Watch Video: అయ్యోపాపం.. ఆస్ట్రేలియా గడ్డపై కూలీల అవతారమెత్తిన పాక్ ఆటగాళ్లు.. వైరల్ వీడియో..
Pakistani cricketers load luggage onto truck at Australia airport: ఆస్ట్రేలియాతో మూడు మ్యాచ్ల టెస్ట్ సిరీస్ కోసం లాహోర్ విమానాశ్రయం నుంచి సిడ్నీ విమానాశ్రయంలో దిగిన పాకిస్థాన్ ఆటగాళ్లను స్వాగతించడానికి లేదా తీసుకెళ్లేందుకు పాకిస్థాన్ ఎంబసీ తరపునగానీ, క్రికెట్ ఆస్ట్రేలియా అధికారులుగానీ ఎవరూ రాలేదు. దీంతో ఆటగాళ్లే తమ లగేజీలను ట్రక్లోకి ఎక్కించుకుని హోటల్కు వెళ్లారు.
పాకిస్థాన్ క్రికెట్ (Pakistan Cricket)లో అంతా బాగాలేదని మరోసారి రుజువైంది. ఆస్ట్రేలియాతో టెస్ట్ సిరీస్ కోసం కంగారూల గడ్డపై దిగిన పాకిస్థాన్ క్రికెట్ జట్టుకు తీవ్ర నిరాశే ఎదురైంది. పాకిస్థాన్ ఆటగాళ్లకు స్వాగతం పలికేందుకు ఎవరూ అక్కడికి రాలేదు. పాకిస్థాన్ ఎంబసీ అధికారులు కూడా హాజరు కాలేదు. పాకిస్థాన్ ఆటగాళ్లు తమ లగేజీని స్వయంగా ట్రక్కులో ఎక్కించుకుని హోటల్కు వెళ్లాల్సిన పరిస్థితి ఏర్పడింది. దీనికి సంబంధించిన వీడియో కూడా సోషల్ మీడియాలో వైరల్ అవుతోంది.
పాకిస్థాన్ ఆటగాళ్లు లాహోర్ విమానాశ్రయం నుంచి బయలుదేరి సిడ్నీ విమానాశ్రయంలో దిగారు. పాక్ ఎంబసీ, క్రికెట్ ఆస్ట్రేలియా అధికారులు ఎవరూ ఇక్కడికి పాకిస్థానీ ఆటగాళ్లను స్వాగతించడానికి లేదా ఎస్కార్ట్ చేయడానికి రాలేదు. దీంతో జట్టు సభ్యులు తమ లగేజీని స్వయంగా తీసుకెళ్లాల్సి వచ్చింది.
వైరల్ అవుతున్న వీడియోలో, పాకిస్తాన్ క్రికెటర్ మొహమ్మద్ రిజ్వాన్ తన సహచరుల కిట్ బ్యాగ్లను లోడ్ చేయడానికి ట్రక్కు లోపల నిలబడి ఉన్నట్లు చూడవచ్చు. బాబర్ ఆజం, షాహీన్ అఫ్రిదితో సహా ఆటగాళ్లు ట్రిక్లో లగేజీని ప్యాక్ చేస్తున్నారు. దీంతో పాక్ ఆటగాళ్ల బస, రాబోయే సిరీస్ల కోసం మొత్తం ఏర్పాట్ల గురించి ఊహాగానాలు ఎలా ఉండనున్నాయో తెలుస్తోందని నెటిజన్లు కామెంట్లు చేస్తున్నారు.
Pakistan team has reached Australia to play 3 match Test series starting December 14.
Pakistani players loaded their luggage on the truck as no official was present. pic.twitter.com/H65ofZnhlF
— Cricketopia (@CricketopiaCom) December 1, 2023
డిసెంబర్ 14 నుంచి పెర్త్లో తొలి మ్యాచ్తో పాకిస్థాన్-ఆస్ట్రేలియా టెస్టు సిరీస్ ప్రారంభం కానుంది. మూడో టెస్టు డిసెంబర్ 26 నుంచి 30 వరకు మెల్బోర్న్లో, జనవరి 3 నుంచి 7 వరకు సిడ్నీలో జరుగుతుంది. ఆస్ట్రేలియా గడ్డపై పాకిస్థాన్ ఇప్పటి వరకు టెస్టు సిరీస్ గెలవలేదు. అయితే, ఇప్పుడు కొత్త కెప్టెన్ షాన్ మసూద్ నేతృత్వంలో చరిత్ర సృష్టిస్తుందో లేదో చూడాలి.
పాకిస్థాన్ క్రికెట్ బోర్డు ఇటీవలే టెస్టు జట్టు కెప్టెన్గా 34 ఏళ్ల మసూద్ను నియమించింది. బాబర్ ఆజం అన్ని ఫార్మాట్ల కెప్టెన్సీ నుంచి తప్పుకున్నాడు. శ్రీలంకతో జరిగిన రెండు టెస్టుల్లోనూ విజయం సాధించిన పాకిస్థాన్ వరల్డ్ టెస్ట్ ఛాంపియన్షిప్ 2023-25 పాయింట్ల పట్టికలో అగ్రస్థానంలో నిలిచింది. తొమ్మిది జట్ల జాబితాలో భారత్ రెండో స్థానంలో, ఆస్ట్రేలియా మూడో స్థానంలో ఉన్నాయి.
మరిన్ని క్రీడా వార్తల కోసం ఇక్కడ క్లిక్ చేయండి..