Apple iPhone SE 3: చౌకైన 5జీ ఫోన్ విడుదలకు యాపిల్ సిద్ధం.. ఫీచర్లు ఎలా ఉన్నాయంటే?

Iphone Se3

Apple iPhone SE 3: యాపిల్(Apple) తన సరసమైన ఐఫోన్ SE సిరీస్‌లో కొత్త మోడల్‌ను విడుదల చేయడానికి సిద్ధంగా ఉంది. కంపెనీ మార్చి చివరిలో లేదా ఏప్రిల్‌లో ఐఫోన్ ఎస్‌ఈ 3(iPhone SE 3)ని రిలీజ్ చేయనుందని తెలుస్తుంది. ఈ స్మార్ట్‌ఫోన్ డిజైన్, స్పెసిఫికేషన్ల‌కు సంబంధించిన వివరాలు ఇప్పటికే ఆన్‌లైన్‌లో లీక్ అయ్యాయి. బ్లూమ్‌బెర్గ్‌కు చెందిన మార్క్ గుర్మాన్ ఈ ఫోన్‌ 2022 మొదటి త్రైమాసికంలో విడుదల చేయవచ్చని తెలిపారు. ఐఫోన్ ఖరీదైన మోడల్‌లను కొనుగోలు చేయలేని వినియోగదారుల కోసం ఐఫోన్ SE సిరీస్‌ను ప్రారంభించింది.

TenTechReview నివేదిక ప్రకారం, టిప్‌స్టర్ @xleaks7 రాబోయే iPhone SE 3 డిజైన్‌ను ఆన్‌లైన్‌లో పంచుకున్నారు. ఈ కొత్త రెండర్‌ల ప్రకారం, iPhone SE 3 మునుపటి డిజైన్ దాదాపు పాత మోడల్‌లాగే ఉంటుంది. ఇందులో కూడా ఒకే కెమెరా లెన్స్‌తో ఎల్‌ఈడీ ఫ్లాష్‌ను ఇవ్వనున్నట్లు పేర్కొన్నారు. ఈ ఫోన్ కొలతలు కూడా 38.4 x 67.3 x 7.3 మిమీగా ఉండనున్నట్లు, అలాగే పాత మోడల్‌తో సమానంగా ఉంటుందని పేర్కొన్నారు.

iPhone SE 3 ఫీచర్లు..
లీకైన రెండర్‌ల ప్రకారం, iPhone SE 3 డిజైన్ iPhone SE 2020, iPhone XR మాదిరిగానే ఉంటుంది. నివేదికల మేరకు, ఇందులో కొన్ని మార్పులు కూడా చేయనున్నట్లు తెలుస్తోంది. Face ID కోసం ఫ్రంట్ ఫేసింగ్ డిస్‌ప్లేను iPhone SE 3లో అందించనున్నారు. అదే సమయంలో, వెనుక ప్యానెల్‌లో LED ఫ్లాష్ అందుబాటులో ఉంటుంది.

ఫోన్ 5.69-అంగుళాల డిస్‌ప్లేతో అందుబాటులోకి రావొచ్చని తెలిపారు. iPhone SE 3 నుంచి వచ్చిన రెండర్‌లు ఇది iPhone 12, iPhone 13 వలె ఉండకపోవచ్చని పేర్కొన్నారు. ఆన్‌లైన్‌లో లీకైన ఫొటోలలో తెలుపు రంగులో కనిపించింది. కానీ ఇతర రంగుల వివరాలు మాత్రం వెల్లడించలేదు. ఈ స్మార్ట్‌ఫోన్‌లో A13 చిప్‌సెట్ A15 చిప్‌సెట్‌కి అప్‌గ్రేడ్ చేయనున్నట్లు తెలుస్తోంది. ఐఫోన్ 13 సిరీస్ మోడల్స్‌లో కంపెనీ ఈ చిప్‌సెట్‌ను ఉపయోగిస్తోంది. iPhone SE 3ని 64GB, 128GB స్టోరేజ్ వేరియంట్లలో లాంచ్ చేయవచ్చు. 12 మెగాపిక్సెల్‌ల సింగిల్ రియర్ కెమెరాను ఇందులో అందించనున్నట్లు భావిస్తున్నారు. ఇది 5G బ్యాండ్‌ని సపోర్ట్ చేస్తుందని అంటున్నారు.

Also Read: Kia Carence: మొదటిరోజే 7వేలకు పైగా బుకింగ్‌లు.. ఈ కంపెనీ కార్లకి గట్టి పోటీ..?

తక్కువ ధరకే కారు కొనే అవకాశం.. ఈ మోడల్స్‌పై లక్షా ముప్పై వేల తగ్గింపు..