FIFA World Cup 2026: షాకింగ్.. వెక్కి వెక్కి ఏడుస్తూ రిటైర్మెంట్ ప్రకటించిన స్టార్ ఫుట్బాలర్! ఎమోషనల్ వీడియో
నార్వే చేతిలో బ్రెజిల్ ప్రపంచకప్ నుంచి నిష్క్రమించడంతో, దిగ్గజ ఆటగాడు నెయ్మార్ జూనియర్ తన 16 ఏళ్ల అంతర్జాతీయ కెరీర్కు భావోద్వేగ వీడ్కోలు పలికారు. బ్రెజిల్కు అత్యధిక గోల్స్ చేసిన ఆటగాడిగా నిలిచిన నెయ్మార్, ఓటమి అనంతరం మైదానంలో కన్నీళ్లు పెట్టుకున్నారు.
బ్రెజిల్ ఫుట్బాల్ దిగ్గజం నెయ్మార్ జూనియర్ అంతర్జాతీయ ఫుట్బాల్కు వీడ్కోలు పలికారు. 2026 ఫీఫా ప్రపంచకప్లో నార్వే చేతిలో బ్రెజిల్ 2-1 తేడాతో ఓడిపోవడంతో సెలెకావో టోర్నమెంట్ నుంచి నిష్క్రమించింది. ఈ పరాజయం అనంతరం 16 ఏళ్ల అంతర్జాతీయ కెరీర్కు ముగింపు పలుకుతున్నట్లు నెయ్మార్ ప్రకటించారు. బ్రెజిల్ తరఫున 129 మ్యాచ్ల్లో 80 గోల్స్ సాధించి దేశ చరిత్రలో అత్యధిక గోల్స్ చేసిన ఆటగాడిగా నిలిచిన నెయ్మార్కు ఇది భావోద్వేగ క్షణంగా మారింది. మెట్లైఫ్ స్టేడియంలో జరిగిన ఈ మ్యాచ్లో ప్రత్యామ్నాయ ఆటగాడిగా బరిలోకి దిగిన ఆయన, ఇంజ్యూరీ టైమ్లో పెనాల్టీ ద్వారా గోల్ చేసినప్పటికీ జట్టును పరాజయం నుంచి కాపాడలేకపోయారు.
వీడియో చూడండి
Neymar has announced his retirement from international football, per 💔😭
“I tried. I tried. It started here at MetLife stadium and I finished here. It is now over.”💔 #mundialdefútbol2026 #FIFAJudiaSionistaFIFÁ #neymar #Mbappé pic.twitter.com/IzGwpD8czK
— Classic DS (@ClassicDS01) July 6, 2026
తుది విజిల్ మోగిన వెంటనే నెయ్మార్ మైదానంలోనే కన్నీళ్లు పెట్టుకున్నారు. సహచర ఆటగాళ్లు ఓదార్చేందుకు ప్రయత్నించినా ఆయన తీవ్ర భావోద్వేగానికి గురయ్యారు. “నేను ఎంతగానో ప్రయత్నించాను. కానీ ఇప్పుడు అంతా ముగిసింది. నేను ఇక్కడే ప్రారంభించాను… ఇక్కడే ముగించాను” అని మ్యాచ్ అనంతరం ఆయన వ్యాఖ్యానించారు. ఈ ఓటమితో ప్రపంచకప్లలో యూరోపియన్ జట్లపై బ్రెజిల్ నిరాశాజనక రికార్డు కొనసాగింది. 2002 ప్రపంచకప్ ఫైనల్లో జర్మనీని ఓడించిన తర్వాత బ్రెజిల్ మరోసారి యూరోపియన్ ప్రత్యర్థిపై ప్రపంచకప్ నాకౌట్ మ్యాచ్లో విజయం సాధించలేకపోయింది.
Brazilian football legend Neymar confirmed he’s retiring from international tournaments, heartbroken and in tears after his loss to Norway.
Neymar will never win a World Cup. pic.twitter.com/HvWWHMVafN
— Pubity (@pubity) July 5, 2026
మరోవైపు, బ్రెజిల్ ప్రధాన కోచ్ కార్లో అన్సెలోట్టి మాత్రం ఈ పరాజయాన్ని కొత్త ఆరంభంగా అభివర్ణించారు. “ఇది ముగింపు కాదు. బ్రెజిల్ ఫుట్బాల్కు కొత్త శకం ప్రారంభమైంది. మేం ఈ అనుభవం నుంచి పాఠాలు నేర్చుకుని మరింత బలంగా తిరిగి వస్తాం” అని ఆయన పేర్కొన్నారు. నార్వే స్టార్ ఎర్లింగ్ హాలాండ్ చివరి నిమిషాల్లో చేసిన రెండు గోల్స్ మ్యాచ్ ఫలితాన్ని మార్చగా, నెయ్మార్ చివరి గోల్ కేవలం ఓదార్పుగానే మిగిలిపోయింది. దీంతో 2002 తర్వాత ఆరో ప్రపంచకప్ టైటిల్ కోసం బ్రెజిల్ ఎదురుచూపులు మరోసారి కొనసాగాల్సిన పరిస్థితి ఏర్పడింది.
మరిన్ని ఫిఫా వరల్డ్ కప్ వార్తల కోసం ఇక్కడ క్లిక్ చేయండి