Files Recovery: ఇంపార్టెంట్ ఫైల్స్ పొరపాటున డిలీట్ అయితే.. ఇలా తిరిగి పొందొచ్చు!
ముఖ్యమైన ఫైల్స్, డాక్యుమెంట్స్, ఫొటోల వంటివన్నీ మొబైల్లో కాకుండా ల్యాప్టాప్ లేదా పీసీలో దాచుకుంటారు చాలామంది. అయితే ఎప్పుడైనా పొరపాటున అవి డిలీట్ అయితే.. ఇక పూర్తిగా కోల్పోయినట్టే అనుకుంటారు. అయితే డిలీట్ అయిన ఫైల్స్ ను కూడా తిరిగి రికవర్ చేయొచ్చు. అదెలాగంటే..
ముఖ్యమైన ఫైళ్లు డిలీట్ అయినప్పుడు చాలా కంగారు పడుతుంటారు. ఎక్కడలేని టెన్షన్ వస్తుంది. పోయిన ఫైళ్లు ఇక రావేమో అనుకుంటారు. అయితే డిలీట్ అయిన ఫైళ్లను తిరిగి పొందేందుకు కొన్ని టెక్నిక్స్ ఉన్నాయి. కొన్ని ట్రిక్స్ తో వాటిని తిరిగి పొందొచ్చు. లేదా కొన్ని రికవరీ సాఫ్ట్ వేర్స్ ద్వారా కూడా పోయిన వాటిని తిరిగి రికవర్ చేయొచ్చు. అదెలాగో ఇప్పుడు తెలుసుకుందాం.
ఆటో బ్యాకప్
ఫైల్స్ డిలీట్ అయ్యాయి అని తెలిసినప్పుడు వాటిని బ్యాకప్గా ఎక్కడైనా ‘సేవ్ యాజ్’ చేశారేమో చెక్ చేసుకోవాలి. ఫైల్ నేమ్ గుర్తు ఉంటే లోకల్ డ్రైవ్స్లో సెర్చ్ చేసి చూడాలి. లేదా మొత్తం పీసీని సెర్చ్ చేసి చూడాలి. అలాగే రీసైకిల్ బిన్ను కూడా ఒకసారి చెక్ చేయాలి. కొన్ని సార్లు టెంపరరీ ఫైల్స్ రూపంలో లేదా బిన్ లో ఉండిపోతాయి. అక్కడి నుంచి రీస్టోర్ కొట్టి తిరిగి పొందొచ్చు. లేదా ఆటోమేటిక్ గా గూగుల్ డ్రైవ్ కు ఆటో బ్యాకప్ అవుతాయి. అక్కడ ఉన్నాయేమో ఒకసారి చెక్ చేసుకోవడం మంచిది.
రికవరీ సాఫ్ట్వేర్స్
ఫైల్స్ ఎక్కడా లేవు, పూర్తిగా డిలీట్ అయ్యాయి అని కన్ఫర్మ్ అయితే..రెకువా(recuva), ఈజ్ అజ్(easeUS), డిస్క్ డ్రిల్(diskdrill) లాంటి సాఫ్ట్ వేర్స్ సాయం తీసుకోవచ్చు. ఇవి పీసీలో ఇప్పటివరకూ డిలీట్ అయిన అన్ని ఫైల్స్ను తిరిగి రికవర్ చేయగలవు. వీటిలో ఒక సాఫ్ట్వేర్ను ఇన్స్టాల్ చేసి పీసీ మొత్తాన్ని స్కాన్ చేస్తే.. ఆయా డ్రైవ్స్లో డిలీట్ అయిన అన్ని ఫైల్స్ కనిపిస్తాయి. ఒకవేళ మీ ఫైల్స్ మొబైల్ లో ఉంటే పీసీకి మొబైల్ కనెక్ట చేసి.. మొబైల్ స్టోరేజ్ లో వెతకాలి. అందులో కావాల్సిన ఫైల్స్ను సెలక్ట్ చేసుకుని రికవర్ బటన్ నొక్కితే చాలు. పోయిన ఫైల్స్ తిరిగొచ్చేస్తాయి. అయితే వీటిలో కొన్ని 1 జీబీ వరకూ ఫ్రీ రికవరీ చేస్తాయి. అంతకంటే ఎక్కువ సైజు రికవరీ అవ్వాలంటే సబ్ స్క్రిప్షన్ తీసుకోవాల్సి ఉంటుంది. అలా కాకుండా పర్మినెంట్ గా కొనుక్కునే సాఫ్ట్ వేర్స్ కూడా ఉంటాయి. వాటిని ఒకసారి పర్చేజ్ చేస్తే.. ఇక ఎప్పుడు అవసరం అయినా ఫైల్స్ రికవరీ చేసుకోవచ్చు.
మరిన్ని టెక్ వార్తల కోసం ఇక్కడ క్లిక్ చేయండి