Rohit Sharma: 12 ఇన్నింగ్స్‌ల్లో 143 పరుగులు.. రోహిత్ భయ్యా.! ఇక రిటైర్మెంట్ చేస్తే పరువైనా దక్కుతుందిగా
Rohit Sharma May Retire From Test Cricket: గత 12 ఇన్నింగ్స్‌ల్లో రోహిత్ స్కోర్లు చూస్తే.. 6, 5, 23, 8, 2, 52, 0, 8, 18, 11, 3, 6 ఇలా ఉన్నాయి. కెప్టెన్సీలో పస లేదు.. బ్యాటింగ్‌లో దూకుడు లేదు.. మొత్తంగా చివరి దశలో రోహిత్ క్రికెట్ కెరీర్ ఉందనేందుకు సజీవ సాక్ష్యంలా మారింది గత స్కోర్లు. ఈ క్రమంలోనే రిటైర్మెంట్ తీసుకోవాలంటూ మాజీల నుంచి నెటిజన్ల వరకు సలహాలు ఇస్తున్నారు.
Rohit Sharma May Retire From Test Cricket: భారత క్రికెట్ జట్టు బోర్డర్-గవాస్కర్ ట్రోఫీని అద్భుతంగా ప్రారంభించింది. పెర్త్ టెస్ట్ విజయం తర్వాత, టీమ్ ఇండియా అడిలైడ్ టెస్ట్ మ్యాచ్‌లో ఉత్సాహంగా బరిలోకి దిగింది. అయితే, పింక్ బాల్ టెస్ట్ మ్యాచ్‌లో రెండవ రోజు, భారత జట్టు ఘోరంగా విఫలమైంది. భారత క్రికెట్ జట్టు రెగ్యులర్ కెప్టెన్ రోహిత్ శర్మ ఖచ్చితంగా పునరాగమనం చేస్తాడని అంతా భావించారు. కానీ, ఈ మ్యాచ్‌లో హిట్‌మ్యాన్ ప్రభావం ఏ మాత్రం కనిపించలేదు.
భారత జట్టు బ్యాటింగ్ ఆర్డర్‌లో మార్పుతో రోహిత్ శర్మ మరింత పటిష్టంగా మారతాడని అంతా భావించారు. కానీ, ఈ మ్యాచ్‌లో రోహిత్ శర్మ రెండు ఇన్నింగ్స్‌ల్లోనూ విఫలమయ్యాడు. తొలి ఇన్నింగ్స్‌లో 3 పరుగులు మాత్రమే చేసిన రోహిత్.. రెండో ఇన్నింగ్స్‌లో కేవలం 6 పరుగులకే పెవిలియన్ చేరాడు. కాబట్టి, రోహిత్ శర్మ టెస్ట్ క్రికెట్ నుంచి రిటైర్మెంట్ తీసుకోవడానికి 3 కారణాలను ఓసారి చూద్దాం..
3. కెప్టెన్సీలో పస లేదు..
భారత క్రికెట్ జట్టుకు అత్యుత్తమ కెప్టెన్లలో రోహిత్ శర్మ ఒకడిగా పేరుగాంచాడు. ప్రపంచ క్రికెట్‌లో అతని కెప్టెన్సీకి ప్రత్యేక హోదా ఉంది. అతని కెప్టెన్సీలో హిట్‌మ్యాన్ అద్భుతమైన విజయాన్ని సాధించాడు. అయితే, ఇప్పుడు ఈ వెటరన్ కెప్టెన్‌లో మునుపటి జోష్ కనిపించడం లేదు. న్యూజిలాండ్‌తో జరిగిన టెస్టు సిరీస్ నుంచి ఈ అడిలైడ్ టెస్టు వరకు కెప్టెన్సీలో రోహిత్ మ్యాజిక్ కనిపించలేదు. బౌలింగ్‌తో పాటు ఫీల్డింగ్‌ ప్లేస్‌మెంట్‌లోనూ చాలా తప్పులు చేశాడు. మరోవైపు పెర్త్‌లో జస్ప్రీత్ బుమ్రా కెప్టెన్సీ కనబరుస్తోంది. ఇటువంటి పరిస్థితిలో, హిట్‌మ్యాన్ రిటైర్మెంట్ తీసుకొని బుమ్రాకు కెప్టెన్సీని అప్పగించాలని చాలామంది భావిస్తున్నారు.
2. హిట్‌మ్యాన్ వయసు పెరగడం..
ఏ అథ్లెట్ అయినా ఫీల్డ్‌లో ఉండాలంటే ఫిట్‌గా ఉండటం చాలా ముఖ్యం. టీమిండియా కెప్టెన్ రోహిత్ శర్మ ఇప్పుడు క్రమంగా తన ఫిట్‌నెస్ స్థాయిని కోల్పోతున్నాడు. వచ్చే ఏడాది ఏప్రిల్‌లో రోహిత్ శర్మకు 38 ఏళ్లు రానున్నాయి. ఇటువంటి పరిస్థితిలో, పెరుగుతున్న వయస్సు ప్రభావం మైదానంలో స్పష్టంగా కనిపిస్తుంది. హిట్‌మ్యాన్ పూర్తిగా యాక్టివ్‌గా కనిపించడం లేదు. దీంతోపాటు రిటైర్మెంట్ సమయం దగ్గరపడుతోంది.
1. రోహిత్ శర్మ బ్యాడ్ ఫామ్..
Perfect picture if you are Australian fans.Rohit Sharma again looked clueless in the test. pic.twitter.com/veFS4Y4GwG
— Sujeet Suman (@sujeetsuman1991) December 7, 2024
బోర్డర్-గవాస్కర్ ట్రోఫీలో భారత క్రికెట్ జట్టు కెప్టెన్ రోహిత్ శర్మ తిరిగి ఫామ్‌లోకి వస్తాడని భావించారు. అయితే, అతను రెండవ టెస్ట్ మ్యాచ్‌లో ప్రవేశించిన వెంటనే విఫలమయ్యాడు. ఈ మ్యాచ్‌లో రెండు ఇన్నింగ్స్‌లలో కలిపి 10 పరుగులు కూడా చేయలేకపోయాడు. అతని బ్యాడ్ ఫామ్ ఈ మ్యాచ్ లోనే కాదు.. చాలా కాలంగా ఇలానే ఇబ్బంది పడుతున్నాడు. అంతకుముందు స్వదేశంలో న్యూజిలాండ్‌తో జరిగిన టెస్టు సిరీస్‌లో ఘోరంగా విఫలమయ్యాడు. అక్కడ కూడా అతను 6 ఇన్నింగ్స్‌ల్లో 91 పరుగులు మాత్రమే చేయగలిగాడు. దీనికి ముందు, బంగ్లాదేశ్ సిరీస్‌లో కూడా అతని బ్యాట్ మౌనంగా ఉంది. అతను బంగ్లాదేశ్‌పై 4 ఇన్నింగ్స్‌లలో 42 పరుగులు చేశాడు. ఈ పేలవమైన ఫామ్‌ను పరిగణనలోకి తీసుకుంటే, అతను ఇప్పుడు టెస్టుల నుంచి రిటైర్మైంట్ కావాల్సిందేనని అంతా సూచిస్తున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..