Smart Water Bottle: మార్కెట్లోకి స్మార్ట్ వాటర్ బాటిల్ వచ్చేశాయి.. ఫీచర్లు తెలిస్తే ఫిదా అవ్వాల్సిందే..
Smart Water Bottle: ప్రస్తుతం స్మార్ట్ గ్యాడ్జెట్ల హవా నడుస్తోంది. ఇంట్లో ఉపయోగించే ప్రతీ వస్తువు స్మార్ట్గా మారిపోతుతున్నాయి. టీవీ నుంచి మొదలు కారు వరకు, ఇంట్లో ఉపయోగించే కాలింగ్ బెల్ నుంచి బల్బుల వరకు అన్ని స్మార్ట్ రూపంలోకి మారిపోయాయి. ఈ క్రమంలోనే తాజాగా...
Updated on: Apr 26, 2022 | 3:37 PM
Smart Water Bottle: ప్రస్తుతం స్మార్ట్ గ్యాడ్జెట్ల హవా నడుస్తోంది. ఇంట్లో ఉపయోగించే ప్రతీ వస్తువు స్మార్ట్గా మారిపోతుతున్నాయి. టీవీ నుంచి మొదలు కారు వరకు, ఇంట్లో ఉపయోగించే కాలింగ్ బెల్ నుంచి బల్బుల వరకు అన్ని స్మార్ట్ రూపంలోకి మారిపోయాయి. ఈ క్రమంలోనే తాజాగా ప్రముఖ ఎలక్ట్రానిక్ దిగ్గజం యాపిల్ మార్కెట్లోకి స్మార్ట్ వాటర్ బాటిల్స్ను కూడా తీసుకొచ్చాయి. పేరుకు తగ్గట్లుగానే ఈ వాటర్ బాటిల్ చాలా స్మార్ట్గా పనిచేస్తాయి. ప్రస్తుతం అమెరికాలో అందుబాటులోకి వచ్చిన ఈ బాటిల్స్ను త్వరలోనే ఇతర దేశాల్లోనూ అందుబాటులోకి రానున్నాయి.
హైడ్రేట్ స్పార్క్ అనే కంపెనీతో భాగస్వామ్యమై యాపిల్ ఈ వాటర్ బాటిల్స్ను విక్రయిస్తోంది. ఈ బాటిల్ సహాయంతో యూజర్లు యాపిల్ హెల్త్ యాప్ ద్వారా కనెక్ట్ కావొచ్చు. ఈ బాటిల్కు అందించిన ఎల్ఈడీ లైట్ ఆధారంగా యూజర్లు రోజులో ఎన్ని నీళ్లు తాగుతున్నారు లాంటి పూర్తి వివరాలను ఎప్పటికప్పుడు అందిస్తుంది. బ్లూటూత్ ఆప్షన్ ద్వారా హైడ్రేట్స్పార్క్ యాప్కు అనుసంధానం అయ్యే ఈ బాటిల్స్ యూజర్ల రోజువారీ యాక్టివిటీ ఆధారంగా నీటిని తీసుకోమని సూచిస్తుంటుంది.
అంతేకాకుండా యూజర్లు రోజులో ఎంత నీరు తాగారు అన్న వివరాలు కూడా ఎప్పటికప్పుడు యాప్లో సూచిస్తుంది. ఐఫోన్, ఐప్యాడ్, యాపిల్ వాచ్లను కనెక్ట్ చేసుకోవడం ద్వారా ఈ వివరాలు నిక్షిప్తమవుతాయి. ఇక ఈ వాటర్ బాటిల్ ధర విషయానికొస్తే స్టీల్తో రూపొందించిన బాటిల్ రూ. 6,129కి అందుబాటులో ఉండగా, ప్లాస్టిక్ బాటిల్ రూ. 4,596గా ఉంది. గ్రీన్, బ్లాక్లో కలర్స్లో అందుబాటులో ఉన్నాయి.
మరిన్ని టెక్నాలజీ వార్తల కోసం క్లిక్ చేయండి..
Also Read: Elon Musk: ఎలాన్ మస్క్ డబుల్ ధమాకా! ఒకే రోజు ఆకాశం.. భూమి రెండిటిపై సంచలన విజయాలు..
Acharya Press Conference: నేను ప్రతి ఒక్కరిలోనూ ఆచార్యను చూస్తుంటాను : మెగాస్టార్ చిరంజీవి
