AFG vs AUS: టీ20 ప్రపంచకప్‌లో పెను సంచలనం.. ఆస్ట్రేలియాను చిత్తు చేసిన అఫ్ఘనిస్తాన్
AFG vs AUS, T20 World Cup 2024:అఫ్గనిస్తాన్ మరో సంచలనం నమోదు చేసింది. ఈసారి ఏకంగా ప్రపంచ ఛాంపియన్ ఆస్ట్రేలియాకు షాక్ ఇచ్చింది. టీ20 ప్రపంచకప్‌లో భాగంగా సూపర్-8 మ్యాచ్ లో ఆస్ట్రేలియాను 21 పరుగుల తేడాతో ఓడించింది అఫ్గాన్. అఫ్గాన్ నిర్దేశించిన 149 పరుగుల లక్ష్యాన్ని ఛేదించే క్రమంలో...
AFG vs AUS, T20 World Cup 2024:అఫ్గనిస్తాన్ మరో సంచలనం నమోదు చేసింది. ఈసారి ఏకంగా ప్రపంచ ఛాంపియన్ ఆస్ట్రేలియాకు షాక్ ఇచ్చింది. టీ20 ప్రపంచకప్‌లో భాగంగా సూపర్-8 మ్యాచ్ లో ఆస్ట్రేలియాను 21 పరుగుల తేడాతో ఓడించింది అఫ్గాన్. అఫ్గాన్ నిర్దేశించిన 149 పరుగుల లక్ష్యాన్ని ఛేదించే క్రమంలో ఆస్ట్రేలియా జట్టు కేవలం 127 పరుగులకే కుప్పకూలింది. దీంతో సూపర్-8లో ఆఫ్ఘనిస్థాన్ తొలి విజయాన్ని నమోదు చేసింది. ఆఫ్గాన్ విజయంలో గ్రూప్-1 సెమీస్ రేసు మరింత ఆసక్తికరంగా మారింది. గ్రూప్-1లో భారత్ ఇప్పటికే రెండు విజయాలు సాధించి సెమీస్ బెర్తును దాదాపు ఖరారు చేసుకోంది. ఇప్పుడు ఆసీస్, అఫ్గాన్ కూడా ఒక్కో గెలుపుతో నాకౌట్ రేసులో నిలిచాయి. ఇక మ్యాచ్ విషయానికి వస్తే.. కింగ్‌స్‌టౌన్‌లోని ఆర్నోస్‌ వేల్‌ మైదానంలో జరుగుతున్న ఈ మ్యాచ్‌లో ఆస్ట్రేలియా జట్టు కెప్టెన్‌ మిచెల్ మార్ష్ టాస్‌ గెలిచి బౌలింగ్‌ ఎంచుకున్నాడు. తదనుగుణంగా ఇన్నింగ్స్ ప్రారంభించిన అఫ్గానిస్థాన్ జట్టుకు రహ్మానుల్లా గుర్బాజ్, ఇబ్రహీం జద్రాన్ లు శుభారంభం అందించారు. ఈ జోడీ తొలి వికెట్‌కు 118 పరుగులు జోడించి ఆఫ్ఘన్ జట్టుకు గట్టి పునాది వేసింది. అయితే హ్మానుల్లా గుర్బాజ్ 49 బంతుల్లో 60 పరుగులు చేసి ఔటయ్యాడు, ఆ తర్వాత ఇబ్రహీం జద్రాన్ 51 పరుగులు చేసి పెవిలియన్ చేరాడు.
ఓపెనర్లిద్దరూ వెంట వెంటనే ఔట్ కావడంతో ఆస్ట్రేలియా బౌలర్లు మ్యాచ్ పై పట్టు సాధించారు. ఆఫ్ఘనిస్థాన్ జట్టు రన్ రేట్ ను అదుపు చేశారు. ఈ మధ్య ఒత్తిడికి లోనైన ఆఫ్ఘనిస్థాన్ బ్యాటర్లు పెవిలియన్ క్యూ కట్టారు. దీంతో ఆఫ్ఘనిస్థాన్ 20 ఓవర్లలో 6 వికెట్ల నష్టానికి 148 పరుగులు చేసింది.
149 పరుగుల సులువైన లక్ష్యాన్ని ఛేదించేందుకు బరిలోకి దిగిన ఆస్ట్రేలియా జట్టుకు నవీన్ ఉల్ హక్ తొలి ఓవర్ లోనే షాకిచ్చాడు. ట్రావిస్ హెడ్ (0)ని క్లీన్ బౌల్డ్ చేశాడు. దీని తర్వాత మిచెల్ మార్ష్ (12) కూడా వికెట్ తీశాడు. ప్రమాదకర డేవిడ్ వార్నర్ (3) వికెట్ పడగొట్టడంలో మహ్మద్ నబీ సఫలమయ్యాడు. ఈ దశలో బరిలోకి దిగిన గ్లెన్ మాక్స్‌వెల్ అద్భుత బ్యాటింగ్‌ను ప్రదర్శించాడు. అఫ్గాన్ బౌలర్లపై ఎదురుదాడికి దిగిన మ్యాక్స్ వెల్ 41 బంతుల్లో 3 భారీ సిక్సర్లు, 6 ఫోర్లతో 59 పరుగులు చేశాడు. అయితే నూర్ అహ్మద్ వేసిన అద్భుత క్యాచ్ కారణంగా మ్యాక్స్‌వెల్ నిష్క్రమించాల్సి వచ్చింది. మార్కస్ స్టోయినిస్ (11), టిమ్ డేవిడ్ (2), మాథ్యూ వేడ్ (5) వచ్చిన వెంటనే పెవిలియన్ బాట పట్టారు. దీంతో ఆఫ్ఘనిస్థాన్ బౌలర్లు మ్యాచ్‌పై పట్టు సాధించారు. ఒత్తిడిలో పాట్ కమిన్స్ (3) క్లీన్ బౌల్డ్ అయ్యాడు. ఫలితంగా చివరి 2 ఓవర్లలో ఆస్ట్రేలియాకు 33 పరుగులు కావాలి. ఈ దశలో ఆడమ్ జంపా ఫోర్ కొట్టి ఆశలు రేపాడు. అయితే ఆఖరి ఓవర్ 2వ బంతికి ఆడమ్ జంపా బౌండరీ లైన్‌లో క్యాచ్ పట్టడంతో ఆస్ట్రేలియా జట్టు 19.2 ఓవర్లలో 127 పరుగులకే ఆలౌటైంది. దీంతో ఆఫ్ఘనిస్థాన్ జట్టు 21 పరుగుల తేడాతో చరిత్రాత్మక విజయాన్ని నమోదు చేసింది.
అఫ్గానిస్థాన్ తరఫున గుల్బుద్దీన్ నైబ్ 4 ఓవర్లలో 20 పరుగులిచ్చి 4 వికెట్లు పడగొట్టగా, నవీన్ ఉల్ హక్ 4 ఓవర్లలో 20 పరుగులిచ్చి 3 వికెట్లు తీశాడు. తద్వారా ఆస్ట్రేలియాపై ఆఫ్ఘనిస్థాన్ జట్టు తొలి విజయంలో కీలక పాత్ర పోషించాడు.
సెమీస్ రేసులోకి అఫ్గాన్..
𝐀𝐟𝐠𝐡𝐚𝐧𝐀𝐭𝐚𝐥𝐚𝐧 𝐖𝐢𝐧! 🙌#AfghanAtalan creates history with their first-ever win against Australia in international cricket! What a terrific achievement this is from #AfghanAtalan. 🤩👏#T20WorldCup | #AFGvAUS | #GloriousNationVictoriousTeam pic.twitter.com/KYAG9fjg07
— Afghanistan Cricket Board (@ACBofficials) June 23, 2024
మరిన్ని క్రీడా వార్తల కోసం ఇక్కడ క్లిక్ చేయండి..