Automobile: కారులో వెళ్లేటప్పుడు ఏసీ ఆన్ చేస్తున్నారా..? ఇవి మర్చిపోతే మీకు ఇబ్బందులే..

ప్రస్తుతం కారు మధ్యతరగతి ప్రజల ఇళ్లల్లో కూడా కనిపిస్తుంది. బ్యాంకులు కూడా వెహికల్ లోన్స్ సులువుగా మంజూరు చేస్తున్నాయి. ఎలాంటి డాక్యుమెంట్స్ అవసరం లేకుండా ఇన్‌స్టంట్‌గా వెహికల్ లోన్లు మంజూరు చేస్తున్నాయి. దీంతో ఎక్కువమంది వెహికల్ లోన్ తీసుకుని కారు కొనుగోలు చేస్తున్నారు. అయితే కారు మెయింటనెన్స్ అనేది చాలా ఖర్చుతో కూడుకున్న పని. పెట్రోల్, డీజిల్ ఖర్చు చాలా ఎక్కువ అవుతుంది. ఇక ఏసీ ఆన్ చేసుకుంటే పెట్రోల్, డీజిల్ ఖర్చు మరింత పెరుగుతుందని చాలామంది భావిస్తుంటారు. దీని గురించి పూర్తి వివరాలు ఇప్పుడు తెలుసుకుందాం.

ఏసీ వేస్తే ఖర్చు పెరుగుతుందా..?

వేసవి కాలం కావడంతో కారులో వెళ్లేవారు ఏసీని ఎక్కువగా వాడుతుంటారు. కారు ఏసీ ఇంజిన్‌పై అదనపు భారాన్ని మోపుతుంది. ఇది ఇంధన సామర్థ్యాన్ని తగ్గిస్తుంది. హైవేపై వెళ్లేటప్పుడు కిటికీలు తెరిచి డ్రైవింగ్ చేయడం కంటే ఏసీ ఆన్ చేసి నడపడం మంచిదని నిపుణులు చెబుతున్నారు. కారులో ఏసీ నడుస్తున్నప్పుడు ఇంజిన్ కంప్రెసర్ నుంచి శక్తిని వినియోగించుకోవాల్సి ఉంటుంది. దీంతో ఇంజిన్‌పై భారం పడి ఇంధనం ఎక్కువగా ఖర్చు అవుతూ ఉంటుంది. సాధారణ పరిస్థితుల్లో ఇంధన సామర్థ్యాన్ని ఏసీ 10 శాతం వరకు తగ్గిస్తుంది. అయితే చాలామంది కారులో వెళుతున్నప్పుడు పెట్రోల్, డీజిల్‌ను ఆదా చేసుకునేందుకు ఏసీని ఆపి కిటికీలు తెరుస్తారు. గంటకు 80 కిలోమీటర్ల కంటే ఎక్కువ వేగంతో వెళ్లేటప్పుడు అలా చేయడం హానికరమని నిపుణులు అంటున్నారు. కిటికీలు పెరగడం వల్ల గాలి పీడనం పెరిగి ఇంజిన్ మరింత కష్టపడి పనిచేయాల్సి ఉంటుంది. అందువల్ల హైవేపై వెళ్లేటప్పుడు ఏసీని ఉపయోగించడం ప్రయోజకరంగా ఉంటుంది.

ఆగి ఉన్న కారులో ఏసీని నడిపితే..?

ఆగి ఉన్న కారులో ఏసీని నడపడం వల్ల మరింత నష్టం జరుగుతుందని నిపుణులు చెబుతున్నారు. ఇంజిన్‌తో పాటు ఏసీ నడవడం వల్లన పెట్రోల్, డిజిల్ మరింత వినియోగించుకుంటోంది. కారు ఆగి ఉన్నప్పుడు గంటకు ఒక లీటర్ ఇంధనాన్ని ఉపయోగించుకుంటుంది. దీంతో కారు ట్రాఫిక్‌లో ఉన్నప్పుడు లేదా ఆగి ఉన్నప్పుడు ఎక్కువ సేపు ఇంజిన్ నడుస్తూ ఉండటం వల్ల ఇంధనం ఖర్చు పెరుగుతుంది. మీరు కారులో వెళ్లేటప్పుడు ఇంధనం ఆదా చేసుకోవాలంటే.. కారులోకి ఎక్కిన తర్వాత రెండు నిమిషాల పాటు కిటికీలు తెరిచి ఉంచడం వల్ల వేడి గాలి బయటకు పోతుంది. దీని వల్ల ఏసీపై భారం తగ్గుతుంది. ఇక వాతావరణం చల్లగా ఉన్నప్పుడు బ్లోయర్ ఫ్యాన్‌ను మాత్రమే ఉపయోగించండి.