Ind vs Aus: కోపంతో ఆసీస్ బ్యాటర్పై బంతిని విసిరేసిన సిరాజ్.. ఇంతకీ ఏం జరిగిందంటే?
బోర్డర్-గవాస్కర్ ట్రోఫీ రెండో టెస్ట్ మ్యాచ్ అడిలైడ్ ఓవల్ మైదానంలో జరుగుతోంది. ఈ మ్యాచ్లో మహ్మద్ సిరాజ్, మార్నస్ లాబుషాగ్నే మధ్య తీవ్ర వాగ్వాదం జరిగింది. ఆస్ట్రేలియన్ ఇన్నింగ్స్ 25వ ఓవర్లో సిరాజ్ కోపంతో మార్నస్ లాబుషాగ్నే వైపు బంతిని విసిరాడు.
Updated on: Dec 06, 2024 | 6:38 PM
బోర్డర్-గవాస్కర్ ట్రోఫీలో భాగంగా భారత్, ఆస్ట్రేలియా మధ్య అడిలైడ్ ఓవల్ మైదానంలో రెండో టెస్టు మ్యాచ్ జరుగుతోంది. పింక్ బాల్తో జరుగుతున్న ఈ మ్యాచ్లో భారత ఫాస్ట్ బౌలర్ మహ్మద్ సిరాజ్, ఆస్ట్రేలియా బ్యాట్స్మెన్ మార్నస్ లాబుస్చాగ్నే మధ్య వివాదం జరిగింది. సిరీస్లోని తొలి మ్యాచ్లో కూడా ఇద్దరు ఆటగాళ్ల మధ్య వాగ్వాదం చోటుచేసుకుంది. కానీ ఈసారి మహ్మద్ సిరాజ్ కోపంతో లాబుస్చాగ్న పైకి బంతిని విసిరాడు. అయితే బంతి మార్నస్ లాబుషాగ్నేకి తగలకపోవడంతో అందరూ ఊపిరి పిల్చుకున్నారు.
ఆస్ట్రేలియా ఇన్నింగ్స్ 25వ ఓవర్లో మహ్మద్ సిరాజ్, మార్నస్ లాబుషాగ్నేల మధ్య వాగ్వాదం జరిగింది. ఈ ఓవర్లోని నాల్గొవ బంతికి లాబుస్చాగ్నే బ్యాటింగ్ చేస్తున్నాడు. సిరాజ్ బంతిని వేయబోతుండగా లాబుస్చాగ్నే పక్కకు జరుగుతాడు. దీని కారణంగా సిరాజ్ తన బౌలింగ్ను మధ్యలోనే ఆపవలసి వచ్చింది. ఒక అభిమాని స్క్రీన్ మధ్య నుండి బయటకు వస్తున్నాడు. అది చూసి లాబుస్చాగ్నే నవ్వుతూ వికెట్ల నుంచి పక్కకు జరిగాడు. దీంతో సిరాజ్ కోపంతో లాబుస్చాగ్నే వైపు బంతిని విసిరాడు. అయితే బంతి ఎవరికీ తగలలేదు.
సిరీస్లోని మొదటి మ్యాచ్లో కూడా, ఆస్ట్రేలియా ఇన్నింగ్స్లోని 13వ ఓవర్లో మహ్మద్ సిరాజ్ మార్నస్ లాబుస్చాగ్నేల మధ్య వాగ్వాదం జరిగింది. సిరాజ్ షార్ట్ లెంగ్త్ బంతిని వేశాడు, దానిని లాబుస్చాగ్నే ఢిపెండ్ ఆడాడు. సిరాజ్ బంతిని తీయడానికి లాబుస్చాగ్నే వద్దకు వెళ్లాడు, లాబుస్చాగ్నే బంతిని బ్యాట్ నుండి దూరంగా నెట్టడంతో, సిరాజ్ మైదానం మధ్యలో లాబుస్చాగ్నేపై కోపం వ్యక్తం చేశాడు. ఈ సందర్భంగా విరాట్ కోహ్లీ కూడా లాబుస్చాగ్నేపై అసంతృప్తి వ్యక్తం చేశాడు.
వీడియో ఇదిగో:
Labuschagne humbling MDC Siraj 😆💉pic.twitter.com/jeTSlrIXkB
— . (@Devx_07) December 6, 2024
ఆస్ట్రేలియా (ప్లేయింగ్ XI): ఉస్మాన్ ఖవాజా, నాథన్ మెక్స్వీనీ, మార్నస్ లాబుషాగ్నే, స్టీవెన్ స్మిత్, ట్రావిస్ హెడ్, మిచెల్ మార్ష్, అలెక్స్ కారీ(కీపర్), పాట్ కమిన్స్(కెప్టెన్), మిచెల్ స్టార్క్, నాథన్ లియోన్, స్కాట్ బోలాండ్.
భారత్ (ప్లేయింగ్ XI): యశస్వి జైస్వాల్, కేఎల్ రాహుల్, శుభ్మన్ గిల్, విరాట్ కోహ్లీ, రిషబ్ పంత్(కీపర్), రోహిత్ శర్మ(కెప్టెన్), నితీష్ రెడ్డి, రవిచంద్రన్ అశ్విన్, హర్షిత్ రాణా, జస్ప్రీత్ బుమ్రా, మహ్మద్ సిరాజ్
మరిన్ని క్రికెట్ వార్తల కోసం ఇక్కడ క్లిక్ చేయండి
