Sanju Samson : జరిగింది వేరు.. జెర్సీలో ఉంది వేరు.. సంజు శాంసన్ జెర్సీ వెనుక సీక్రెట్ ఇదే!
కేరళ క్రికెట్ లీగ్ 2025లో భారత క్రికెట్ స్టార్ సంజూ శాంసన్ మరోసారి వార్తల్లో నిలిచాడు. ఆగస్టు 25న తిరువనంతపురంలోని గ్రీన్ఫీల్డ్ ఇంటర్నేషనల్ స్టేడియంలో కోచి బ్లూ టైగర్స్ తరపున ఆడుతూ, అతను ఒక అద్భుతమైన ఇన్నింగ్స్లో సెంచరీ సాధించాడు. ఈ మ్యాచ్లో అతని జట్టు చివరి బంతికి విజయం సాధించింది.
Sanju Samson : కేరళ క్రికెట్ లీగ్ 2025లో భారత క్రికెట్ స్టార్ సంజు శాంసన్ మళ్లీ వార్తల్లో నిలిచాడు. ఆగస్టు 25న తిరువనంతపురంలోని గ్రీన్ఫీల్డ్ ఇంటర్నేషనల్ స్టేడియంలో కొచ్చి బ్లూ టైగర్స్ తరపున ఆడుతూ మెరుపు ఇన్నింగ్స్ ఆడి, సెంచరీ సాధించాడు. అతని జట్టు కూడా చివరి బంతికి విజయం సాధించింది. అయితే, ఈ మ్యాచ్లో అభిమానుల దృష్టి సంజు జెర్సీపై పడింది. అతని జెర్సీపై ధోని అనే పేరు ఉండటం చూసి అందరూ ఆశ్చర్యపోయారు. అసలు ఎందుకు ఆ పేరు అతని జెర్సీపై ఉందో వివరంగా తెలుసుకుందాం.
సంజు శాంసన్ కేరళలో అతిపెద్ద క్రికెట్ స్టార్గా గుర్తింపు పొందాడు. కేసీఎల్ 2025 వేలంలో అతన్ని కొచ్చి బ్లూ టైగర్స్ జట్టు రూ. 26.75 లక్షలకు రికార్డు ధరకు కొనుగోలు చేసింది. ఈ లీగ్లో అతను అత్యంత ఖరీదైన ఆటగాడిగా నిలిచాడు. సంజు ఈ టోర్నమెంట్లో తన అన్న శైలీ శాంసన్ సారథ్యం వహిస్తున్న జట్టుకు కీలక ఆటగాడిగా ఉన్నాడు. ఈ సెంచరీ ఇన్నింగ్స్ అతను ఏరీస్ కొల్లం నావిక్పై ఆడాడు. ఈ మ్యాచ్ను 11 వేల మందికి పైగా అభిమానులు చూశారు. ఈ మ్యాచ్లో సంజు 51 బంతుల్లో 14 ఫోర్లు, 7 సిక్సర్లతో 121 పరుగులు చేసి సెంచరీ కొట్టాడు.
ఈ మ్యాచ్ సందర్భంగా అతని బ్యాటింగ్తో పాటు, అతని జెర్సీపై ఉన్న ధోని పేరు గురించి కూడా పెద్ద చర్చ జరిగింది. చాలామంది ఇది ఎంఎస్ ధోనితో సంబంధం ఉన్నదా అని ప్రశ్నించారు. నిజానికి, ధోని అనే పేరు కొచ్చి బ్లూ టైగర్స్ జెర్సీపై స్పాన్సర్ లోగోగా ఉంది. ఇది ధోని యాప్ లోగో. ఈ యాప్ ఈ జట్టుకు అధికారిక స్పాన్సర్. అందుకే జట్టులోని ఆటగాళ్లందరి జెర్సీలపైనా ఈ లోగో కనిపిస్తుంది.
ఏమిటి ఈ ధోని యాప్?
ధోని యాప్ క్రికెట్ దిగ్గజం ఎంఎస్ ధోని చేత ప్రారంభించబడిన ఒక ఫ్యాన్ ఎంగేజ్మెంట్ ప్లాట్ఫారమ్. ధోని తన జీవితంలోని ముఖ్యమైన క్షణాలను అభిమానులతో పంచుకోవడానికి ఈ యాప్ను రూపొందించారు. ఇది సోషల్ మీడియా ప్లాట్ఫారమ్ లాగే పనిచేస్తుంది. గూగుల్ ప్లే స్టోర్, యాప్ స్టోర్లో ఈ యాప్ ఉచితంగా లభిస్తుంది.
మరిన్ని క్రీడా వార్తల కోసం ఇక్కడ క్లిక్ చేయండి..