Video: నిన్నటి మ్యాచ్‌లో ఇది గమనించారా ఫ్యాన్స్.. 100 ఏళ్లైనా గుర్తుండిపోయే ఐకానిక్ మూమెంట్ మీకోసం..!

Rohit Sharma Century Celebrations: గువాహటిలో రోహిత్ శర్మ చేసిన సెంచరీ ఎంత ప్రత్యేకమో, దాని తర్వాత కనిపించిన సెలబ్రేషన్ కూడా అంతే ప్రత్యేకంగా మారింది. వెస్టిండీస్‌పై రెండో వన్డేలో రోహిత్ 75 బంతుల్లో 101 పరుగులు చేశాడు. 72 బంతుల్లో సెంచరీ పూర్తి చేశాడు. సెంచరీ పరుగు చేస్తున్న క్రమంలో మార్చ్ ఫాస్ట్ చేస్తూ పరిగెత్తాడు. క్రీజులో చేరిన వెంటనే చేతితో పంచ్ చేస్తూ సెలబ్రేషన్స్ చేసుకున్నాడు. రోహిత్ శర్మ సెలబ్రేషన్స్ చూసిన ఫ్యాన్స్‌కు పూనకాలు వచ్చాయి. మళ్లీ మళ్లీ ఈ వీడియోను చూస్తే తెగ ఎంజాబ్ చేస్తున్నారు. రోహిత్ సాధారణంగా సెంచరీల తర్వాత చాలా హంగామా చేసే బ్యాటర్ కాదు. అందుకే గువాహటిలో కనిపించిన ఈ సెలబ్రేషన్ వెంటనే అభిమానుల దృష్టిని ఆకర్షించింది. స్టేడియంలో ఉన్న ప్రేక్షకుల స్పందనతో పాటు సోషల్ మీడియాలో కూడా ఆ క్షణానికి సంబంధించిన వీడియోలు చర్చకు వచ్చాయి.

అసలు ఆ సెలబ్రేషన్ వెనుక కారణం ఏమిటన్నదే అందరి ఆసక్తి. మ్యాచ్ తర్వాత రోహిత్‌ను ఇదే విషయం గురించి అడిగారు. అయితే అభిమానులు ఊహించినట్లు పూర్తి వివరాలు చెప్పడానికి అతడు నిరాకరించాడు. ఆ క్షణం తనకు వ్యక్తిగతమైనదని, దానిని తన దగ్గరే ఉంచుకుంటానని రోహిత్ స్పష్టం చేశాడు.

ఇక్కడే ఈ కథ మరింత ఆసక్తికరంగా మారింది. సాధారణంగా ఆటగాళ్ల సెలబ్రేషన్ల వెనుక కుటుంబం, ప్రత్యేక వ్యక్తులు, జట్టు సహచరులు, వ్యక్తిగత లక్ష్యాలు వంటి కారణాలు ఉంటాయి. కానీ రోహిత్ తన సెలబ్రేషన్‌కు సంబంధించి ఎలాంటి నిర్దిష్ట కారణాన్ని బయటపెట్టలేదు. అయితే ఆ క్షణానికి మ్యాచ్ నేపథ్యం మాత్రం చాలా ప్రత్యేకంగా ఉంది. రోహిత్ 12,000 వన్డే పరుగుల మైలురాయిని చేరుకున్నాడు. సచిన్ టెండూల్కర్, విరాట్ కోహ్లీ తర్వాత ఈ ఘనత సాధించిన మూడో భారత బ్యాటర్‌గా నిలిచాడు. అదే సమయంలో 35వ వన్డే సెంచరీ కూడా పూర్తి చేశాడు.

Look what it means to the Hitman 🤩👌

🎥 A memorable celebration during a memorable knock 🥳

Updates ▶️ https://t.co/6XCYRtZLAi#TeamIndia | #INDvWI | @mflone_ | @ImRo45 pic.twitter.com/V5h46wVK11

— BCCI (@BCCI) September 30, 2026

రోహిత్ సెంచరీ పూర్తయ్యే సమయానికి భారత్ ఇప్పటికే ఛేజ్‌పై పట్టు సాధించింది. శుభ్‌మన్ గిల్ మరో ఎండ్‌లో భారీ ఇన్నింగ్స్ ఆడుతున్నాడు. రోహిత్, గిల్ కలిసి 255 పరుగుల ఓపెనింగ్ భాగస్వామ్యం నెలకొల్పారు. ఆ భాగస్వామ్యం తర్వాత భారత్ 406 పరుగుల లక్ష్యాన్ని 43.3 ఓవర్లలోనే పూర్తి చేసింది.

రోహిత్ తన సెలబ్రేషన్ గురించి మాట్లాడుతూ, తనను జడేజా మరింతగా జంప్ చేస్తూ సెలబ్రేట్ చేయమని కోరినట్లు కూడా చెప్పాడు. అయితే 50 ఓవర్లు ఫీల్డింగ్ చేసిన తర్వాత బ్యాటింగ్‌లో కూడా ఎక్కువసేపు ఆడిన పరిస్థితిలో అలాంటి సెలబ్రేషన్ చేయడానికి తాను సిద్ధంగా లేనని సరదాగా స్పందించాడు.

ఇక రోహిత్ ఇన్నింగ్స్ విషయానికి వస్తే 10 ఫోర్లు, 6 సిక్సర్లతో 101 పరుగులు చేశాడు. సెంచరీని కేవలం 72 బంతుల్లోనే పూర్తి చేయడం అతడి ఇన్నింగ్స్ వేగాన్ని చూపిస్తుంది.

How did Ravindra Jadeja want Rohit Sharma to celebrate his century? 😅

Hear it from the Hitman 😎 #TeamIndia | #INDvWI | @mflone_ | @ImRo45 | @imjadeja pic.twitter.com/iAhaqmYvqh

— BCCI (@BCCI) September 30, 2026

కాబట్టి గువాహటి రాత్రి రోహిత్ అభిమానులకు రెండు జ్ఞాపకాలు మిగిల్చింది. ఒకటి 101 పరుగుల అద్భుత ఇన్నింగ్స్. రెండోది ఆ ఇన్నింగ్స్ తర్వాత కనిపించిన ప్రత్యేకమైన స్టెప్స్ సెలబ్రేషన్. దాని వెనుక అసలు సీక్రెట్ ఏమిటో రోహిత్ వెల్లడించకపోయినా, ఆ క్షణం మాత్రం అభిమానుల జ్ఞాపకాల్లో నిలిచిపోయింది.