Pro Kabaddi League 2022: అత్యంత ఖరీదైన ఆటగాళ్లు వీరే.. భారీ ఆశలు పెట్టుకున్న టీంలు..
PKL 9: ఈ సీజన్లో భారీ ధరను పొందిన ఈ ముగ్గురు ఆటగాళ్లపై అందరి దృష్టి ఉంటుందనడంలో ఎలాంటి సందేహం లేదు.
ప్రో కబడ్డీ లీగ్ 2022 ప్రారంభానికి ఒక వారం కంటే తక్కువ సమయం ఉంది. ఈ సీజన్లో జరిగిన వేలంలో ఆటగాళ్లపై కాసుల వర్షం కురిసింది. చాలా మంది ఆటగాళ్లను టీమ్‌లు లక్షాధికారులుగా మార్చాయి. వేలంలో లీగ్ చరిత్ర రికార్డులు కూడా బద్దలయ్యాయి. ఇప్పుడు జట్లు కూడా తమ ఖరీదైన ఆటగాళ్ల నుంచి అద్భుత ప్రదర్శనను ఆశిస్తున్నాయి. కొంతమంది ఆటగాళ్ళు తమపై వేసిన బిడ్ సరైనదని నిరూపించడంలో విజయం సాధించే అవకాశం ఉంది. మరికొందరు ఆటగాళ్లు విఫలమయ్యేలా కనిపిస్తున్నారు. ఈ సీజన్‌లోని ముగ్గురు ఖరీదైన ఆటగాళ్లను ఇప్పుడు చూద్దాం..
1- పవన్ సెహ్రావత్..
పవన్ సెహ్రావత్‌ను తమిళ్ తలైవాస్ రూ. 2.26 కోట్లకు కొనుగోలు చేసింది. లీగ్ చరిత్రలో ఒక ఆటగాడికి ఇదే అత్యధిక బిడ్. పవన్ వెళ్లిన జట్టు ఇప్పటి వరకు ప్లేఆఫ్‌కు కూడా చేరుకోలేదు. పవన్ వరుసగా మూడు సీజన్లలో బెస్ట్ రైడర్ అవార్డును గెలుచుకున్నాడు. తలైవాస్ కోసం కూడా అదే ప్రదర్శనను పునరావృతం చేయాలనుకుంటున్నాడు.
2- వికాస్ కండోలా..
పవన్ సెహ్రావత్‌ను విడుదల చేసిన తర్వాత, అతని స్థానంలో బెంగళూరు వికాస్ కండోలాను కొనుగోలు చేసింది. బెంగళూరు రూ.1.70 కోట్లకు కొనుగోలు చేసింది. వికాస్ హర్యానా స్టీలర్స్‌కు ఆడుతున్నప్పుడు సీజన్ తర్వాత సీజన్లో అతను అద్భుతమైన రైడర్ అని నిరూపించాడు. వికాస్ తనకు లభించిన ధరకు అర్హుడే. ప్రస్తుతం బెంగళూరు అతని నుంచి ఛాంపియన్ ప్రదర్శన కోసం ఆశిస్తోంది.
3- ఫజల్ అత్రాచలీ..
ఇరాన్ డిఫెండర్ ఫజల్ అత్రాచలీని పుణెరి పల్టాన్ రూ.1.38 కోట్లకు కొనుగోలు చేసింది. ఫజల్ లీగ్‌లో అత్యంత ఖరీదైన విదేశీ ఆటగాడిగా అవతరించాడు. అతని రికార్డును తానే బద్దలు కొట్టాడు. లీగ్‌లో అత్యధిక ట్యాకిల్ పాయింట్లు సాధించిన వారిలో ఫజల్ రెండో స్థానంలో ఉన్నాడు. ఈ సీజన్లో అతను లీగ్ చరిత్రలో అత్యధిక ట్యాకిల్ పాయింట్లు సాధించిన ఆటగాడు అవుతాడు. ఫజల్ తమను టైటిల్‌కు చేరువచేస్తాడని పుణెరి భావిస్తోంది.
