Sri Lanka T20 World Cup Squad: భారత్ను ఓడించిన కెప్టెన్ వైపే మొగ్గు.. 15 మందితో కూడిన టీ20 జట్టును ప్రకటించిన శ్రీలంక
T20 World Cup 2021: టీ 20 ప్రపంచకప్నకు యునైటెడ్ అరబ్ ఎమిరేట్స్, ఒమన్ ఆతిథ్యమిస్తున్నాయి. అక్టోబర్ 17 న ప్రారంభమై నవంబర్ 14 న పొట్టి ప్రపంచ కప్ ముగుస్తుంది.
Updated on: Sep 12, 2021 | 1:51 PM
T20 World Cup 2021: వచ్చే నెలలో మొదలయ్యే టీ 20 వరల్డ్ కప్ 2021 కోసం శ్రీలంక తన జట్టును ప్రకటించింది. జట్టుకు కెప్టెన్గా దాసున్ శనకను నియమించగా, జట్టు ప్రధాన బ్యాట్స్మెన్లలో ఒకరైన ధనంజయ్ డి సిల్వాను వైస్ కెప్టెన్గా నియమించారు. శ్రీలంక ఇటీవల దాసున్ నాయకత్వంలో టీ 20 సిరీస్లో భారత్ను ఓడించింది. బోర్డు సీనియర్ సెలెక్షన్ కమిటీ 15 మంది సభ్యుల బృందాన్ని ప్రకటించింది. లెగ్ స్పిన్నర్లు వనిందు హసరంగ, దుష్మంత చమీరా కూడా ఈ జట్టులో చోటు సంపాదించారు. భారత్పై జట్టును గెలిపించడంలో వారిద్దరూ ముఖ్యమైన పాత్ర పోషించారు. దీంతో పాటు నలుగురు రిజర్వ్ ప్లేయర్స్ కూడా ఎంపికయ్యారు. యునైటెడ్ అరబ్ ఎమిరేట్స్, ఒమన్లో అక్టోబర్ 17 నుంచి నవంబర్ 14 వరకు టీ 20 ప్రపంచ కప్ జరగనుంది.
లెగ్ స్పిన్నర్ వనింద్ హసరంగ భారత్తో జరిగిన టీ 20 సిరీస్లో జట్టు విజయంలో కీలక పాత్ర పోషించాడు. సిరీస్లోని మూడు మ్యాచ్లలో, హసరంగ అతని పేరు మీద ఏడు వికెట్లు పడగొట్టాడు. అతను మొదటి మ్యాచ్లో రెండు వికెట్లు, రెండో మ్యాచ్లో ఒక వికెట్, మూడవ మ్యాచ్లో నాలుగు వికెట్లు తీసి భారత్ను ఓడించాడు. అతని ప్రదర్శన దృష్ట్యా, ఐపీఎల్ -2021లో మిగిలిన సీజన్ కోసం విరాట్ కోహ్లీ సారథ్యంలోని ఐపీఎల్ జట్టు రాయల్ ఛాలెంజర్స్ బెంగళూరుతో బరిలోకి దిగనున్నాడు.
వీరికి మాత్రం చోటు లేదు.. కొంతమంది స్టార్ ప్లేయర్ల పేర్లు జట్టులో చేర్చలేదు. ఇందులో నోరిషన్ డిక్వెల్లా, కుశాల్ మెండిస్ వంటి పేర్లు కూడా ఉన్నాయి. వీరే కాకుండా ధనుష్క గుణతిలక కూడా ఈ జట్టులో చోటు దక్కించుకోలేదు. ఇంగ్లండ్లో కోవిడ్ ప్రోటోకాల్లను ఉల్లంఘించినందుకు జూలైలో ఈ ముగ్గురిపై నిషేధించారు. కుషార్ పెరీరా గాయం నుంచి తిరిగి వచ్చాడు. వికెట్ కీపింగ్ బాధ్యత మినోద్ భానుక్ మీద ఉంటుంది.
21 ఏళ్ల ఆటగాడికి చోటు.. 21 ఏళ్ల ఆఫ్ స్పిన్నర్ మహిష్ తిక్షణ ప్రపంచకప్ కోసం జట్టులో చేరాడు. అతను ఇటీవల మొదటి మ్యాచ్లో దక్షిణాఫ్రికాతో టీ 20 లో అరంగేట్రం చేశాడు. హెన్రిచ్ క్లాసెన్ను ఔట్ చేశాడు. అతను తన వన్డే అరంగేట్రంలో కూడా ఆకట్టుకున్నాడు. అతనితో పాటు, ప్రవీణ్ జయవిక్రమ, హసరంగను జట్టులోకి చేరిన స్పిన్నర్లు. జయవిక్రమలో ఇతర ఫార్మాట్లలో బలమైన ప్రదర్శనల ఆధారంగా, అతను టీ 20 జట్టులో చోటు సంపాదించాడు. బంగ్లాదేశ్పై తన తొలి టెస్టు ఆడాడు. అతని పేరు మీద 11 వికెట్లు పడగొట్టాడు. ఇప్పటివరకు ఐదు వన్డేలు ఆడి ఐదు వికెట్లు తీసుకున్నాడు.
జట్టు ఇలా ఉంది దాసున్ శనక (కెప్టెన్), ధనంజయ్ డి సిల్వా (వైస్-కెప్టెన్), కుశాల్ పెరీరా, దినేష్ చండీమల్, అవిశ్వక ఫెర్నాండో, బి. రాజపక్స, సి. అసలంగా, వనిందు హసరంగ, కమిందు మెండిస్, సి. కరుణరత్నే, ఎన్. ప్రదీప్, దుష్మంత చమీరా, పి. జయవిక్రమ, ఎల్. మధుశంక, ఎం. తేక్షణ.
రిజర్వ్ ప్లేయర్స్: లహిరు కుమార, బినూరు ఫెర్నాండో, అకిలా ధనంజయ, పులినా తరంగా
Your ?? squad for the ICC Men’s #T20WorldCup 2021! ?https://t.co/xQbf0kgr6X pic.twitter.com/8Hoqbx10Vy
— Sri Lanka Cricket ?? (@OfficialSLC) September 12, 2021
