Team India Players: వేరే దేశాల్లో సెటిల్ అవుతున్న టీమిండియా ప్లేయర్లు .. కారణం అదేనా?
టీమిండియా మాజీ ఆటగాడు రాబిన్ ఉతప్ప దుబాయ్లో సెటిల్ అవ్వడానికి గల కారణాన్ని తెలిపాడు. తన పిల్లల ఆరోగ్యం కోసం ట్రాఫిక్ జామ్ నుంచి తప్పించుకునేందుకు దుబాయ్ వెళ్లినట్లు ఉతప్ప వెల్లడించాడు. ఇలాంటి కారణాలతో విరాట్ కోహ్లీ కూడా లండన్లోనే ఉంటున్న సంగతి తెలిసిందే.
Updated on: Nov 28, 2024 | 7:40 PM
టీమిండియా మాజీ క్రికెటర్ రాబిన్ ఉతప్ప అంతర్జాతీయ క్రికెట్కు వీడ్కోలు పలికి ఏళ్లు గడిచాయి. 2006లో అంతర్జాతీయ అరంగేట్రం చేసిన ఉతప్ప చివరిసారిగా 2015లో టీమిండియా తరఫున ఆడాడు. ఆ తర్వాత అతనికి జాతీయ జట్టులో అవకాశం దక్కలేదు. ఐపీఎల్లో కొనసాగిన ఉతప్ప 2022 సెప్టెంబర్లో అన్ని రకాల క్రికెట్కు వీడ్కోలు పలికాడు. క్రికెట్కు రిటైర్మెంట్ ప్రకటించిన తర్వాత ఉతప్ప వ్యాఖ్యాతగా కనిపిస్తున్నాడు. ఇదిలా ఉంటే పాడ్కాస్ట్లో మాట్లాడిన ఉతప్ప.. తాన్యకే.. తాను ఇండియాను వదిలి దుబాయ్లో సెటిల్ అవ్వడానికి గల కారణాన్ని చెప్పి అందరినీ ఆశ్చర్యపరిచాడు.
రాబిన్ ఉతప్ప గత ఏడాది కాలంగా తన కుటుంబంతో కలిసి దుబాయ్లో శాశ్వతంగా నివసిస్తున్నాడు. అయితే, ఉత్తప్ప భారతదేశాన్ని పూర్తిగా విడిచిపెట్టి వెళ్లలేదు. దేశంలో తరచుగా జరిగే వివిధ లీగ్లలో ఉతప్ప పాల్గొంటూ ఉన్నాడు. దీంతో పాటు స్పోర్ట్స్ ఛానల్స్లో వ్యాఖ్యాతగా కూడా చేస్తున్నాడు. పోడ్కాస్ట్లో మాట్లాడిన ఉతప్ప, తన కుటుంబంతో కలిసి దుబాయ్లో ఉండటానికి కారణాన్ని చెప్పాడు. ఇక్కడి ట్రాఫిక్లో తన పిల్లలు ఇబ్బంది పడకూడదని బెంగళూరు నుంచి దుబాయ్లో స్థిరపడ్డానని రాబిన్ ఉతప్ప పాడ్కాస్ట్లో తెలిపారు. “నా పిల్లలను ట్రాఫిక్లో సగం జీవితం గడిపే చోట ఉంచడం సరికాదని బెంగళూరు నగరాన్ని విడిచిపెట్టాను” అని ఉతప్ప చెప్పుకొచ్చాడు. ఇటీవల బెంగళూరులో నాలుగైదు గంటలపాటు తాను, తన కుటుంబం ట్రాఫిక్ జామ్లో చిక్కుకున్న విషయాన్ని రాబిన్ ఉతప్ప ఇక్కడ ప్రస్తావించారు.
“కుమార్తె ట్రినిటీ జన్మించినప్పుడు తన ఆరోగ్యం బాగోలేదు. కాబట్టి నేను ఆమె చికిత్స కోసం మా ఇంటికి 3.5 కి.మీ దూరంలో ఉన్న సమీప క్లినిక్కి వెళ్లవలసి వచ్చింది. కానీ కేవలం 3.5 కి.మీ ప్రయాణించడానికి 45 నిమిషాలు పట్టింది. అక్కడి నుంచి ఇంటికి తిరిగి రావడానికి నాలుగైదు గంటల సమయం పట్టేది. ఈ సుదీర్ఘ ప్రయాణాన్ని దృష్టిలో ఉంచుకుని, నేను కారులో నా కుమార్తెకు పాలు, ఆహారం ఉంచాను. ట్రాఫిక్లో చాలా సేపు గడిపి విసిగిపోయానని, చివరకు ఈ సమస్య నుంచి బయటపడేందుకు దేశం విడిచి వెళ్లాలని నిర్ణయించుకున్నానని ఉతప్ప చెప్పాడు.
నిజానికి, రాబిన్ ఉతప్పలాగే విరాట్ కోహ్లీ కూడా ఇలాంటి వ్యక్తిగత కారణాల వల్ల లండన్లో ఉంటున్నాడు. దీనిపై తాజాగా వసీం అక్రమ్తో మాట్లాడిన విరాట్.. ‘తాను లండన్ వీధుల్లో హాయిగా నడవగలను. అయితే భారత్లో ఇదంతా సాధ్యం కాదని కోహ్లీ అన్నాడు. విరాట్ కోహ్లీ ఇప్పుడు తన కుటుంబంతో లండన్లో నివసించడానికి బహుశా ఇదే కారణం కావచ్చు.
మరిన్ని క్రికెట్ వార్తల కోసం ఇక్కడ క్లిక్ చేయండి
