంట గృహోపకరణాలు ఎక్కువైపోయాయి. అన్ని ఉన్నాయంటే.. ఇక ఆ ఇళ్లల్లో విద్యుత్ వాడకం కూడా ఎక్కువగానే ఉంటుంది. సాధారణంగా మనం షార్ట్ సర్క్యూట్ గురించి విని ఉంటాం. మనం రోజూ ఇంట్లో వాడే డివైజ్‌ల్లో ఆపరేటింగ్ కరెంట్ అనుకున్న యాంపియర్ల కంటే ఎక్కువ మించితే షార్ట్ సర్క్యూట్ అయ్యే అవకాశం ఉంది. అందు చాలా విద్యుత్ ప్రమాదాలకు షార్ట్ సర్క్యూట్ కారణం కావచ్చు. షార్ట్ సర్క్యూట్ వల్ల పెను ప్రమాదాలు సంభవించవచ్చు. అందుకే విద్యుత్ విషయంలో ఎలాంటి పొరపాటు చేయకూడదు. లేదంటే ప్రాణాలు పోతాయి అంతే! మరి అసలు షార్ట్ సర్క్యూట్ కాకుండా ఉండాలంటే ఏం చెయ్యాలో ఇప్పుడు తెలుసుకుందాం..

సాధారణంగా విద్యుత్‌ను యాంపియర్లలో కొలుస్తారన్నది తెలిసిన విషయమే. ఇక పలు డివైజ్‌లపై ఆపరేటింగ్ కరెంట్ అని రాసి ఉంటుంది. వాటిల్లో అనుకున్న డెసిమల్స్ కంటే ఎక్కువగా విద్యుత్ ప్రసారం అయితే..  అవి వేడెక్కిపోవడం లేదా కాలిపోవడం లాంటివి జరుగుతాయి. ఉదాహరణకు గీజర్ ఆపరేటింగ్ కరెంట్ 15 యాంపియర్లు కాగా.. దీనికి మించితే షార్ట్ సర్క్యూట్ సంభవిస్తుంది.

ఒక ఎలక్ట్రిక్ సాకెట్‌లో మల్టీప్లగ్ పెట్టి పలు విద్యుత్ ఉపకరణాలను వినియోగిస్తే.. కరెంట్ లోడ్ అనేది అధికం అవుతుంది. తద్వారా షార్ట్ సర్క్యూట్ ప్రమాదం రావచ్చు. అందుకే ఇంటిలోని గృహోపకరణాలను వివిధ స్విచ్‌ల ద్వారా అనుసంధానం చేసి వినియోగించడం బెటర్.. అప్పుడే మీకు ఇలాంటి ప్రమాదం తగ్గుతుంది.

మరిన్ని సైన్స్ అండ్ టెక్నాలజీ న్యూస్ కోసం..