Car Speaker Installation: మీ కారులో స్పీకర్లను ఇన్‌స్టాల్‌ చేస్తున్నారా? ఈ తప్పులు అస్సలు చేయకండి!

Car Speaker Installation: మీరు కొత్త కారు కొంటే సాధారణంగా స్పీకర్‌లు, సౌండ్ సిస్టమ్ ఇప్పటికే అందులో ఇన్‌స్టాల్ చేసి ఉంటాయి. అయితే శక్తివంతమైన ధ్వనిని ఇష్టపడే, వారి ఎంపిక ప్రకారం స్పీకర్‌లను వారి కారులో ఇన్‌స్టాల్ చేసుకునే వ్యక్తులు చాలా మంది ఉన్నారు. కారులో సౌండ్‌ సిస్టమ్‌ ఇన్‌స్టాల్‌ చేసేటప్పుడు కొన్ని తప్పులు చేస్తుంటారు. దీని వల్ల ఇబ్బందులు పడాల్సి ఉంటుందని గుర్తించుకోండి. తక్కువ బడ్జెట్‌లో గొప్ప సౌండ్‌ సిస్టమ్‌ను పొందాలనే తపనలో ప్రజలు తరచుగా సరైన ఇన్‌స్టాలేషన్ ప్రక్రియను విస్మరిస్తారు. దీని కారణంగా స్పీకర్లు త్వరగా దెబ్బతినే అవకాశం ఉంటుంది. మీరు మీ కారు ఆడియో సిస్టమ్‌ను అప్‌గ్రేడ్ చేయాలని కూడా ఆలోచిస్తుంటే, కొన్ని జాగ్రత్తలు తీసుకోవాలి. ఇది మిమ్మల్ని పెద్ద ఇబ్బందుల నుండి కాపాడుతుంది.

ఇది కూడా చదవండి: Google, Apple: ప్రమాదంలో 16 బిలియన్ల మంది గూగుల్‌, ఆపిల్‌ వినియోగదారులు.. ప్రపంచ వ్యాప్తంగా టెన్షన్‌!

కారులో స్పీకర్లను ఇన్‌స్టాల్ చేసేటప్పుడు వాటి పరిమాణంపై శ్రద్ధ చూపడం చాలా ముఖ్యం. కారు డోర్ ప్యానెల్ లేదా డాష్‌బోర్డ్‌లో సరిపోయే స్పీకర్ల సరైన పరిమాణాన్ని ఎంచుకోండి. సరైన పరిమాణంలో స్పీకర్లను ఇన్‌స్టాల్ చేయడానికి ప్యానెల్‌ను వాటికి సరిపోయేలా కత్తిరించాల్సి రావచ్చు. ఇది కారు అందాన్ని ప్రభావితం చేస్తుంది. అలాగే స్పీకర్ ఇంపెడెన్స్, పవర్ హ్యాండ్లింగ్ (RMS)ను మీ హెడ్ యూనిట్ లేదా యాంప్లిఫైయర్‌తో సరిపోల్చడం మర్చిపోవద్దు.

వైరింగ్:

సౌండ్ సిస్టమ్‌ను ఇన్‌స్టాల్ చేసేటప్పుడు తరచుగా వైరింగ్‌లో తప్పులు చేస్తుంటారు. సాధారణంగా ప్రజలు చౌకగా లేదా సన్నని వైరింగ్‌ను కొనుగోలు చేస్తుంటారు. ఇలా చేయడం వల్ల సౌండ్‌ సిస్టమ్‌ పై ప్రభావం ఉంటుంది. క్వాలిటీ సౌండ్‌ ఉండదు. అంతేకాదు ఇలాంటి నాణ్యత లేని వైరింగ్‌ వల్ల షార్ట్ సర్క్యూట్ ప్రమాదాన్ని కూడా పెంచుతుంది. మీరు సౌండ్ సిస్టమ్‌ను అప్‌గ్రేడ్ చేస్తున్నప్పుడల్లా ఎల్లప్పుడూ మంచి నాణ్యమైన కేబుల్‌లను ఉపయోగించండి. ప్రతి కనెక్షన్‌ను టేప్ లేదా హీట్ ష్రింక్‌తో మూసివేయండి. అలాగే, ఫ్యూజ్‌ను ఇన్‌స్టాల్ చేయడం మర్చిపోవద్దు.

స్పీకర్లను ఇన్‌స్టాల్ చేసేటప్పుడు వాటి స్థానానికి ప్రత్యేక శ్రద్ధ ఉండాలి. స్పీకర్లను సమతుల్య పద్ధతిలో ధ్వని వచ్చే ప్రదేశంలో ఉంచండి. ట్వీటర్‌లను ఇన్‌స్టాల్ చేయడం వల్ల అధిక ఫ్రీక్వెన్సీలు స్పష్టంగా ఉంటాయి. అయితే వెనుక డెక్ లేదా సబ్ వూఫర్ బెస్ కోసం మంచి ఎంపిక.

ఈ విషయాలను కూడా గుర్తుంచుకోండి:

స్పీకర్లను ఇన్‌స్టాల్ చేసేటప్పుడు మరికొన్ని ముఖ్యమైన విషయాలను గుర్తుంచుకోండి. డోర్ స్పీకర్‌లపై వాటర్‌ప్రూఫ్ స్పీకర్ రింగులను అమర్చాలి. తద్వారా అవి తేమ నుండి రక్షించవచ్చు. అధిక శక్తి వ్యవస్థల కోసం, కారు బ్యాటరీ, ఆల్టర్నేటర్ సామర్థ్యాన్ని ఖచ్చితంగా తనిఖీ చేయండి. మీరు కొత్త స్పీకర్‌ను కొనుగోలు చేస్తుంటే భవిష్యత్తులో ఎటువంటి సమస్య ఉండకుండా ఉండటానికి దాని వారంటీ నిబంధనలను ముందుగానే చదవండి. అలాగే రాత్రిపూట బిగ్గరగా బెస్‌ ప్లే చేయడం వల్ల శబ్ద కాలుష్యం ఏర్పడుతుంది. దీని కారణంగా పోలీసులు చలాన్ కూడా జారీ చేయవచ్చు. తెలివిగా వాల్యూమ్‌ను పెంచండి..

ఇది కూడా చదవండి: Silver Price: రాసిపెట్టుకోండి.. త్వరలోనే వెండి ధర రూ.2 లక్షలను దాటేస్తుంది..!

ఇది కూడా చదవండి: Home Remedies: వర్షాకాలంలో ఇంట్లో ఇలాంటి కీటకాలు వస్తున్నాయా? ఇలా చేస్తే క్షణాల్లో పరార్‌!

మరిన్ని టెక్ వార్తల కోసం ఇక్కడ క్లిక్ చేయండి