వేలంలో రికార్డు ప్రైజ్.. కట్చేస్తే.. కేకేఆర్కు దిమ్మతిరిగే షాకిచ్చిన రూ. 9.2 కోట్ల ప్లేయర్.. ఇలా హ్యాండిచ్చాడేంటి..?
Indian Premier League KKR: బంగ్లాదేశ్ ఎడమచేతి వాటం ఫాస్ట్ బౌలర్ ముస్తాఫిజుర్ రెహమాన్ ఇండియన్ ప్రీమియర్ లీగ్ (IPL) 2026 నుంచి కొంతకాలం ఆటకు దూరంగా ఉంటాడు. న్యూజిలాండ్తో జరిగే వన్డే సిరీస్ కోసం అతను స్వదేశానికి తిరిగి వెళ్లాల్సి రావొచ్చని తెలుస్తోంది.
కోల్కతా నైట్ రైడర్స్ (KKR) జట్టుకు ఐపీఎల్ 2026 సీజన్ ప్రారంభానికి ముందే ఒక గట్టి ఎదురుదెబ్బ తగిలింది. ఇటీవల జరిగిన వేలంలో భారీ ధర వెచ్చించి కొనుగోలు చేసిన స్టార్ బౌలర్ ముస్తాఫిజుర్ రెహ్మాన్, వచ్చే సీజన్లో కొన్ని కీలక మ్యాచ్లకు దూరం కానున్నట్లు తెలుస్తోంది. దీనికి సంబంధించిన పూర్తి వివరాలు ఓసారి చూద్దాం..
ఎవరీ స్టార్ బౌలర్?
బంగ్లాదేశ్కు చెందిన ఎడమచేతి వాటం వేగవత బౌలర్ ముస్తాఫిజుర్ రెహ్మాన్ (Mustafizur Rahman) ను ఐపీఎల్ 2026 వేలంలో కోల్కతా నైట్ రైడర్స్ రూ. 9.2 కోట్లకు భారీ ధరకు సొంతం చేసుకుంది. ఐపీఎల్ చరిత్రలో అత్యంత ఖరీదైన బంగ్లాదేశ్ ఆటగాడిగా అతను రికార్డు సృష్టించాడు. ముస్తాఫిజుర్ గతంలో సన్రైజర్స్ హైదరాబాద్, చెన్నై సూపర్ కింగ్స్ వంటి జట్ల తరపున అద్భుత ప్రదర్శన చేశాడు. అతని స్లో డెలివరీలు, కట్టర్లతో ప్రత్యర్థి బ్యాటర్లను ఇబ్బంది పెట్టడంలో అతను దిట్ట.
ఎందుకు దూరం కానున్నాడు?
ముస్తాఫిజుర్ గాయం కారణంగా కాకుండా, తన దేశం (బంగ్లాదేశ్) తరపున అంతర్జాతీయ మ్యాచ్లు ఆడాల్సి ఉన్నందున ఐపీఎల్ నుంచి మధ్యలో విరామం తీసుకోనున్నాడు. 2026 ఏప్రిల్ నెలలో బంగ్లాదేశ్ జట్టు న్యూజిలాండ్తో వన్డే, టీ20 సిరీస్ ఆడాల్సి ఉంది.
బంగ్లాదేశ్ క్రికెట్ బోర్డ్ (BCB) నిబంధనల ప్రకారం.. కీలకమైన సిరీస్ కోసం ముస్తాఫిజుర్ స్వదేశానికి తిరిగి వెళ్లాల్సి ఉంటుంది.
తాజా సమాచారం ప్రకారం, ఏప్రిల్ 16 నుంచి 23 మధ్య జరిగే మ్యాచ్లకు అతను అందుబాటులో ఉండకపోవచ్చు. అంటే దాదాపు 8 నుంచి 10 రోజుల పాటు అతను కేకేఆర్ జట్టుకు దూరం కానున్నాడు.
కేకేఆర్ జట్టుపై ప్రభావం ఎంత?
ముస్తాఫిజుర్ లేకపోవడం కేకేఆర్ డెత్ ఓవర్ల బౌలింగ్పై ప్రభావం చూపే అవకాశం ఉంది. అయితే కేకేఆర్ మేనేజ్మెంట్ దీనికి ముందే సిద్ధమైనట్లు కనిపిస్తోంది. ముస్తాఫిజుర్తో పాటు శ్రీలంక స్టార్ బౌలర్ మతీషా పతిరానాను (రూ. 18 కోట్లు) కూడా వేలంలో కొనుగోలు చేశారు. పతిరానా అందుబాటులో ఉండటం కేకేఆర్కు పెద్ద ఊరట.
అంతేకాకుండా కేకేఆర్ వద్ద హర్షిత్ రాణా, వైభవ్ అరోరా, ఉమ్రాన్ మాలిక్ వంటి దేశీ ఫాస్ట్ బౌలర్లు కూడా ఉన్నారు. ముస్తాఫిజుర్ కేవలం వారం రోజుల పాటు మాత్రమే అందుబాటులో ఉండడు కాబట్టి, ఇది జట్టుకు పెద్ద సమస్య కాకపోవచ్చని విశ్లేషకులు భావిస్తున్నారు.
ఏది ఏమైనప్పటికీ, రూ. 9.2 కోట్లు పెట్టి కొన్న మెయిన్ బౌలర్ టోర్నీ మధ్యలో వెళ్ళిపోవడం కేకేఆర్ అభిమానులకు కాస్త నిరాశ కలిగించే విషయమే. కానీ, ముస్తాఫిజుర్ తన టీ20 సిరీస్ ముగిసిన వెంటనే తిరిగి జట్టులో చేరుతాడని సమాచారం.
మరిన్ని క్రీడా వార్తల కోసం ఇక్కడ క్లిక్ చేయండి..