Team India: టీమిండియాకు గుడ్న్యూస్.. 3 నెలల తర్వాత తోపు ప్లేయర్ రీఎంట్రీ.. సౌతాఫ్రికాకు ఇక చెమటలే..
India vs South Africa T20I Series: భారత జట్టు దక్షిణాఫ్రికాతో ఐదు మ్యాచ్ల టీ20 సిరీస్ ఆడనుంది. వచ్చే ఏడాది జరిగే టీ20 ప్రపంచ కప్నకు ముందు ఇది చాలా కీలకం కానుంది. ఈ క్రమంలో ఓ టీమిండియా ఆల్ రౌండర్ దాదాపు 3 నెలల తర్వాత ఈ సిరీస్తో రీఎంట్రీ ఇవ్వనున్నాడు.
Updated on: Dec 02, 2025 | 7:29 AM
Hardik Pandya: టీమిండియా స్టార్ ఆల్రౌండర్ హార్దిక్ పాండ్యా (Hardik Pandya) అభిమానులకు శుభవార్త..! గాయం కారణంగా కొంతకాలంగా జట్టుకు దూరంగా ఉన్న హార్దిక్, దక్షిణాఫ్రికాతో (IND vs SA) జరగబోయే టీ20 సిరీస్కు ముందు తన ఫిట్నెస్ను నిరూపించుకోవడానికి తిరిగి క్రికెట్ మైదానంలోకి అడుగుపెట్టబోతున్నాడు.
సయ్యద్ ముస్తాక్ అలీ ట్రోఫీలో కీలక మ్యాచ్..!
ఆసియా కప్ 2025లో తొడ కండరాల గాయానికి గురైన హార్దిక్ పాండ్యా, బెంగళూరులోని నేషనల్ క్రికెట్ అకాడమీ (NCA) సెంటర్ ఆఫ్ ఎక్సలెన్స్లో తన పునరావాసాన్ని విజయవంతంగా పూర్తి చేశాడు. బీసీసీఐ అతన్ని బౌలింగ్ చేయడానికి ఫిట్గా ఉన్నట్లు ధృవీకరించింది.
తిరిగి రాక ఎప్పుడంటే..
రాబోయే దక్షిణాఫ్రికా టీ20 సిరీస్కు ముందు మ్యాచ్ ప్రాక్టీస్ కోసం హార్దిక్ దేశీయ టీ20 టోర్నమెంట్ అయిన సయ్యద్ ముస్తాక్ అలీ ట్రోఫీ 2025-26 లో తన సొంత జట్టు బరోడా తరపున ఆడనున్నాడు.
మొదటి మ్యాచ్..
హార్దిక్ పాండ్యా డిసెంబర్ 2, 2025 న పంజాబ్ (Punjab) తో జరగబోయే మ్యాచ్లో బరిలోకి దిగనున్నాడు. ఈ మ్యాచ్లో అతని ప్రదర్శన, ముఖ్యంగా అతని బౌలింగ్ ఫిట్నెస్ను బీసీసీఐ సెలెక్టర్లు నిశితంగా పరిశీలించనున్నారు.
తదుపరి మ్యాచ్..
డిసెంబర్ 4న గుజరాత్ తో జరిగే మ్యాచ్లో కూడా హార్దిక్ ఆడనున్నాడు. ఈ రెండు మ్యాచ్లలో అతని శరీరం ఒత్తిడికి ఎలా స్పందిస్తుందో గమనించడం ప్రధాన లక్ష్యం.
దక్షిణాఫ్రికా టీ20 సిరీస్కు మార్గం సుగమం..
ఈ దేశీయ టోర్నమెంట్లో హార్దిక్ పాండ్యా పూర్తి ఫిట్నెస్తో బౌలింగ్ చేయగలిగితే, దక్షిణాఫ్రికాతో జరగబోయే ఐదు మ్యాచ్ల టీ20 సిరీస్లో అతని స్థానం దాదాపు ఖాయమవుతుంది.
2026లో జరగబోయే టీ20 ప్రపంచ కప్ (T20 World Cup 2026) ను దృష్టిలో ఉంచుకుని, టీమిండియా మేనేజ్మెంట్ హార్దిక్ను టీ20 ఫార్మాట్లో కీలక ఆల్రౌండర్గా భావిస్తోంది. బ్యాటింగ్తో పాటు బౌలింగ్లో కూడా అతను అందుబాటులో ఉండటం జట్టు బ్యాలెన్స్కు చాలా ముఖ్యం.
భారత్ వర్సెస్ దక్షిణాఫ్రికా టీ20 సిరీస్ డిసెంబర్ 9 నుంచి ప్రారంభం కానుంది. హార్దిక్ పాండ్యా పూర్తి స్థాయిలో కోలుకుని మైదానంలోకి తిరిగి రావడంతో, టీమిండియా అభిమానులు సంతోషం వ్యక్తం చేస్తున్నారు. బరోడా తరపున అతని ప్రదర్శన ఎలా ఉంటుందో చూడాలి.
మరిన్ని క్రీడా వార్తల కోసం ఇక్కడ క్లిక్ చేయండి..
