RCB vs KKR, IPL 2024: ఆర్సీబీ వర్సెస్ కేకేఆర్ హై ఓల్టేజ్ మ్యాచ్.. ఆ ఇద్దరి పైనే అందరి దృష్టి

Royal Challengers Bengaluru vs Kolkata Knight Riders

IPL 2024 10వ మ్యాచ్‌లో రాయల్ ఛాలెంజర్స్ బెంగళూరు, కోల్‌కతా నైట్ రైడర్స్ (RCB vs KKR) జట్లు తలపడుతున్నాయి . చివరి మ్యాచ్‌లో ఆర్‌సీబీ నాలుగు వికెట్ల తేడాతో పంజాబ్ కింగ్స్‌పై గెలుపొందగా, కేకేఆర్ నాలుగు పరుగుల తేడాతో సన్‌రైజర్స్ హైదరాబాద్‌పై విజయం సాధించింది. అయినప్పటికీ, రెండు జట్ల టాప్, మిడిల్ ఆర్డర్ బ్యాటింగ్ సమస్యలు అలాగే ఉన్నాయి. అయితే బెంగళూరులోని ఎం.చిన్నస్వామి స్టేడియం వేదికగా జరుగుతున్న ఈ మ్యాచ్‌లో ఇరు జట్లు తమ పాత తప్పిదాలను సరిదిద్దుకుని బరిలోకి దిగాలని పట్టుదలతో ఉన్నాయి. బెంగళూరులోని ఎం.చిన్నస్వామి స్టేడియం పిచ్ ఫ్లాట్‌గా ఉండి బ్యాటింగ్‌కు అనుకూలంగా ఉంటుంది. అయితే కొత్త బంతితో పేసర్లు మరింత లాభపడతారు. అయితే, పవర్‌ప్లేలో ఎక్కువ పరుగులు వచ్చే అవకాశం ఉంది. చిన్నస్వామి స్టేడియం చిన్నది కాబట్టి బౌండరీలు, సిక్సర్లు భారీగా నమోదయ్యే అవకాశాలున్నాయి. గత మ్యాచ్‌లే ఇందుకు ఉదాహరణ.

కేకేఆర్ కంటే ముందు బెంగళూరులో పంజాబ్‌తో జరిగిన మ్యాచ్‌లో 177 పరుగుల లక్ష్యాన్ని ఛేదించే క్రమంలో ఆ జట్టు బ్యాటింగ్ విభాగం కుప్పకూలింది. కానీ విరాట్ కోహ్లి ఒంటిచేత్తో పోరాడి ఇన్నింగ్స్ హాఫ్ సెంచరీతో జట్టును విజయతీరాలకు చేర్చాడు. కోహ్లీతో పాటు కెప్టెన్ ఫాఫ్ డు ప్లెసిస్, గ్లెన్ మాక్స్‌వెల్, కెమరూన్ గ్రీన్, రజత్ పాటిదార్‌ల నుంచి మంచి ఇన్నింగ్స్‌లు ఆశిస్తున్నారు.

ప్రాక్టీస్ లో కింగ్ కోహ్లీ..

KKR కెప్టెన్ శ్రేయాస్ అయ్యర్, వెంకటేష్ అయ్యర్, సునీల్ నరైన్, నితీష్ రాణాల నుంచి మంచి ఇన్నింగ్స్ ఆశిస్తోంది. తొలి మ్యాచ్ లో వీరందరూ విఫలమయ్యారు. అయితే కేకేఆర్ మిడిల్, లోయర్ ఆర్డర్ బలంగా కనిపిస్తోంది. రమణదీప్ సింగ్, రింకు సింగ్ , ఆండ్రీ రస్సెల్ ఆరు, ఏడు, ఎనిమిది నంబర్లలో బ్యాటింగ్ చేసి జట్టును గెలిపించగల సామర్థ్యం ఉంది. గతేడాది కోహ్లీ వర్సెస్ గంభీర్ వివాదం ఎంత సంచలనం రేకెత్తించిందో అందరికీ తెలిసిందే. ఇప్పుడు కేకేఆర్ మెంటార్ గా గంభీర్ వ్యవహరిస్తున్నారు. కాబట్టి ఈ మ్యాచ్ లోనూ అందరి దృష్టి కోహ్లీ, గంభీర్ లపైనే ఉంటుంది.

మరిన్ని క్రీడా వార్తల కోసం ఇక్కడ క్లిక్ చేయండి..