Smart Phone: ఆ మోటరోలా ఫోన్కు పోటీగా ఐక్యూ ఫోన్.. ప్రధాన తేడాలివే..!
ప్రముఖ స్మార్ట్ ఫోన్ తయారీ కంపెనీ ఐక్యూ తన నియో-10 మే 26న మిడ్ రేంజ్ స్మార్ట్ఫోన్ మార్కెట్లో లాంచ్ చేయనుందని ప్రకటించింది. ఈ కంపెనీ ఇప్పటికే ఈ స్మార్ట్ఫోన్ను టీజ్ చేయడం ప్రారంభించింది. ఈ ఫోన్ అనేక మోడళ్లతో పోటీ పడుతూ రూ.35000 లోపు లాంచ్ అవుతుందని వెల్లడైంది. ముఖ్యం ఈ స్మార్ట్ ఫోన్ మోటరోలా ఎడ్జ్ 60 స్మార్ట్ ఫోన్కు గట్టి పోటీనిస్తుందని నిపుణులు చెబుతున్నారు. ఈ నేపథ్యంలో ఈ రెండు ఫోన్ల మధ్య ప్రధాన తేడాల గురించి తెలుసుకుందాం.
ఐక్యూ నియో 10 రెండు కలర్ వేరియంట్లలో ఆవిష్కరించారు. టైటానియం క్రోమ్, ఇన్ఫెర్నో రెడ్ కలర్స్లో ఈ ఫోన్ ప్రీమియం లుక్ ఆకట్టుకుంటుంది. అయితే రెడ్ వేరియంట్ డ్యూయల్-టోన్ ఫినిషింగ్ను ప్రదర్శిస్తూ ఆకట్టుకుంటుంది. అయితే ఈ స్మార్ట్ఫోన్ బిల్డ్ క్వాలిటీ ఎలా ఉంటుందో? అధికారికంగా వెల్లడించలేదు. మోటరోలా ఎడ్జ్ 60 ప్రో విషయానికి వస్తే ఈ ఫోన్ క్లాసిక్ వీగన్ లెదర్ ఫినిష్తో వస్తుంది. ముఖ్యంగా ఈ ఫోన్ చాలా స్లిమ్గా ఉంటుంది. అలాగే ఐపీ 68, ఐపీ69 రక్షణను అందిస్తుంది. డిస్ప్లే విషయానికొస్తే ఐక్యూ నియో 10 1.5 కే రిజల్యూషన్తో 6.78 అంగుళాల ఎమోఎల్ఈడీ డిస్ప్లేతో ఆకర్షిస్తుంది. గేమింగ్ కోసం ఈ ఫోన్ 144 ఎఫ్పీఎస్కు మద్దతు ఇస్తుంది. అయితే మోటరోలా ఎడ్జ్ 60 ప్రో ఫోన్ 120 హెచ్జెడ్ రిఫ్రెష్ రేట్తో 6.7 అంగుళాల కర్వ్డ్ పీ-ఓఎల్ఈడీ డిస్ప్లేతో వస్తుంది. అందువల్ల కొనుగోలుదారులు ఫ్లాట్ లేదా కర్వ్డ్ డిస్ప్లే మధ్య ఎంచుకోవాల్సి ఉంటుంది.
ఐక్యూ నియో 10లో డ్యూయల్ కెమెరా సెటప్ ఉంది. ఈ ఫోన్లో సోనీ లైట్-600 సెన్సార్తో 50 ఎంపీ ప్రధాన కెమెరా, 8 ఎంపీ అల్ట్రా-వైడ్ కెమెరాతో ఉంటుందని నిపుణులు అంచనా వేస్తున్నారు. అలాగే 16 ఎంపీ సెల్ఫీ కెమెరా ఈ ఫోన్ ప్రత్యేకతగా ఉంది. అయితే మోటరోలా ఎడ్జ్ 60 ప్రోలో ట్రిపుల్ కెమెరా సెటప్ ఉంది. ఇందులో 50 ఎంపీ ప్రధాన కెమెరా, 3ఎక్స్ ఆప్టికల్ జూమ్తో 10 ఎంపీ టెలిఫోటో లెన్స్, 50 ఎంపీ అల్ట్రా-వైడ్ లెన్స్ ఉంటాయి. అందువల్ల మోటరలో ఫోన్ టెలిఫోటో లెన్స్తో పాటు పోటీ ప్రధాన కెమెరాతో మరింత ఆహ్లాదకరమైన అనుభవాన్ని అందిస్తుందని నిపుణులు స్పష్టం చేస్తున్నారు.
ఐక్యూ నియో 10 స్నాప్డ్రాగన్ 8 ఎస్ జెన్-4 సూపర్కంప్యూటింగ్ చిప్ క్యూ1 ప్రాసెసర్ల ద్వారా శక్తిని పొందుతుంది. అందువల్ల ఈ స్మార్ట్ఫోన్ ఎల్పీడీడీఆర్5ఎక్స్ అల్ట్రా ర్యామ్, యూఎఫ్ఎస్ 4.1 స్టోరేజ్తో జత చేసిన డ్యూయల్ ప్రాసెసర్ సామర్థ్యాలను కలిగి ఉంటుంది. మరోవైపు మోటరోలా ఎడ్జ్ 60 ప్రో 12 జీబీ వరకు ర్యామ్తో పాటు మీడియాటెక్ డైమెన్సిటీ 8350 చిప్పై ఆధారంగా పని చేస్తుంది. పనితీరు పరంగా ఐక్యూ నియో 10 కొత్త తరం శక్తివంతమైన చిప్తో పైచేయి సాధించవచ్చు. శాశ్వత పనితీరు కోసం ఐక్యూ నియో 10 120 వాట్ష్ ఫాస్ట్ ఛార్జింగ్ సపోర్ట్తో 7000 ఎంఏహెచ్ బ్యాటరీతో మద్దతు ఇస్తుందని భావిస్తున్నారు. అయితే ఎడ్జ్ 60 ప్రో 90 వాట్స్ టర్బో ఫాస్ట్ ఛార్జింగ్కు మద్దతు ఇచ్చే 6000 ఎంఏహెచ్ బ్యాటరీతో మద్దతు ఇస్తుందని నిపుణులు చెబుతున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి