దేశంలో ప్రతి ఒక్కరికీ ఉండాల్సిన అత్యంత ముఖ్యమైన డాక్యుమెంట్ ఆధార్ కార్డు. ఇది దేశ పౌరుడుగా మీ గుర్తింపు సూచిస్తుంది. అలాగే మనం రోజు వారీ నిర్వహించే అనేక పనులకు అవసరమవుతుంది. ఆధార్ కార్డులో మీకు 12 అంకెల నంబర్ ను కేటాయిస్తారు. ఆ నంబరే మీకు గుర్తింపు అని చెప్పవచ్చు. ప్రథమంగా ఆధార్ కార్డు నివాస ధ్రువీకరణ పత్రంగా పనిచేస్తుంది. దేశంలోని పౌరులందరికీ ఆధార్ కార్డును యూనిక్ ఐడెంటిఫికేషన్ అథారిటీ ఆఫ్ ఇండియా (యూఐడీఏఐ) అందజేస్తుంది. దీనిలో మీ పేరు, చిరునామా, బయోమెట్రిక్ , ఇతర వివరాలు నమోదు అవుతాయి.
దేశంలోని ప్రజలందరూ ఒకే చోట స్థిరంగా నివాసం ఉండరు. చదువు, ఉద్యోగం, వ్యాపారం తదితర వీటికోసం కొందరు సొంతూరిని వదిలి వేరే ప్రాంతానికి వెళ్లి స్థిర పడతారు. వీరందరూ తమ ఆధార్ కార్డులో చిరునామాను తప్పనిసరిగా మార్చుకోవాలి. సొంతూరి చిరునామాకు బదులు వారు స్థిర పడిన ప్రాంతం వివరాలు నమోదు చేసుకోవాలి. అప్పుడు వారికి ఆధార్ కార్డును అనుసరించి ప్రభుత్వం పథకాలు అందుతాయి.
మన ఆధార్ కార్డులో పేరు, చిరునామా, ఇతర వివరాలు తప్పులు లేకుండా, అక్షర దోషాలు లేకుండా ఉండాలి. అనుకోకుండా, పొరపాటును తప్పులు పడితే వెంటనే సరిచేసుకోవాలి. లేకపోతే లేనిపోని నష్టాలు కలుగుతాయి. ఆధార్ కార్డులో తప్పులను చాలా సులభంగా సరిచేసుకోవచ్చు. ఆన్ లైన్ లో అయితే ఈ పక్రియ వేగంగా పూర్తవుతుంది.
మరిన్ని టెక్నాలజీ వార్తల కోసం ఇక్కడ క్లిక్ చేయండి..