OnePlus 9 Series in India: అదిరిపోయే ఫీచర్లతో భారత్‌లో లాంచ్ అయిన వన్‌ప్లస్ 9 సిరీస్ స్మార్ట్ ఫోన్లు.. ఫుల్ డీటెయిల్స్ మీకోసం..
OnePlus 9 Series in India: వన్‌ప్లస్ 9 సిరీస్‌ను భారత్‌లో లాంచ్ చేశారు. సరికొత్త ఫీచర్లు, స్పెసిఫికేషన్లతో కొత్త స్మార్ట్ ఫోన్లను విడుదల చేసినట్లు వన్‌ప్లస్..
OnePlus 9 Series in India: వన్‌ప్లస్ 9 సిరీస్‌ను భారత్‌లో లాంచ్ చేశారు. సరికొత్త ఫీచర్లు, స్పెసిఫికేషన్లతో కొత్త స్మార్ట్ ఫోన్లను విడుదల చేసినట్లు వన్‌ప్లస్ ప్రకటించింది. వన్‌ప్లస్ 9 సిరీస్‌లో భాగంగా వన్‌ప్లస్ 9, వన్‌ప్లస్ 9 ప్రో, వన్‌ప్లస్ 9 ఆర్‌లను కంపెనీ ప్రకటించింది. కాగా, వన్‌ప్లస్ 9, వన్‌ప్లస్ 9 ప్రోలో క్వాల్కమ్ స్నాప్‌డ్రాగన్ 888 SoC ఉంది. దాంతో హాసెల్‌బ్లాడ్ కెమెరాలు ఉన్నాయి. వన్‌ప్లస్ 9 ఆర్ వన్‌ప్లస్ 8 టి స్పెక్-షీట్‌తో వస్తున్నాయి. అయితే ఆ తరువాత స్నాప్‌డ్రాగన్ 870 SoC తో వస్తుందని కంపెనీ తెలిపింది. భారతదేశంలో వన్‌ప్లస్ 9 సిరీస్ ధర 39,999 రూపాయల నుండి ప్రారంభమవుతుందని కంపెనీ ప్రకటించింది. వన్‌ప్లస్ సిరీస్ రేట్లు, స్పెఫికేషన్లు, ఫీచర్లు ఇప్పుడు తెలుసుకుందాం.
వన్‌ప్లస్ 9 ఆర్ : వన్‌ప్లస్ 9 ఆర్ ఇండియాలో 8 జీబీ + 128 జీబీ వేరియంట్‌కు రూ .39,999 నుంచి ప్రారంభమవుతుంది. ఇది 12GB + 256GB వేరియంట్‌తో 43,999 రూపాయలకు వస్తుంది. ఇది కార్బన్ బ్లాక్ మరియు లేక్ బ్లూ రంగులతో వస్తుంది. వన్‌ప్లస్ 9: 28 జీబీ స్టోరేజ్‌తో 8 జీబీ ర్యామ్ వేరియంట్‌ వన్‌ప్లస్ 9 ధర రూ .49,999 నుంచి ప్రారంభమవుతుంది. అయితే ప్రస్తుతం కంపెనీ 12 జీబీ + 256 జీబీ వేరియంట్‌ను విడుదల చేసింది, ఇది రూ .54,999 కు లభిస్తుంది. ఇది ఆర్కిటిక్ స్కై, ఆస్ట్రల్ బ్లాక్, వింటర్ మిస్ట్ కలర్స్ లో అందుబాటులో ఉంది. వన్‌ప్లస్ 9 ప్రో: వన్‌ప్లస్ 9 ప్రో ధర వరుసగా 8 జీబీ + 128 జీబీ స్టోరేజ్, 12 జీబీ + 256 జీబీ స్టోరేజ్ వేరియంట్‌లకు రూ .64,999, రూ .69,999 గా నిర్ణయించారు. ఇది పైన్ గ్రీన్, స్టెల్లార్ బ్లాక్ మరియు మార్నింగ్ మిస్ట్ రంగులలో వస్తుంది. ఇక ట్రిపుల్ కెమెరాలతో వస్తున్న ఈ ఫోన్లు 4,500 ఎమ్ఏహెచ్ బ్యాటరీ బ్యాకప్ సామర్థ్యం కలిగి ఉన్నాయి. ఇవి 65W ఫాస్ట్ ఛార్జింగ్ సొల్యూషన్‌తో పనిచేస్తాయి.
వన్‌ప్లస్ స్మార్ట్ వాచ్: ఈ స్మార్ట్‌ఫోన్లతో పాటు.. వన్‌ప్లస్ స్మార్ట్ వాచ్‌ను కూడా రిలీజ్ చేసింది. 1.39 అంగుళాల అమోలేడ్ డిస్‌ప్లేని కలిగిన ఈ స్మార్ట్ వాచ్ ధర రూ. 16,999గా కంపెనీ నిర్ణయించింది. ఈ స్మార్ట్ వాచ్‌లో హ్యాండ్స్ ఫ్రీ కాల్స్, యాప్ నోటిఫికేషన్లు, ఫోన్ సెట్టింగులను సర్దుబాటు చేయడం, ఫోటో గ్యాలరీని యాక్సెస్ చేయడం, కెమెరా షట్టర్‌ను నియంత్రించడం వంటి సదుపాయాలు ఉన్నాయి. వీటితోపాటు.. వర్కౌట్ డిటెక్షన్, స్లీప్ ట్రాకింగ్, హార్ట్ మానిటర్, స్ట్రెస్ ట్రాకింగ్ సదుపాయం కూడా ఉంది. వార్ప్ ఛార్జ్ టెక్నాలజీతో పని చేసే ఈ స్మార్ట్ వాచ్‌ని 20 నిమిషాల పాటు ఛార్జ్ చేస్తే.. 7 రోజులు వస్తుంది.
Also read:
